ರಸ್ತೆ ಅಪಘಾತ ಪ್ರಕರಣ; ನಟಿ ಗಾಯತ್ರಿ ಜೋಶಿ ಪತಿ, ಕೋಟ್ಯಾಧಿಪತಿ ವಿಕಾಸ್ ಒಬೆರಾಯ್ ವಿರುದ್ಧ ತನಿಖೆ ಆರಂಭ

ಮುಂಬೈ: ಶಾರುಖ್ ಖಾನ್ ಅವರ ಸ್ವದೇಸ್ ಸಿನಿಮಾದೊಂದಿಗೆ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ನಟಿ ಗಾಯತ್ರಿ ಜೋಶಿ ಸದ್ಯ ಸುದ್ದಿಯಲ್ಲಿದ್ದಾರೆ. ನಿನ್ನೆ ಇಟಲಿಯಲ್ಲಿ ಅವರ ಕಾರು ರಸ್ತೆ ಅಪಘಾತಕ್ಕೀಡಾದ ಸುದ್ದಿ ಸಂಚಲನ ಮೂಡಿಸಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದೀಗ ಮತ್ತೊಂದು ದೊಡ್ಡ ಅಪ್ಡೇಟ್ ಸಿಕ್ಕಿದೆ.

ವಿಕಾಸ್ ಒಬೆರಾಯ್ ವಿರುದ್ಧ ತನಿಖೆ ಆರಂಭ
ಕಾರು ಅಪಘಾತದ ಸಂದರ್ಭದಲ್ಲಿ ಗಾಯತ್ರಿ ಜೋಶಿ ಅವರ ಪತಿ ವಿಕಾಸ್ ಒಬೆರಾಯ್ ಜೊತೆಗಿದ್ದರು. ಇದೀಗ ಪೊಲೀಸರು ಅವರ ವಿರುದ್ಧ ತನಿಖೆ ಆರಂಭಿಸಿದ್ದಾರೆ. ರಸ್ತೆ ಅಪಘಾತದಲ್ಲಿ ಗಾಯತ್ರಿ ಜೋಶಿ, ವಿಕಾಸ್ ಒಬೆರಾಯ್ ಸೇರಿದಂತೆ ಇತರರ ಕೆಲವು ವಾಹನಗಳು ಜಖಂಗೊಂಡಿವೆ. ನಟಿ ಮತ್ತು ಅವರ ಪತಿ ಅಪಘಾತದಲ್ಲಿ ಕೂದಲೆಳೆ ಅಂತರದಿಂದ ಪಾರಾಗಿದ್ದು, ಸ್ವಿಸ್​​​ ದಂಪತಿಗಳು ಸಾವನ್ನಪ್ಪಿದರು. ಇದೀಗ ಈ ಸಂಪೂರ್ಣ ಪ್ರಕರಣದ ತನಿಖೆ ಆರಂಭವಾಗಿದ್ದು, ಇದರಲ್ಲಿ ಗಾಯತ್ರಿ ಜೋಶಿ ಅವರ ಪತಿಯ ಹೆಸರನ್ನು ಸೇರಿಸಲಾಗಿದೆ.

ಜೈಲಿಗೆ ಹೋಗುತ್ತಾರಾ ಕೋಟ್ಯಾಧಿಪತಿ ವಿಕಾಸ್?
ಡೈಲಿ ಮೇಲ್ ವರದಿಯ ಪ್ರಕಾರ, ಅಧಿಕಾರಿಗಳು ರಸ್ತೆ ಅಪಘಾತದ ತನಿಖೆಗಾಗಿ ವಿಕಾಸ್ ಒಬೆರಾಯ್ ಮೇಲೆ ತನಿಖೆ ಆರಂಭಿಸಿದ್ದಾರೆ. ಈ ಅಪಘಾತದಲ್ಲಿ ಅವರು ತಪ್ಪಿತಸ್ಥರೆಂದು ಕಂಡುಬಂದರೆ, ಅವರು ಏಳು ವರ್ಷಗಳವರೆಗೆ ಜೈಲು ಶಿಕ್ಷೆಯನ್ನು ಅನುಭವಿಸಬಹುದು.

ಲಂಬೋರ್ಗಿನಿ ಹರಿದ ಛಾವಣಿ
ವಿಕಾಸ್ ಒಬೆರಾಯ್ ನೀಲಿ ಲಂಬೋರ್ಘಿನಿ ಹುರಾಕಾನ್ ಓಡಿಸುತ್ತಿದ್ದರು ಎಂದು ವರದಿಯಾಗಿದೆ. ಅಪಘಾತದಲ್ಲಿ ಸ್ವಿಸ್ ದಂಪತಿಗಳ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶಂಕಿತರ ಪಟ್ಟಿಯಲ್ಲಿ ವಿಕಾಸ್ ಕೂಡ ಇದ್ದಾರೆ. ವರದಿಗಳ ಪ್ರಕಾರ, ವಿಕಾಸ್ ಮತ್ತು ಗಾಯತ್ರಿ ಅವರ ಲಂಬೋರ್ಗಿನಿ ಮೇಲ್ಛಾವಣಿ ಮುರಿದುಹೋಗಿದೆ, ಆದರೆ ಅವರಿಬ್ಬರೂ ಸುರಕ್ಷಿತವಾಗಿದ್ದಾರೆ.

ಅಪಘಾತದ ವಿಡಿಯೋ ವೈರಲ್
ರಸ್ತೆ ಅಪಘಾತದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ ಗಾಯತ್ರಿ ಜೋಶಿ ಅವರ ಕಾರು ಅಪಘಾತಕ್ಕೀಡಾಗಿದೆ ಎಂದು ಹೇಳಲಾಗಿದೆ. ವಿಡಿಯೋದಲ್ಲಿ, ಎರಡು ಐಷಾರಾಮಿ ಕಾರುಗಳಾದ ಲಂಬೋರ್ಗಿನಿ ಮತ್ತು ಫೆರಾರಿ ಪರಸ್ಪರ ಹಿಂದಿಕ್ಕಲು ಪ್ರಯತ್ನಿಸುತ್ತಿರುವಾಗ ಪರಸ್ಪರ ಡಿಕ್ಕಿ ಹೊಡೆದಿರುವುದು ಕಂಡುಬರುತ್ತದೆ. ಡಿಕ್ಕಿಯ ನಂತರ ತೂರಿ ಹೋದ ಕ್ಯಾಂಪರ್ ವ್ಯಾನ್ ಕೂಡ ಡಿಕ್ಕಿ ಹೊಡೆದಿದೆ. ಈ ಅಪಘಾತದಲ್ಲಿ ಸ್ವಿಟ್ಜರ್ಲೆಂಡ್‌ನ ದಂಪತಿಗಳಾದ ಮಾರ್ಕಸ್ ಕ್ರೌಟ್ಲಿ ಮತ್ತು ಮೆಲಿಸ್ಸಾ ಕ್ರೌಟ್ಲಿ ಸಾವನ್ನಪ್ಪಿದ್ದಾರೆ.

https://www.vijayavani.net/election-commission-calls-for-meeting-with-observers-ahead-of-schedule-announcements