ಇನ್ನು, ಕರೋನಾ ಲಾಕ್ಡೌನ್ ನಡುವೆಯೇ ಕಜಕಿಸ್ತಾನದಲ್ಲಿ ಚಿತ್ರೀಕರಣಕ್ಕೆ ಹೋಗಿದ್ದರ ಅನುಭವ ಬಿಚ್ಚಿಡುವ ಅವರು, ‘ಕಜಕಿಸ್ತಾನದಲ್ಲಿ - 20, - 22 ತಾಪಮಾನವಿರುತ್ತಿತ್ತು. ನೋಡೋಕೆ ಚಂದ. ಕಾರಿನಲ್ಲಿ ಹೋಗುವಾಗ ಸುತ್ತಮುತ್ತ ಪರಿಸರ ನೋಡಿ, ಆಹಾ... ಎಷ್ಟು ಸುಂದರವಾಗಿದೆ. ಸ್ವರ್ಗ ಅಂತ ಮಾತನಾಡಿಕೊಳ್ಳುತ್ತಿದ್ದೆವು. ಆದರೆ ಕಾರಿನಿಂದ ಇಳಿಯುತ್ತಿದ್ದಂತೆ ನರಕ. ಆದರೆ, ಚಿತ್ರೀಕರಣದ ವೇಳೆ ಎಂಜಾಯ್ ಮಾಡಿದೆವು’ ಎಂದು ಹೇಳಿಕೊಳ್ಳುತ್ತಾರೆ. ‘ಸ್ನೇಹ, ಪ್ರಯಾಣ, ಪ್ರೀತಿ, ಎಮೋಷನ್... ‘ಗಾಳಿಪಟ’ ಚಿತ್ರದಲ್ಲಿ ಎಷ್ಟಿತ್ತೋ, ‘ಗಾಳಿಪಟ 2’ನಲ್ಲಿ ಅದಕ್ಕಿಂತ ಡಬಲ್ ಇದೆ. ಪ್ರೇಕ್ಷಕರಿಗೆ ಇಷ್ಟವಾಗುವ ಭರವಸೆಯಿದೆ’ ಎಂದು ಮಾತು ಮುಗಿಸುತ್ತಾರೆ.
