ಕೆಜಿ ಕೊರಿಯನ್​ ಬ್ಯಾಂಬು ಉಪ್ಪಿನ ಬೆಲೆ ಏಕಿಷ್ಟು ದುಬಾರಿ?

ಉಪ್ಪಿಗಿಂತ ರುಚಿ ಬೇರೆ ಇಲ್ಲ

ನಮಗೆಲ್ಲ ಹೆಚ್ಚಾಗಿ ತಿಳಿದಿರುವುದು ಕಲ್ಲುಪ್ಪು ಮತ್ತು ಪುಡಿ ಉಪ್ಪು. ಆದರೆ, ಇದನ್ನೂ ಮೀರಿ ಮಾರುಕಟ್ಟೆಯಲ್ಲಿ ತರಹೇವಾರಿ ಉಪ್ಪುಗಳು ಲಭ್ಯವಿವೆ. ಅದರ ಹೆಸರುಗಳನ್ನು ಕೇಳಿದಾಗ ಹೀಗೂ ಇದೆಯಾ ಎಂಬ ಪ್ರಶ್ನೆಗಳು ಮೂಡುವುದು ಸಹಜ. ಆದರೆ, ಇಲ್ಲೊಂದು ಸಾಲ್ಟ್​ ಮಾತ್ರ ಜನರನ್ನು ಬೆರಗಾಗಿಸುವಂತಿದೆ. ಅದೇ ಈ ಕೊರಿಯನ್​ ಬ್ಯಾಂಬು ಸಾಲ್ಟ್​.

ಭಾರತದಲ್ಲಿ 1 ಕೆಜಿ ಉಪ್ಪಿನ ಬೆಲೆ 20ರಿಂದ 30 ರೂ.

ನಮ್ಮ ಭಾರತದಲ್ಲಿ ಸಾಮಾನ್ಯವಾಗಿ 1 ಕೆಜಿ ಉಪ್ಪಿನ ಬೆಲೆ 20ರಿಂದ 30 ರೂ. ಆದರೆ, ನಾವಿಲ್ಲಿ ಹೇಳುತ್ತಿರುವ ಉಪ್ಪಿನ ಬೆಲೆ ಎಷ್ಟು ಎಂಬ ಅಂದಾಜು ನಿಮಗಿದೆಯೇ? ತಿಳಿದರೆ ಖಂಡಿತವಾಗಿಯೂ ಹುಬ್ಬೇರುತ್ತೆ. ಕಾರಣ, ಇದರ ಬೆಲೆ ಕೆಜಿಗೆ 30ರಿಂದ 35,000 ರೂ.! (ವ್ಯತ್ಯಾಸಗಳು ಕಂಡುಬರಬಹುದು)

ವಿಶ್ವದಲ್ಲೇ ಅತ್ಯಂತ ದುಬಾರಿ ಉಪ್ಪು

ಹೌದು, ಕೊರಿಯಾದಲ್ಲಿ ತಯಾರಿಸಲಾದ ಬಿದಿರಿನ ಉಪ್ಪಿದು. ಇದು ಅದ್ಭುತ ಮತ್ತು ಅತ್ಯಂತ ದುಬಾರಿ ಉಪ್ಪು ಎಂಬ ಹಣೆಪಟ್ಟಿಯನ್ನು ಪಡೆದಿದೆ. ಇದು ವಿಶ್ವದಲ್ಲೇ ಅತ್ಯಂತ ಮೌಲ್ಯಯುತವಾಗಿದೆ ಎಂದು ಹೇಳಲಾಗಿದೆ. ಅಷ್ಟಕ್ಕೂ ಈ ಉಪ್ಪಿನ ವಿಶೇಷತೆಗಳೇನು ಎಂಬುದರ ವಿವರ ಹೀಗಿದೆ ಗಮನಿಸಿ.

9 ಬಾರಿ ಹುರಿಯುವ ಪ್ರಕ್ರಿಯೆ

ಈ ಉಪ್ಪನ್ನು ವಿಶೇಷ ಬಾಂಬ್ ಟ್ಯೂಬ್‌ಗಳಲ್ಲಿ ತುಂಬಿಸಿ ಮೇಲಿನಿಂದ ಹಳದಿ ಜೇಡಿಮಣ್ಣಿನಿಂದ ಮುಚ್ಚಲಾಗುತ್ತದೆ ಮತ್ತು ಸುಮಾರು 1000°C ನಿಂದ 1500°C ವರೆಗಿನ ಅತಿ ಹೆಚ್ಚಿನ ತಾಪಮಾನದಲ್ಲಿ ಹುರಿಯಲಾಗುತ್ತದೆ. ಪ್ರಕ್ರಿಯೆಯಲ್ಲಿ ಉಪ್ಪಿನಿಂದ ಹಾನಿಕಾರಕ ಲೋಹಗಳನ್ನು ತೆಗೆದುಹಾಕಲಾಗುತ್ತದೆ ಮತ್ತು ಶುದ್ಧೀಕರಿಸಿದ ಮಟ್ಟದ ಉಪ್ಪನ್ನು ಉತ್ಪಾದಿಸಲಾಗುತ್ತದೆ.

ಔಷಧೀಯ ಗುಣಗಳನ್ನು ಹೊಂದಿರುವ ಉಪ್ಪು

ಈ ಉಪ್ಪನ್ನು ಕೊರಿಯಾದ ಸಾಂಪ್ರದಾಯಿಕ ಔಷಧದಲ್ಲಿ ನಿರ್ವಿಶೀಕರಣ, ಜೀರ್ಣಕಾರಿ ಸಮಸ್ಯೆಗಳು ಮತ್ತು ಕರುಳಿನ ಶುದ್ಧೀಕರಣಕ್ಕಾಗಿ ಬಳಸಲಾಗುತ್ತದೆ. ಇದು ಮೊಡವೆ, ಬಾಯಿಯ ಆರೋಗ್ಯ ಸಮಸ್ಯೆಗಳಂತಹ ಸಮಸ್ಯೆಗಳ ವಿರುದ್ಧ ಹೋರಾಡುತ್ತದೆ. ಇದರಲ್ಲಿರುವ ಲಾರಿಕ್ ಆಮ್ಲ ಮತ್ತು ಖನಿಜಗಳು ದೇಹದ ನೈಸರ್ಗಿಕ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ ಎನ್ನಲಾಗಿದೆ.

ಅತ್ಯುತ್ತಮ ಖನಿಜಾಂಶ

ಇದು ಕ್ಯಾಲ್ಸಿಯಂ, ಮೆಗ್ನೀಸಿಯಮ್, ಪೊಟ್ಯಾಸಿಯಮ್ ಮತ್ತು ಕಬ್ಬಿಣದಂತಹ ಪ್ರಮುಖ ಖನಿಜಗಳಿಂದ ಸಮೃದ್ಧವಾಗಿದೆ. ಆದ್ದರಿಂದ, ಈ ಉಪ್ಪನ್ನು ಮಿತವಾಗಿ ಸೇವಿಸುವುದರಿಂದ ದೇಹದಲ್ಲಿನ ಖನಿಜ ಕೊರತೆಯನ್ನು ಕಡಿಮೆ ಮಾಡಬಹುದು.

ಅಪರೂಪ, ಸೀಮಿತ ಉತ್ಪಾದನೆ

ಈ ಉಪ್ಪನ್ನು ಬಹಳ ವಿರಳವಾಗಿ ತಯಾರಿಸಲಾಗುತ್ತದೆ. ಕೊರಿಯಾದಲ್ಲಿ ಕೆಲವು ಸಾಂಪ್ರದಾಯಿಕ ಕುಟುಂಬಗಳು ಮಾತ್ರ ಈ ಉಪ್ಪನ್ನು ತಯಾರಿಸುತ್ತವೆ. ಹೆಚ್ಚಿನ ವೆಚ್ಚ, ಶ್ರಮ, ಸಮಯ ಮತ್ತು ಕೌಶಲ್ಯದ ಅಗತ್ಯವಿರುವ ಕಾರಣ ಇದನ್ನು ಹೆಚ್ಚು ಮೌಲ್ಯಯುತವಾದ ಉಪ್ಪು ಎಂದೇ ಪರಿಗಣಿಸಲಾಗಿದೆ.

ಮುನ್ನೆಚ್ಚರಿಕೆ ಏನು?

ಈ ಉಪ್ಪನ್ನು ಸಾಮಾನ್ಯ ಅಡುಗೆ ಉಪ್ಪಿನಂತೆ ಬಳಕೆ ಮಾಡಬಾರದು. ತಜ್ಞರ ಸಲಹೆಯೊಂದಿಗೆ ಮಾತ್ರ ಬಳಸಬೇಕು. ಅಧಿಕೃತ ಮೂಲದಿಂದ ಮಾತ್ರ ಖರೀದಿಸುವುದು ಉತ್ತಮ,(ಏಜೆನ್ಸೀಸ್).