ಇವೇ ನೋಡಿ ಸಂಧಿವಾತದ ಆರಂಭಿಕ ಲಕ್ಷಣಗಳು! Arthritis Symptoms

ಸಂಧಿವಾತ

ಸಂದಿವಾತ ಅಥವಾ ಕೀಲುನೋವು ಎಂಬುದು ಇತ್ತೀಚಿನ ದಿನಗಳಲ್ಲಿ ವಯಸ್ಸಿನ ಭೇದವಿಲ್ಲದೆ ಕಾಣಿಸಿಕೊಳ್ಳುತ್ತಿರುವ ಸಾಮಾನ್ಯ ಆರೋಗ್ಯ ಸಮಸ್ಯೆಯಾಗಿದೆ. ಕೀಲುಗಳಲ್ಲಿ ಉರಿಯೂತ ಉಂಟಾದಾಗ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಇದರ ಆರಂಭಿಕ ಲಕ್ಷಣಗಳನ್ನು ಮೊದಲೇ ಗುರುತಿಸಿ ಚಿಕಿತ್ಸೆ ಪಡೆದರೆ ಕೀಲುಗಳು ಮತ್ತಷ್ಟು ಹಾನಿಯಾಗುವುದನ್ನು ತಡೆಯಬಹುದು.

ಕೀಲುಗಳಲ್ಲಿ ನೋವು

ಯಾವುದೇ ದೈಹಿಕ ಶ್ರಮವಿಲ್ಲದಿದ್ದರೂ ಕೀಲುಗಳಲ್ಲಿ ಸತತವಾಗಿ ಮಂದವಾದ ನೋವು ಕಾಣಿಸಿಕೊಳ್ಳುವುದು ಸಂದಿವಾತದ ಮೊದಲ ಪ್ರಮುಖ ಲಕ್ಷಣವಾಗಿದೆ. ಆರಂಭದಲ್ಲಿ ಈ ನೋವು ಬಂದು ಹೋಗುತ್ತಿರುತ್ತದೆ.

ಬೆಳಗಿನ ಜಾವದ ಬಿಗಿತ

ಮುಂಜಾನೆ ನಿದ್ದೆಯಿಂದ ಎದ್ದಾಗ ಕೀಲುಗಳು ಸಂಪೂರ್ಣವಾಗಿ ಬಿಗಿದುಕೊಂಡಂತೆ ಭಾಸವಾಗುತ್ತದೆ. ಕೈ-ಕಾಲುಗಳನ್ನು ಚಲಿಸಲು ಕಷ್ಟವಾಗುತ್ತದೆ. ಈ ಬಿಗಿತವು ಸಾಮಾನ್ಯವಾಗಿ ಅರ್ಧ ಗಂಟೆಗಿಂತ ಹೆಚ್ಚು ಕಾಲ ಇರುತ್ತದೆ.

ಊತ ಮತ್ತು ಕೆಂಪಾಗುವುದು

ಪೆಟ್ಟಾಗದಿದ್ದರೂ ಕೀಲುಗಳ ಸುತ್ತಲಿನ ಭಾಗದಲ್ಲಿ ಊತ ಕಾಣಿಸಿಕೊಳ್ಳುತ್ತದೆ. ಉರಿಯೂತದ ಕಾರಣದಿಂದಾಗಿ ಆ ಭಾಗವು ಮುಟ್ಟಿದರೆ ಬಿಸಿಯಾಗಿರುವುದು ಮತ್ತು ಕೆಂಪಗಾಗುವುದು ಇದರ ಲಕ್ಷಣ.

ಚಲನೆಗೆ ತೊಂದರೆ

ಕೈಬೆರಳುಗಳು, ಮಂಡಿ ಅಥವಾ ಸೊಂಟದ ಕೀಲುಗಳನ್ನು ಮೊದಲಿನಂತೆ ಮುಚ್ಚಲು, ತೆರೆಯಲು ಅಥವಾ ಮುಡಿಯಲು ಕಷ್ಟವಾಗುತ್ತದೆ. ಕೀಲುಗಳ ಚಲನಾ ಸಾಮರ್ಥ್ಯ ಕ್ರಮೇಣ ಕಡಿಮೆಯಾಗುತ್ತದೆ.

ವಿಪರೀತ ಆಯಾಸ ಮತ್ತು ನಿಶ್ಯಕ್ತಿ

ಕೀಲುನೋವಿನ ಜೊತೆಗೆ ದೇಹದಲ್ಲಿ ಸದಾ ಆಯಾಸ, ನಿಶ್ಯಕ್ತಿ ಮತ್ತು ಸಣ್ಣ ಜ್ವರದಂತಹ ಲಕ್ಷಣಗಳು ಕಾಣಿಸಿಕೊಳ್ಳಬಹುದು. ದೇಹದ ರೋಗನಿರೋಧಕ ಶಕ್ತಿ ಕೀಲುಗಳ ಮೇಲೆಯೇ ದಾಳಿ ಮಾಡುವುದರಿಂದ ಈ ಆಯಾಸ ಉಂಟಾಗುತ್ತದೆ.