ಸ್ಯಾಂಡಲ್​ವುಡ್​ನ ಮಿಲ್ಕ್​ ಬ್ಯೂಟಿ ಆಶಿಕಾ!

ಆಶಿಕಾ ರಂಗನಾಥ್‌

ಆಶಿಕಾ ರಂಗನಾಥ್‌ ಕನ್ನಡ ಚಿತ್ರರಂಗದ ಜನಪ್ರಿಯ ನಟಿಯರಲ್ಲಿ ಒಬ್ಬರು. ತುಮಕೂರಿನ ಬಿಷಪ್‌ ಸಾರ್ಜೆಂಟ್‌ ಶಾಲೆಯಲ್ಲಿ ಓದಿದ ಬಳಿಕ ಬೆಂಗಳೂರಿನ ಜ್ಯೋತಿ ನಿವಾಸ್‌ ಕಾಲೇಜಿನಲ್ಲಿ ಉನ್ನತ ಶಿಕ್ಷಣ ಪಡೆದಿದ್ದಾರೆ. ನೃತ್ಯದ ವಿವಿಧ ಪ್ರಕಾರಗಳಲ್ಲಿಯೂ ತರಬೇತಿ ಪಡೆದಿದ್ದಾರೆ.

ಚಿತ್ರರಂಗಕ್ಕೆ ಪ್ರವೇಶ

2016ರಲ್ಲಿ ಬಿಡುಗಡೆಯಾದ ‘ಕ್ರೇಜಿ ಬಾಯ್‌’ ಮೂಲಕ ನಾಯಕಿಯಾಗಿ ಸ್ಯಾಂಡಲ್‌ವುಡ್‌ಗೆ ಕಾಲಿಟ್ಟರು. ಈ ಚಿತ್ರದ ಅಭಿನಯಕ್ಕಾಗಿ ಸೈಮಾ ಪ್ರಶಸ್ತಿಯಲ್ಲಿ ಅತ್ಯುತ್ತಮ ಹೊಸ ನಟಿ ವಿಭಾಗದಲ್ಲಿ ನಾಮನಿರ್ದೇಶನಗೊಂಡರು.

ಹೈಪ್‌ ಕೊಟ್ಟ ಸಿನಿಮಾಗಳು

ಮುಗುಳುನಗೆ, ರಾಜು ಕನ್ನಡ ಮೀಡಿಯಂ, ರ‍್ಯಾಂಬೋ 2, ಮದಗಜ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿ ಗಮನ ಸೆಳೆದರು. ವಿಶೇಷವಾಗಿ ‘ರ‍್ಯಾಂಬೋ 2’ ಚಿತ್ರ ಮತ್ತು ಅದರ ಜನಪ್ರಿಯ ‘ಚುಟ್ಟು ಚುಟ್ಟು’ ಹಾಡು ಆಶಿಕಾ ಅವರಿಗೆ ದೊಡ್ಡ ಮಟ್ಟದ ಜನಪ್ರಿಯತೆ ತಂದುಕೊಟ್ಟವು.

ತೆಲುಗು ಮತ್ತು ತಮಿಳಿನಲ್ಲೂ ಮಿಂಚು

ಕನ್ನಡದ ಬಳಿಕ ಆಶಿಕಾ ತೆಲುಗು ಚಿತ್ರರಂಗದಲ್ಲೂ ತಮ್ಮ ಛಾಪು ಮೂಡಿಸಿದರು. ‘ಅಮಿಗೋಸ್‌’ ಮೂಲಕ ತೆಲುಗಿಗೆ ಪ್ರವೇಶಿಸಿದ ಅವರು, ನಾ ಸಾಮಿ ರಂಗದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು. ತಮಿಳಿನಲ್ಲಿ ಪಟ್ಟತ್ತು ಅರಸನ್‌ ಮತ್ತು ಮಿಸ್‌ ಯು ಸಿನಿಮಾಗಳಲ್ಲಿ ನಟಿಸುವ ಮೂಲಕ ದಕ್ಷಿಣ ಭಾರತದ ಹಲವು ಭಾಷೆಗಳಲ್ಲಿ ತಮ್ಮ ವೃತ್ತಿ ವಿಸ್ತರಿಸಿದ್ದಾರೆ.

ಕುಟುಂಬ

ಆಶಿಕಾ ಅವರ ತಂದೆ ಎನ್‌. ರಂಗನಾಥ್‌ ಸಿವಿಲ್‌ ಕಾಂಟ್ರಾಕ್ಟರ್‌ ಆಗಿದ್ದು, ತಾಯಿ ಬಿ. ಸುಧಾ ರಂಗನಾಥ್‌. ಅವರ ಅಕ್ಕ ಅನುಷಾ ರಂಗನಾಥ್‌ ಕೂಡ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಸಿನಿಮಾ ಹಿನ್ನೆಲೆಯ ಕುಟುಂಬದ ಬೆಂಬಲದೊಂದಿಗೆ ಆಶಿಕಾ ತಮ್ಮದೇ ಆದ ನಟನಾ ಗುರುತನ್ನು ಬೆಳೆಸಿಕೊಂಡಿದ್ದಾರೆ.

ಮುಂಬರುವ ಸಿನಿಮಾಗಳು

2026ರಲ್ಲಿ ಆಶಿಕಾ ಅವರ ಸಿನಿ ಪಯಣ ಮತ್ತಷ್ಟು ವಿಸ್ತರಿಸುತ್ತಿದೆ. ಕಾರ್ತಿ ಅಭಿನಯದ ತಮಿಳಿನ ‘ಸರ್ಡಾರ್‌ 2’ ಸೆಪ್ಟೆಂಬರ್‌ 10ರಂದು ಬಿಡುಗಡೆಯಾಗುವ ನಿರೀಕ್ಷೆಯಿದ್ದು, ಚಿರಂಜೀವಿ ಅಭಿನಯದ ತೆಲುಗು ‘ವಿಶ್ವಂಭರ’ ಅಕ್ಟೋಬರ್‌ 16ರಂದು ಬಿಡುಗಡೆಯಾಗುವ ಪಟ್ಟಿಯಲ್ಲಿದೆ.