ಜಾಗಿಂಗ್​ ಬದಲು ಜಪಾನ್​ ಶೈಲಿಯ ನಿಕೊ ನಿಕೊ ನಡಿಗೆ... ಆರೋಗ್ಯ ವೃದ್ಧಿಗೆ ಇದು ಅತ್ಯುತ್ತಮ ಆಯ್ಕೆಯಂತೆ! Japanese style walk

ಆರೋಗ್ಯವೇ ಪ್ರಧಾನ

ಪ್ರತಿಯೊಬ್ಬರಿಗೂ ಆರೋಗ್ಯ ತುಂಬಾನೇ ಮುಖ್ಯ. ಶ್ರೀಮಂತಿಕೆ, ಗೌರವ ಹಾಗೂ ಖ್ಯಾತಿ ಎಲ್ಲ ಇದ್ದು ಆರೋಗ್ಯವೇ ಇಲ್ಲದೇ ಹೋದರೆ ಅದೊಂದು ಬದುಕೇ ಅಲ್ಲ. ಹೀಗಾಗಿ ಪ್ರತಿಯೊಬ್ಬ ವ್ಯಕ್ತಿಗೂ ಆರೋಗ್ಯವೇ ಪ್ರಧಾನ. ಅದಕ್ಕಾಗಿಯೇ ಅನೇಕ ಜನರು ಜಾಗಿಂಗ್ ಅಥವಾ ಓಟವನ್ನು ಆಯ್ಕೆ ಮಾಡುತ್ತಾರೆ.

ಜಪಾನ್​ನ ಹೊಸ ಟ್ರೆಂಡಿ ವಿಧಾನ

ಆದರೆ, ಮೊಣಕಾಲು ನೋವು ಇರುವವರಿಗೆ ಅಥವಾ ವೇಗವಾಗಿ ಓಡಲು ಸಾಧ್ಯವಾಗದವರಿಗೆ ಓಟವೇ ಒಂದು ಸಮಸ್ಯೆಯಾಗಿದೆ. ಅದಕ್ಕಾಗಿಯೇ ಜಪಾನ್‌ನ ಹೊಸ ಟ್ರೆಂಡಿ ವಿಧಾನ ಈಗ ಜಗತ್ತನ್ನು ಆಕರ್ಷಿಸುತ್ತಿದೆ.

ಹೊಸ ಟ್ರೆಂಡ್​ ಯಾವುದು?

ಆ ಹೊಸ ಟ್ರೆಂಡ್​ ಯಾವುದೆಂದರೆ, 'ಜಪಾನೀಸ್ ಶೈಲಿಯ ನಡಿಗೆ'. ಇದನ್ನು 'ನಿಕೊ ನಿಕೊ ನಡಿಗೆ' ಎಂದೂ ಕರೆಯುತ್ತಾರೆ. ಇದು ದೇಹಕ್ಕೆ ಉತ್ತೇಜನ ನೀಡುವ ಅತ್ಯುತ್ತಮ ಮಾರ್ಗವಾಗಿದೆ. ಇದು ಜಾಗಿಂಗ್‌ಗಿಂತ ತುಂಬಾ ಸುಲಭವಾಗಿದೆ. ಈ ವಿಧಾನ ಏನು? ಹೇಗೆ ಮಾಡುವುದು? ಇದರ ಪ್ರಯೋಜನಗಳೇನು? ಎಂಬುದನ್ನು ನಾವೀಗ ತಿಳಿದುಕೊಳ್ಳೋಣ.

ನಿಕೊ ನಿಕೊ ನಡಿಗೆ

ಜಪಾನೀಸ್ ಶೈಲಿಯ ನಡಿಗೆ ನಿಧಾನ ನಡಿಗೆ ಮತ್ತು ವೇಗದ ನಡಿಗೆಯ ನಡುವಿನ ಸಮತೋಲಿತ ವಿಧಾನವಾಗಿದೆ. ಇದರಲ್ಲಿ, ಹೃದಯ ಬಡಿತವನ್ನು ಹೆಚ್ಚಿಸಲು ನಾವು ಸಾಕಷ್ಟು ವೇಗವಾಗಿ ನಡೆಯುವ ಅಗತ್ಯವಿಲ್ಲ. ಇದರ ಮುಖ್ಯ ತತ್ವವೆಂದರೆ 'ನಮಗೆ ಮಾತನಾಡಲು ಅನುವು ಮಾಡಿಕೊಡುವ ವೇಗದಲ್ಲಿ ನಡೆಯುವುದು. ಹೀಗಾಗಿ ಇದನ್ನು ನಿಕೊ ನಿಕೊ ನಡಿಗೆ ಎಂದು ಕರೆಯಲಾಗುತ್ತದೆ.

ಒಟ್ಟಾರೆ ಫಿಟ್‌ನೆಸ್‌ಗೆ ಬೆಸ್ಟ್​

ನೀವು ನಡೆಯುವಾಗ ನಿಮ್ಮೊಂದಿಗಿರುವ ವ್ಯಕ್ತಿಯೊಂದಿಗೆ ಸುಲಭವಾಗಿ ಮತ್ತು ನಗುತ್ತಾ ಮಾತನಾಡಲು ಅನುವು ಮಾಡಿಕೊಡುವ ವೇಗವನ್ನು ಕಾಯ್ದುಕೊಳ್ಳಬೇಕು. ಇದು ನಿಮ್ಮ ಹೃದಯದ ಆರೋಗ್ಯ ಮತ್ತು ಒಟ್ಟಾರೆ ಫಿಟ್‌ನೆಸ್‌ಗೆ ಹೆಚ್ಚು ಶ್ರಮವಿಲ್ಲದೆ ಅದ್ಭುತಗಳನ್ನು ಮಾಡುತ್ತದೆ.

ಜಾಗಿಂಗ್‌ಗಿಂತ ಹೆಚ್ಚಿನ ಉಪಯೋಗ

ಈ ವಿಧಾನವನ್ನು ದಿನಕ್ಕೆ 30 ರಿಂದ 60 ನಿಮಿಷಗಳು ಅಥವಾ ವಾರಕ್ಕೆ ನಾಲ್ಕರಿಂದ ಐದು ಬಾರಿ ಅನುಸರಿಸಬಹುದು. ಇದು ಜಾಗಿಂಗ್‌ಗಿಂತ ಹೆಚ್ಚಿನ ಪ್ರಯೋಜನಗಳನ್ನು ನೀಡುತ್ತದೆ ಏಕೆಂದರೆ, ಇದು ನಿಮ್ಮ ದೇಹದಲ್ಲಿ ಹೆಚ್ಚಿನ ಸ್ನಾಯು ಗುಂಪುಗಳನ್ನು ಬಳಸುತ್ತದೆ. ಆದರೆ, ಮೊಣಕಾಲುಗಳು ಅಥವಾ ಕೀಲುಗಳ ಮೇಲೆ ಯಾವುದೇ ಒತ್ತಡವನ್ನು ಬೀರುವುದಿಲ್ಲ.

ಹೃದಯದ ಆರೋಗ್ಯ

ಜಪಾನೀಸ್ ಶೈಲಿಯ ನಡಿಗೆಯ ದೊಡ್ಡ ಪ್ರಯೋಜನವೆಂದರೆ ಹೃದಯದ ಆರೋಗ್ಯದ ಮೇಲೆ ಅದರ ಪರಿಣಾಮ. ಇದು ಹೃದಯವನ್ನು ಆರೋಗ್ಯವಾಗಿಡಲು ಅಗತ್ಯವಿರುವ ಕನಿಷ್ಠ ವ್ಯಾಯಾಮವನ್ನು ಒದಗಿಸುತ್ತದೆ. ಈ ವೇಗದಲ್ಲಿ ನಡೆಯುವುದರಿಂದ ರಕ್ತ ಪರಿಚಲನೆ ಸುಧಾರಿಸುತ್ತದೆ ಮತ್ತು ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ ಹಾಗೂ ಕೀಲುಗಳನ್ನು ರಕ್ಷಿಸುತ್ತದೆ.

ತೂಕ ನಿಯಂತ್ರಣ

ಜಾಗಿಂಗ್‌ಗಿಂತ ಭಿನ್ನವಾಗಿ, ಇದು ಕೀಲುಗಳ ಮೇಲೆ ಅತಿಯಾದ ಒತ್ತಡವನ್ನು ಬೀರುವುದಿಲ್ಲ ಆದ್ದರಿಂದ, ಯಾವುದೇ ವಯಸ್ಸಿನ ಜನರು ಇದನ್ನು ಸುಲಭವಾಗಿ ಮಾಡಬಹುದು. ಇನ್ನು ನಗುತ್ತಾ, ಮಾತನಾಡುತ್ತಾ ನಡೆಯುವುದು ಒತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ಮಾನಸಿಕ ಶಾಂತಿಯನ್ನು ನೀಡುತ್ತದೆ. ಅಲ್ಲದೆ, ತೂಕ ನಿಯಂತ್ರಣವನ್ನು ಮಾಡುತ್ತದೆ.

ಹೊಸ ಜೀವನಶೈಲಿ

ನಿಮ್ಮ ದೇಹಕ್ಕೆ ಉತ್ತೇಜನ ನೀಡಲು ಮತ್ತು ಫಿಟ್ ಆಗಿರಲು ಜಾಗಿಂಗ್ ಮಾತ್ರ ಮಾರ್ಗವಲ್ಲ. ಈ ಜಪಾನೀಸ್ ಶೈಲಿಯ ನಡಿಗೆಯನ್ನು ಅನುಸರಿಸುವ ಮೂಲಕ, ನೀವು ಯಾವುದೇ ಶ್ರಮವಿಲ್ಲದೆ ಅದ್ಭುತ ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ಇದು ಕೇವಲ ವ್ಯಾಯಾಮವಲ್ಲ, ಬದಲಾಗಿ ನಿಮ್ಮ ದೈನಂದಿನ ದಿನಚರಿಗೆ ಸಂತೋಷವನ್ನು ನೀಡುವ ಹೊಸ ಜೀವನಶೈಲಿಯ ಬದಲಾವಣೆಯಾಗಿದೆ.

ಗಮನಿಸಿ

ನಿಮ್ಮ ಫಿಟ್ನೆಸ್ ಮಟ್ಟವನ್ನು ಅವಲಂಬಿಸಿ ಕ್ರಮೇಣ ವೇಗ ಮತ್ತು ಸಮಯವನ್ನು ಹೆಚ್ಚಿಸುವುದು ಉತ್ತಮ. ಯಾವುದೇ ಹೊಸ ವ್ಯಾಯಾಮ ಕ್ರಮವನ್ನು ಪ್ರಾರಂಭಿಸುವ ಮೊದಲು ವೃತ್ತಿಪರ ಸಲಹೆಯನ್ನು ಪಡೆಯುವುದು ಯಾವಾಗಲೂ ಉತ್ತಮ.