ಕುತ್ತಿಗೆಯ ಹಿಂಭಾಗ ಕಪ್ಪಾಗಿದೆಯೇ? ಇದನ್ನು ಕೇವಲ ಕೊಳೆ ಎಂದು ನಿರ್ಲಕ್ಷಿಸಬೇಡಿ...

ದೇಹದ ಒಳಗಿನ ಆರೋಗ್ಯದ ಬಗ್ಗೆ ಸೂಚನೆ

ಕುತ್ತಿಗೆಯ ಹಿಂಭಾಗದ ಚರ್ಮ ಕಪ್ಪಾಗುವುದನ್ನು ವೈದ್ಯಕೀಯ ಭಾಷೆಯಲ್ಲಿ 'ಅಕಾಂಥೋಸಿಸ್ ನೈಗ್ರಿಕನ್ಸ್' (Acanthosis Nigricans) ಎಂದು ಕರೆಯಲಾಗುತ್ತದೆ. ಇದು ಕೇವಲ ಸೌಂದರ್ಯದ ಸಮಸ್ಯೆಯಲ್ಲ, ಬದಲಿಗೆ ನಿಮ್ಮ ದೇಹದ ಒಳಗಿನ ಆರೋಗ್ಯದ ಬಗ್ಗೆ ಸೂಚನೆ ನೀಡುವ ಒಂದು ಎಚ್ಚರಿಕೆಯ ಗಂಟೆಯೂ ಆಗಿರಬಹುದು.

ಕುತ್ತಿಗೆ ಕಪ್ಪಾಗಲು ಪ್ರಮುಖ ಕಾರಣಗಳು:

ಇನ್ಸುಲಿನ್ ಪ್ರತಿರೋಧ ಇದು ಅತ್ಯಂತ ಸಾಮಾನ್ಯ ಕಾರಣ. ರಕ್ತದಲ್ಲಿ ಇನ್ಸುಲಿನ್ ಮಟ್ಟ ಹೆಚ್ಚಾದಾಗ ಚರ್ಮದ ಜೀವಕೋಶಗಳು ವೇಗವಾಗಿ ಬೆಳೆದು ಕಪ್ಪಾಗುತ್ತವೆ. ಇದು ಟೈಪ್ 2 ಡಯಾಬಿಟಿಸ್ (ಸಕ್ಕರೆ ಕಾಯಿಲೆ) ಬರುವ ಮುನ್ಸೂಚನೆಯಾಗಿರಬಹುದು.

ಥೈರಾಯ್ಡ್ ಸಮಸ್ಯೆ

ಥೈರಾಯ್ಡ್ ಸಮಸ್ಯೆ ಅಥವಾ ಮಹಿಳೆಯರಲ್ಲಿ ಕಾಣಿಸಿಕೊಳ್ಳುವ PCOS/PCOD (ಅಂಡಾಶಯದ ಸಮಸ್ಯೆ) ಕುತ್ತಿಗೆ ಕಪ್ಪಾಗಲು ಕಾರಣವಾಗಬಹುದು. ಕೆಲವು ಹಾರ್ಮೋನ್ ಮಾತ್ರೆಗಳು ಅಥವಾ ಸ್ಟೆರಾಯ್ಡ್‌ಗಳ ಬಳಕೆಯಿಂದಲೂ ಹೀಗಾಗಬಹುದು.

ಕ್ಯಾನ್ಸರ್ ಸೂಚನೆ

ಅತ್ಯಂತ ಅಪರೂಪದ ಸಂದರ್ಭಗಳಲ್ಲಿ, ಚರ್ಮವು ದಿಢೀರನೆ ಮತ್ತು ಅತಿಯಾಗಿ ಕಪ್ಪಾಗುತ್ತಿದ್ದರೆ ಅದು ದೇಹದ ಒಳಗಿನ ಯಾವುದಾದರೂ ಅಂಗಾಂಗಗಳ (ಉದಾಹರಣೆಗೆ ಹೊಟ್ಟೆ ಅಥವಾ ಲಿವರ್) ಕ್ಯಾನ್ಸರ್‌ನ ಮುನ್ಸೂಚನೆಯೂ ಆಗಿರಬಹುದು.

ಸಕ್ಕರೆ ಕಾಯಿಲೆಯ ಮುನ್ಸೂಚನೆ

ಕುತ್ತಿಗೆ ಕಪ್ಪಾಗಲು ಅತ್ಯಂತ ಪ್ರಮುಖ ಕಾರಣ ರಕ್ತದಲ್ಲಿ ಇನ್ಸುಲಿನ್ ಮಟ್ಟ ಹೆಚ್ಚಾಗುವುದು. ಇದು ನಿಮ್ಮ ದೇಹವು ಸಕ್ಕರೆಯನ್ನು ಸರಿಯಾಗಿ ಬಳಸಿಕೊಳ್ಳುತ್ತಿಲ್ಲ ಎಂಬುದನ್ನು ತೋರಿಸುತ್ತದೆ. ಇದನ್ನು ನಿರ್ಲಕ್ಷಿಸಿದರೆ ಭವಿಷ್ಯದಲ್ಲಿ ಟೈಪ್ 2 ಡಯಾಬಿಟಿಸ್ (Diabetes) ಬರುವ ಸಾಧ್ಯತೆ ಹೆಚ್ಚಿರುತ್ತದೆ.

ನಿಮಗೆ ಅಪಾಯವಿದೆಯೇ?

ಕೇವಲ ಚರ್ಮ ಕಪ್ಪಾಗುವುದು ಅಪಾಯಕಾರಿಯಲ್ಲ, ಆದರೆ ಅದರ ಜೊತೆಗೆ ಅತಿಯಾದ ಬಾಯಾರಿಕೆ, ಪದೇ ಪದೇ ಮೂತ್ರ ವಿಸರ್ಜನೆ ಮತ್ತು ಸುಸ್ತು ಕಾಣಿಸಿಕೊಳ್ಳುತ್ತಿದ್ದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು. ಕಪ್ಪಾದ ಚರ್ಮವು ದಿಢೀರನೆ ದಪ್ಪವಾಗುತ್ತಿದ್ದರೆ ಅಥವಾ ತುರಿಕೆ ಕಾಣಿಸಿಕೊಳ್ಳುತ್ತಿದ್ದರೆ.ಮುಟ್ಟಿನ ಚಕ್ರದಲ್ಲಿ ವ್ಯತ್ಯಾಸ ಅಥವಾ ಅತಿಯಾದ ಕೂದಲು ಉದುರುವಿಕೆ ಕಾಣಿಸುತ್ತದೆ