ಸನ್‌ಬರ್ನ್ ತೊಂದರೆಯೇ? ಮನೆಯಲ್ಲೇ ಗ್ಲೋಯಿಂಗ್ ಸ್ಕಿನ್ ಪಡೆಯಲು ಈ ಸರಳ ಮನೆಮದ್ದು!

ಅಲೋವೆ ವೆರಾ ಜೆಲ್​

ಅಲೊವೆರಾ ಜೆಲ್​ ಇದು ನೈಸರ್ಗಿಕವಾದ ಮನೆಮದ್ದು. ಇದರಲ್ಲಿ ಆಂಟಿ-ಇನ್‌ಫ್ಲಮೇಟರಿ, ಆಂಟಿ ಆಕ್ಸಿಡೆಂಟ್​ ಗುಣಗಳನ್ನು ಹೊಂದಿರುತ್ತದೆ. ಇವುಗಳನ್ನು ಸನ್​ಬರ್ನ್​ ಆದಂತಹ ಜಾಗಕ್ಕೆ ಹಚ್ಚುವುದರಿಂದ ಇದು ಉರಿಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ತಂಪು ನೀರು

ಬಿಸಿಲಿಗೆ ಹೋಗಿ ಬಂದ ತಕ್ಷಣ ನಿಮಗೇನಾದರೂ, ಸನ್​ಬರ್ನ್​ ಉಂಟಾಗಿದ್ದರೆ ಆ ಭಾಗಕ್ಕೆ ತಂಪು ನೀರು ಅಥವಾ ಮಂಜುಗಡ್ಡೆಯನ್ನು ಇಟ್ಟು ನಿಧಾನವಾಗಿ 10-15 ನಿಮಿಷ ಮಸಾಜ್​ ಮಾಡಿ. ಇದು ರಕ್ತನಾಳಗಳನ್ನು ಶಾಂತಗೊಳಿಸುತ್ತದೆ.

ಓಟ್‌ಮೀಲ್ ಸ್ನಾನ

ಕೊಲಾಯ್ಡಲ್ ಓಟ್ಸ್​ ನ್ನು ಸ್ನಾನಕ್ಕೆ ಬಳಸುವುದರಿಂದ ಇದು ತ್ವಚೆಯನ್ನು ರಕ್ಷಿಸಲು ಸಹಾಯ ಮಾಡುತ್ತದೆ. ಹಾಗಾಗಿ 1 ಕಪ್​ ಓಟ್ಸ್​ಮೀಲ್​ನ್ನು ತಂಪು ನೀರಿನಲ್ಲಿ ಬೆರೆಸಿ 20 ನಿಮಿಷಗಳ ಕಾಲ ಬಿಟ್ಟು ನಂತರ ಸ್ನಾನ ಮಾಡಿ. ಇದು ಸುಟ್ಟ ಜಾಗಗಳನ್ನು ಸರಿಪಡಿಸುವಂತಹ ಕೆಲಸವನ್ನು ಮಾಡುತ್ತದೆ.

ಕ್ಯಾಮೊಮೈಲ್ ಚಹಾ

ಕ್ಯಾಮೊಮೈಲ್ ಚಹಾ ಸನ್‌ಬರ್ನ್‌ಗೆ ಶಾಂತಕಾರಿ ಎಂದು ತಿಳಿಯಲಾಗಿದೆ. 2-3 ಚಹಾ ಬ್ಯಾಗ್‌ಗಳನ್ನು ತಂಪು ನೀರಿನಲ್ಲಿ 10 ನಿಮಿಷಗಳು ನೆನಸಿ ತಂಪುಗೊಂಡ ನಂತರ ಸನ್​ಬರ್ನ್​ ಆದ ಜಾಗಕ್ಕೆ ಹಚ್ಚಿರಿ ಇದು ಉರಿಯನ್ನು ಕಡಿಮೆ ಮಾಡುತ್ತದೆ. ಇದರಲ್ಲಿರುವ ಆಂಟಿ ಆಕ್ಸಿಡೆಂಟ್​ಗಳು ಕೆಂಪಾದ ಭಾಗವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಜೇನುತುಪ್ಪ

ಜೇನುತುಪ್ಪ ಆಂಟಿ- ಬ್ಯಾಕ್ಟೀರಿಯಾ ಮತ್ತು ಮಾಯಿಶ್ಚರೈಸ್ ಗುಣಗಳನ್ನು ಹೊಂದಿದೆ. ಇದು ಸನ್​ಬರ್ನ್​ಗೆ ಉಪಯುಕ್ತವಾದ ಔಷಧವಾಗಿದೆ. ಹಾಗಾಗಿ ದಿನಕ್ಕೆ 2-3 ಬಾರಿ ಮುಖಕ್ಕೆ ಹಚ್ಚುವುದರಿಂದ ಇದು ಸುಟ್ಟ ಗಾಯಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.