ಏಪ್ರಿಲ್‌ನಿಂದ 1 ರಿಂದಲೇ ಜಾರಿಯಾಗಲಿರುವ ಹೊಸ ಆದಾಯ ತೆರಿಗೆ ನಿಯಮಗಳು! Income Tax

ತೆರಿಗೆ ಪದ್ಧತಿ

ಏಪ್ರಿಲ್ 1, 2026 ರಿಂದ ಹೊಸ ಹಣಕಾಸು ವರ್ಷ ಆರಂಭವಾಗಲಿದ್ದು, ಆದಾಯ ತೆರಿಗೆ ನಿಯಮಗಳಲ್ಲಿ ಕೆಲವು ಪ್ರಮುಖ ಬದಲಾವಣೆಗಳು ಜಾರಿಗೆ ಬರಲಿವೆ.

ಹೊಸ ತೆರಿಗೆ ಪದ್ಧತಿ

ನೀವು ಹಳೆಯ ತೆರಿಗೆ ಪದ್ಧತಿಯನ್ನು ಆಯ್ದುಕೊಳ್ಳದಿದ್ದರೆ, ಆದಾಯ ತೆರಿಗೆ ಇಲಾಖೆಯು ಸ್ವಯಂಚಾಲಿತವಾಗಿ ನಿಮ್ಮನ್ನು ಹೊಸ ತೆರಿಗೆ ಪದ್ಧತಿಯ ಅಡಿಯಲ್ಲೇ ಪರಿಗಣಿಸುತ್ತದೆ. ನೀವು ವಿನಾಯಿತಿಗಳನ್ನು ಪಡೆಯಲು ಬಯಸಿದರೆ, ನೀವೇ ಹಳೆಯ ಪದ್ಧತಿಯನ್ನು ಮ್ಯಾನುಯಲ್ ಆಗಿ ಆಯ್ಕೆ ಮಾಡಿಕೊಳ್ಳಬೇಕು.

ಸ್ಟ್ಯಾಂಡರ್ಡ್ ಡಿಡಕ್ಷನ್ ವಿಸ್ತರಣೆ

ಹೊಸ ತೆರಿಗೆ ಪದ್ಧತಿಯಲ್ಲಿ ಸಂಬಳ ಪಡೆಯುವ ಉದ್ಯೋಗಿಗಳಿಗೆ ಮತ್ತು ಪಿಂಚಣಿದಾರರಿಗೆ 50,000 ರೂ. ಸ್ಟ್ಯಾಂಡರ್ಡ್ ಡಿಡಕ್ಷನ್ ಸೌಲಭ್ಯವು ಮುಂದುವರಿಯಲಿದೆ. ಇದರಿಂದ ತೆರಿಗೆ ಪಾವತಿಸುವ ಒಟ್ಟು ಆದಾಯದಲ್ಲಿ 50,000 ರೂ. ವಿನಾಯಿತಿ ಸಿಗಲಿದೆ.

ತೆರಿಗೆ ವಿನಾಯಿತಿ ಮಿತಿ

ಹೊಸ ತೆರಿಗೆ ಪದ್ಧತಿಯ ಅಡಿಯಲ್ಲಿ, 7 ಲಕ್ಷದವರೆಗಿನ ವಾರ್ಷಿಕ ಆದಾಯಕ್ಕೆ ಯಾವುದೇ ತೆರಿಗೆ ಇರುವುದಿಲ್ಲ. ಆದರೆ ಹಳೆಯ ತೆರಿಗೆ ಪದ್ಧತಿಯಲ್ಲಿ ಈ ಮಿತಿ ಇನ್ನೂ 5 ಲಕ್ಷವಾಗಿಯೇ ಉಳಿದಿದೆ ಎಂಬುದು ಗಮನಿಸಬೇಕಾದ ಅಂಶ.

ಲೀವ್ ಎನ್‌ಕ್ಯಾಶ್‌ಮೆಂಟ್ ವಿನಾಯಿತಿ ಮಿತಿ ಏರಿಕೆ

ಸರ್ಕಾರಿಯೇತರ ಉದ್ಯೋಗಿಗಳಿಗೆ ನಿವೃತ್ತಿಯ ಸಮಯದಲ್ಲಿ ಸಿಗುವ ಲೀವ್ ಎನ್‌ಕ್ಯಾಶ್‌ಮೆಂಟ್ ಮೇಲಿನ ತೆರಿಗೆ ವಿನಾಯಿತಿ ಮಿತಿಯನ್ನು ಈ ಹಿಂದೆ 3 ಲಕ್ಷದಿಂದ ರೂ.25 ಲಕ್ಷಕ್ಕೆ ಏರಿಸಲಾಗಿತ್ತು. ಇದು ಹೊಸ ಹಣಕಾಸು ವರ್ಷದಲ್ಲಿಯೂ ಉದ್ಯೋಗಿಗಳಿಗೆ ದೊಡ್ಡ ರಿಲೀಫ್ ನೀಡಲಿದೆ.

ಹೂಡಿಕೆಗಳ ಮೇಲಿನ ತೆರಿಗೆ ಮತ್ತು ಟಿಡಿಎಸ್ ಬದಲಾವಣೆ

ಕೆಲವು ನಿರ್ದಿಷ್ಟ ಹಣಕಾಸು ಸಾಧನಗಳು ಮತ್ತು ಆನ್‌ಲೈನ್ ಗೇಮಿಂಗ್‌ಗಳಿಂದ ಬರುವ ಆದಾಯದ ಮೇಲೆ ಟಿಡಿಎಸ್ ನಿಯಮಗಳು ಹೆಚ್ಚು ಕಠಿಣವಾಗಬಹುದು. ಅಲ್ಲದೆ, ರೂ.5 ಲಕ್ಷಕ್ಕಿಂತ ಹೆಚ್ಚಿನ ಪ್ರೀಮಿಯಂ ಹೊಂದಿರುವ ಜೀವ ವಿಮೆ ಪಾಲಿಸಿಗಳಿಂದ ಬರುವ ಆದಾಯಕ್ಕೆ ತೆರಿಗೆ ಅನ್ವಯವಾಗುವ ನಿಯಮಗಳು ಜಾರಿಯಲ್ಲಿರುತ್ತವೆ.