ಮಹಿಳೆಯರಲ್ಲಿ ಹೆಚ್ಚುತ್ತಿರುವ ಬಂಜೆತನಕ್ಕೆ ಕಾರಣಗಳು ಇಲ್ಲಿವೆ! Infertility

ಬಂಜೆತನ

ಇಂದಿನ ಬದಲಾದ ಜೀವನಶೈಲಿ, ಆಹಾರ ಪದ್ಧತಿ ಮತ್ತು ಮಾನಸಿಕ ಒತ್ತಡವು ದಂಪತಿಗಳ ಪಾಲಿಗೆ ಪೋಷಕತ್ವದ ಕನಸನ್ನು ನನಸಾಗಿಸಲು ಅಡ್ಡಿಯಾಗುತ್ತಿದೆ. ಅದರಲ್ಲೂ ಮಹಿಳೆಯರಲ್ಲಿಯೇ ಈ ಸಮಸ್ಯೆ ಗಣನೀಯವಾಗಿ ಏರಿಕೆಯಾಗುತ್ತಿರುವುದು ಆತಂಕಕಾರಿ ವಿಷಯವಾಗಿದೆ.

ತಡವಾಗಿ ಗರ್ಭಧಾರಣೆ

ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಮಹಿಳೆಯರು ತಮ್ಮ ವೃತ್ತಿಜೀವನದ ಬಗ್ಗೆ ಯೋಚಿಸುತ್ತಾರೆ. ಅದಕ್ಕಾಗಿ ತಡವಾಗಿ ಮದುವೆಯಾಗಿ ಮಗುವನ್ನು ಪಡೆಯಲು ದೀರ್ಘ ಸಮಯದವರೆಗೆ ವಿಳಂಬ ಮಾಡುತ್ತಾರೆ. ಈ ಕಾರಣದಿಂದಾಗಿ ಸಮಸ್ಯೆಗಳು ಹೆಚ್ಚಾಗುತ್ತದೆ.

ಅಂಡಾಣುಗಳ ಕ್ಷೀಣತೆ

35 ವರ್ಷದ ನಂತರ ಅಂಡಾಣುಗಳ ಗುಣಮಟ್ಟ ಕ್ರಮೇಣವಾಗಿ ಕ್ಷೀಣಿಸಲು ಪ್ರಾರಂಭಿಸುತ್ತದೆ. ನೀವೇನಾದರೂ ಮಗುವನ್ನು ಹೊಂದಲು ಬಯಸಿದರೆ, 35 ವರ್ಷಕ್ಕಿಂತ ಮುಂಚೆಯೇ ಮಗುವನ್ನು ಹೊಂದಲು ನಿರ್ಧರಿಸಿ. ಇದು ಬಂಜೆತನವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಹಾರ್ಮೋನ್​ಗಳ ಕೊರತೆ

ಮಹಿಳೆಯರ ದೇಹದಲ್ಲಿ ಸಾಕಷ್ಟು ಆಂಟಿ-ಮುಲ್ಲೇರಿಯನ್ ಹಾರ್ಮೋನ್​ಗಳ ಕೊರತೆ ಹೆಚ್ಚಾದಲ್ಲಿ ಅಂಡಾಶಯದ ಮೊಟ್ಟೆಗಳ ಸಂಖ್ಯೆಯಲ್ಲಿ ಇಳಿಕೆಗೆ ಕಂಡುಬರುತ್ತದೆ. ಇದು ಅನುವಂಶೀಯತೆ, ಕಳಪೆ ಜೀವನಶೈಲಿ ಮತ್ತು ಆಹಾರ ಪದ್ಧತಿಯನ್ನು ಕೂಡಾ ಆಧರಿಸಿರುತ್ತದೆ.

ಹೆಚ್ಚಾದ ಬೊಜ್ಜು

ಬಂಜೆತನಕ್ಕೆ ಬೊಜ್ಜು ಕೂಡಾ ಒಂದು ಅಪಾಯಕಾರಿಯಾಗಿದೆ. ನಿಮ್ಮ ತೂಕವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದು ಬಹಳ ಮುಖ್ಯವಾಗಿರುತ್ತದೆ. ಅನೇಕ ಮಹಿಳೆಯರು ಈ ವಿಚಾರದ ಬಗ್ಗೆ ಗಮನಹರಿಸುವುದಿಲ್ಲ. ಆದರಿಂದ ಮಕ್ಕಳನ್ನು ಹೊಂದಲು ಕಷ್ಟವಾಗಬಹುದು.

ಧೂಮಪಾನ ಅಪಾಯಕಾರಿ

ಅನೇಕ ಮಹಿಳೆಯರು ಧೂಮಪಾನ ಮಾಡಲು ಪ್ರಾರಂಭಿಸುತ್ತಾರೆ. ಧೂಮಪಾನ ಮಾಡಿದಾಗ ದೇಹದ ಸ್ಥಿತಿಯು ಹದಗೆಡಲು ಪ್ರಾರಂಭಿಸುತ್ತದೆ. ಇದರಿಂದ AMH ಹಾರ್ಮೊನುಗಳು ಕಡಿಮೆಯಾಗಿ, ಅಂಡಾಣುಗಳ ಗುಣಮಟ್ಟ ಹದಗೆಡುತ್ತದೆ.