ಬೆಂಗಳೂರಿನಲ್ಲಿ ದೀಪಾವಳಿ ಸಡಗರ; ಮಣ್ಣಿನ ಹಣತೆ, ಪಟಾಕಿ ಖರೀದಿ ಭರಾಟೆ ಜೋರು

ದೀಪಾವಳಿ ಹಬ್ಬದ ಪ್ರಯುಕ್ತ ಪಟಾಕಿ ಸಿಡಿಸುವ ಸಂಭ್ರಮದಲ್ಲಿರುವ ಸಿಲಿಕಾನ್​ ಸಿಟಿ ಜನರು, ಪೊಲೀಸರ ಷರತ್ತುಗಳ ಮೇರೆಗೆ ಹಾಕಲಾದ ತಾತ್ಕಾಲಿಕ ಪಟಾಕಿ ಮಳಿಗೆಯಲ್ಲಿ ಸುರುಸುರು ಬತ್ತಿ, ಫ್ಲವರ್​ ಪಾಟ್, ಲಕ್ಷ್ಮಿ ಪಟಾಕಿ ಸೇರಿದಂತೆ ತರಹೇವಾರಿ ಪಟಾಕಿಗಳನ್ನು ಖರೀದಿ ಮಾಡುತ್ತಿರುವ ದೃಶ್ಯಗಳು ಕಂಡುಬಂದವು.

ದೀಪಾವಳಿ ಹಬ್ಬದ ದಿನ ದೇವಿಯನ್ನು ಒಲಿಸಿಕೊಳ್ಳಲು ದೀಪದ ಹಣತೆಗೆ ಹೆಚ್ಚು ಪ್ರಾಮುಖ್ಯತೆ ನೀಡಲಾಗುತ್ತದೆ. ಹಿಂದೂ ಸಂಪ್ರದಾಯದಲ್ಲಿ ಮಣ್ಣು ಹೆಚ್ಚು ಶ್ರೇಷ್ಠ. ಆ ಕಾರಣದಿಂದ ಹಣತೆಯು ದುಬಾರಿಯಾದರೂ ಸಹ ಅದರ ಖರೀದಿಗೆ ಮುಗಿಬಿದ್ದ ದೃಶ್ಯಗಳು ಕಂಡುಬಂದವು.