ಮಾನ್ಸೂನ್ ಎಂಜಾಯ್ ಮಾಡಲು ಕರ್ನಾಟಕದ ಬೆಸ್ಟ್ ಸ್ಪಾಟ್ಸ್ ಇವೇ ನೋಡಿ!

ಮಾನ್ಸೂನ್​

ಕರ್ನಾಟಕದ ಪಶ್ಚಿಮ ಘಟ್ಟಗಳು ಮಾನ್ಸೂನ್ ಮಳೆಗೆ ಹಸಿರು ಹೊದಿಕೆಯಂತೆ ಕಂಗೊಳಿಸುತ್ತವೆ. ಕಾಂಕ್ರೀಟ್ ಜಂಜಾಟದಿಂದ ದೂರ ಸರಿದು, ಧುಮ್ಮಿಕ್ಕುವ ಜಲಪಾತಗಳು ಹಾಗೂ ಮಂಜಿನ ನಗರಿಗಳ ಸೌಂದರ್ಯವನ್ನು ಕಣ್ಣುಂಬಿಕೊಳ್ಳಲು ಪ್ರಕೃತಿ ಪ್ರೇಮಿಗಳಿಗೆ ಇದುವೇ ಸಕಾಲ. ನಿಮ್ಮ ವೀಕೆಂಡ್ ರೋಮಾಂಚನಗೊಳಿಸುವ ಅದ್ಭುತ ಜಾಗಗಳ ಪಟ್ಟಿ ಇಲ್ಲಿದೆ.

ಮಡಿಕೇರಿ

ಮಂಜಿನ ನಗರಿ ಕೊಡಗು ಮಳೆಗಾಲದಲ್ಲಿ ಹಚ್ಚ ಹಸಿರಿನಿಂದ ಕಂಗೊಳಿಸುತ್ತದೆ. ಅಬ್ಬಿ ಫಾಲ್ಸ್, ರಾಜಾಸೀಟ್ ಮತ್ತು ಮಾಂದಲಪಟ್ಟಿ ಬೆಟ್ಟಗಳ ಮಂಜಿನ ವಾತಾವರಣ ಪ್ರವಾಸಿಗರನ್ನು ಮಂತ್ರಮುಗ್ಧರನ್ನಾಗಿಸುತ್ತದೆ.

ಜೋಗ ಜಲಪಾತ

ಮಳೆಗಾಲ ಬಂತೆಂದರೆ ಭಾರತದ ಪ್ರಸಿದ್ಧ ಜೋಗ ಜಲಪಾತದ ವೈಭವ ನೋಡಲು ಎರಡು ಕಣ್ಣು ಸಾಲದು. ಶರಾವತಿ ನದಿಯ ಉಕ್ಕಿ ಹರಿಯುವ ರಾಜ, ರಾಣಿ, ರೋರರ್, ರಾಕೆಟ್ ಧಾರೆಗಳು ಧುಮ್ಮಿಕ್ಕುವ ದೃಶ್ಯ ರೋಮಾಂಚನಕಾರಿಯಾಗಿರುತ್ತದೆ.

ಚಿಕ್ಕಮಗಳೂರು

ಕಾಫಿ ನಾಡಿನ ಮುಳ್ಳಯ್ಯನಗಿರಿ ಮತ್ತು ಬಾಬಾಬುಡನ್‌ಗಿರಿ ಬೆಟ್ಟಗಳು ಮಳೆಯಲ್ಲಿ ಮೀಯುವಾಗ, ಮೋಡಗಳು ನಿಮ್ಮನ್ನು ಮುಟ್ಟಿ ಹಾದುಹೋಗುವ ಅನುಭವ ನೀಡುತ್ತವೆ. ಇಲ್ಲಿನ ಹೋಂಸ್ಟೇ ವಾಸ್ತವ್ಯ ಮಾನ್ಸೂನ್ ಮೂಡ್‌ಗೆ ಪರ್ಫೆಕ್ಟ್.

ಆಗುಂಬೆ

ದಕ್ಷಿಣ ಭಾರತದ ಚಿರಾಪುಂಜಿ ಎಂದೇ ಖ್ಯಾತವಾಗಿರುವ ಆಗುಂಬೆಯಲ್ಲಿ ಮಳೆಯ ಅಬ್ಬರ, ದಟ್ಟ ಕಾಡು ಹಾಗೂ ಸೂರ್ಯಾಸ್ತದ ದೃಶ್ಯಗಳು ಪ್ರಕೃತಿ ಪ್ರೇಮಿಗಳಿಗೆ ಸ್ವರ್ಗದಂತೆ ಭಾಸವಾಗುತ್ತವೆ.

ಗೋಕರ್ಣ

ಮಳೆಗಾಲದಲ್ಲಿ ಸಮುದ್ರದ ಅಲೆಗಳ ಅಬ್ಬರ ಮತ್ತು ಕಡಲತೀರದ ಸುತ್ತಲಿನ ಹಸಿರು ಬೆಟ್ಟಗಳ ಸೌಂದರ್ಯವನ್ನು ಕಣ್ಣುಂಬಿಕೊಳ್ಳಲು ಗೋಕರ್ಣದ ಓಂ ಬೀಚ್ ಮತ್ತು ಕುಡ್ಲೆ ಬೀಚ್ ಅತ್ಯುತ್ತಮ ಆಯ್ಕೆ.