ಮೊದಲು ಚಿಕನ್ ಅನ್ನು ಚೆನ್ನಾಗಿ ತೊಳೆದು ಸ್ವಚ್ಛಗೊಳಿಸಿ. ನಂತರ, ಮಿಕ್ಸರ್ ಜಾರ್ನಲ್ಲಿ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ, ಸೋಂಪು, ಕರಿಬೇವು, ಕೊತ್ತಂಬರಿ ಸೊಪ್ಪು ಮತ್ತು ಒಣ ಮೆಣಸಿನಕಾಯಿಗಳನ್ನು ನುಣ್ಣಗೆ ರುಬ್ಬಿಕೊಳ್ಳಿ. ತೊಳೆದ ಕೋಳಿ ಮಾಂಸಕ್ಕೆ ರುಬ್ಬಿದ ಮಸಾಲೆ ಸೇರಿಸಿ ಮತ್ತು ಮೆಣಸಿನ ಪುಡಿ, ಮೊಟ್ಟೆ, ಕಾರ್ನ್ಸ್ಟಾರ್ಚ್, ಅರಿಶಿನ ಪುಡಿ, ಮೆಣಸು, ನಿಂಬೆ ರಸ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ ಒಂದು ಕಡೆ ಇಡಿ. ಸುಮಾರು 30 ನಿಮಿಷಗಳ ಕಾಲ ಮ್ಯಾರಿನೇಟ್ ಮಾಡಿದ ನಂತರ, ಒಂದು ಪ್ಯಾನ್ಗೆ ಎಣ್ಣೆ ಸುರಿಯಿರಿ, ಬಿಸಿ ಮಾಡಿ ಮತ್ತು ಮ್ಯಾರಿನ್ ಮಾಡಿದ ಚಿಕನ್ ಅನ್ನು ಕಾದ ಎಣ್ಣೆಯೊಳಗೆ ಬಿಟ್ಟು ಫ್ರೈ ಮಾಡಿ. ಈ ವೇಳೆ ನಿಮ್ಮ ಗ್ಯಾಸ್ ಸ್ಟೌ ಮಧ್ಯಮ ಉರಿಯಲ್ಲಿರಲಿ. ಚಿಕನ್ ಚೆನ್ನಾಗಿ ಬೆಂದ ನಂತರ ಹೊರತೆಗೆಯಿರಿ. ಈಗ ವಿಶಿಷ್ಟ ರುಚಿಯ ಚಿಕನ್ 65 ಸವಿಯಲು ಸಿದ್ಧ. (ಏಜೆನ್ಸೀಸ್)
