ಫ್ರೆಂಡ್​ಷಿಪ್​ ಡೇ: ಹಾವಿನಿಂದ ಕಾಪಾಡಿದ ಗೆಳತಿ

ರಕ್ತಸಂಬಂಧಕ್ಕೂ ಮಿಗಿಲಾದ ಸಂಬಂಧ ಸ್ನೇಹ. ಯಾವುದೋ ಒಂದು ಕ್ಷಣದಲ್ಲಿ ಬಂಧುಗಳಾರೂ ಹತ್ತಿರವಿರದಾಗ, ಸಹಾಯಹಸ್ತ ಚಾಚಿರುವ ನಿಮ್ಮ ಸ್ನೇಹಿತರ ಕುರಿತು ಮರೆಯಲಾಗದ ಘಟನೆಯನ್ನು ಹಂಚಿಕೊಳ್ಳುವಂತೆ ‘ವಿಜಯವಾಣಿ’ ನೀಡಿದ ಕರೆಗೆ ಸಾವಿರಾರು ಮಂದಿ ಸ್ಪಂದಿಸಿದ್ದಾರೆ. ಅವುಗಳ ಪೈಕಿ ಆಯ್ದ ಕೆಲವನ್ನು ಇಲ್ಲಿ ಪ್ರಕಟಿಸಲಾಗಿದೆ, ಜತೆಗೆ ಕೆಲ ಸೆಲೆಬ್ರಿಟಿಗಳ ಅನುಭವಗಳೂ ಇಲ್ಲಿವೆ...

| ಶರಣ್ಯರಾಜ್ ಕಿತ್ತೂರು ಚೆನ್ನಮ್ಮ ವಸತಿ ಶಾಲೆ, ಕೊಳ್ಳೇಗಾಲ

ನಾನು 9 ವರ್ಷದವಳಿದ್ದಾಗ ನಡೆದ ಘಟನೆ ಇದು. ನನ್ನ ಸ್ನೇಹಿತೆಯರ ಜತೆ ನದಿಯ ತೀರದಲ್ಲಿ ಆಟವಾಡುತ್ತಿದ್ದೆ. ಆ ಸಮಯದಲ್ಲಿ ಉದ್ದನೆಯ ಹಾವು ನಮ್ಮ ಕಡೆ ಬರುವುದನ್ನು ನೋಡಿ ನನ್ನ ಸ್ನೇಹಿತೆಯರು ಕಿರುಚಿಕೊಂಡು ಓಡ ತೊಡಗಿದರು. ಓಡುವ ಗಾಬರಿಯಲ್ಲಿ ನಾನು ಎಡವಿ ಅಲ್ಲೇ ಬಿದ್ದೆ. ಹಾವು ಅಷ್ಟರಲ್ಲೆ ನನ್ನ ಹತ್ತಿರ ಬಂದಿತ್ತು. ಎಲ್ಲರೂ ಕಿರುಚಿಕೊಳ್ಳುತಿದ್ದರು. ಆದರೆ ಯಾರೂ ನನ್ನನ್ನು ಎತ್ತಲು ಬರಲಿಲ್ಲ. ಆಗ ಹರ್ಷಿತ ಭಯಗೊಳ್ಳದೆ ಓಡಿ ಬಂದು ನನ್ನನ್ನು ಮೇಲೆತ್ತಿ ಎಳೆದುಕೊಂಡು ಓಡಿದಳು, ನನ್ನ ಪ್ರಾಣ ಉಳಿಸಿದಳು. ಅಂದಿನಿಂದ ನನ್ನ ಆತ್ಮೀಯ ಸ್ನೇಹಿತೆ ನನ್ನ ಪ್ರಾಣಸ್ನೇಹಿತೆಯಾದಳು .

https://www.vijayavani.net/friendshipday2020-jyothi-h-m-bellary/