ಆಹಾರ

ಮಲಬದ್ಧತೆಯಿಂದ ಬಳಲ್ತಿದ್ದೀರಾ?; ಈ ಜ್ಯೂಸ್​ಗಳೇ ನಿಮ್ಮ ಸಮಸ್ಯೆಗೆ ರಾಮಬಾಣ!..Constipation

Struggling With ConstipationDrinks May Help Support Naturally
Struggling With ConstipationDrinks May Help Support Naturally
ಮಮತಾ
Published on: 

ಪ್ರಮುಖ ಮುಖ್ಯಾಂಶಗಳು

  • ಮಲಬದ್ಧತೆ ಸಮಸ್ಯೆ ನಿವಾರಣೆಗಾಗಿ ಪರಿಹಾರ ಕಂಡುಕೊಳ್ಳಲು ಯತ್ನಿಸುತ್ತಿದ್ದೀರಾ?
  • ಪ್ಲಮ್​, ಶುಂಠಿ ಚಹಾ, ಬೆಚ್ಚಗಿನ ನೀರು ಈ ಸಮಸ್ಯೆ ನಿವಾರಣೆಗೆ ನೈಸರ್ಗಿಕ ಮುಕ್ತಿ ನೀಡುತ್ತೆ
  • ದೇಹಕ್ಕೆ ವ್ಯಾಯಾಮ ಮುಖ್ಯ, ಕುಳಿತಲ್ಲೇ ಕುಳಿತುಕೊಳ್ಳುವುದನ್ನು ಅವಾಯ್ಡ್​ ಮಾಡಿ.
Struggling With Constipation Drinks May Help Support Naturally: ನಿರಂತರ ಕುಳಿತೇ ಕೆಲಸ ಮಾಡೋದು, ದೇಹಕ್ಕೆ ವ್ಯಾಯಾಮ ಇಲ್ಲದೇ, ಜಡ ಜೀವನ ಶೈಲಿ, ಆಹಾರ ಪದ್ಧತಿಯಿಂದಾಗಿ ಕರುಳಿನ ಚಲನೆ ಸರಿಯಾಗಿರದೆ ಮಲವು ಗಟ್ಟಿಯಾಗಿ ವಾರಕ್ಕೆ ಮೂರಕ್ಕಿಂತ ಕಡಿಮೆ ಬಾರಿ ವಿಸರ್ಜನೆಯಾಗುವುದು ಅಥವಾ ಮಲವಿಸರ್ಜನೆ ಕಷ್ಟವಾಗುವ ಸ್ಥಿತಿಯನ್ನು ಮಲಬದ್ಧತೆ ಎನ್ನಲಾಗುತ್ತದೆ.
ಈ ಮಲಬದ್ಧತೆಯನ್ನು ಪ್ರಾಥಮಿಕ ಮಟ್ಟದಲ್ಲಿ ಕಡಿಮೆ ಮಾಡಿಕೊಳ್ಳಲು ಕೆಲವರು ಒದ್ದಾಡುತ್ತಾರೆ. ಆದರೆ, ನೈಸರ್ಗಿಕವಾಗಿಯೇ ನೀವು ಮಲಬದ್ಧತೆಯಿಂದ ದೂರವಿರಬಹುದು. ಅದಕ್ಕಾಗಿ ಕೆಲವು ಸಿಂಪಲ್​ ಜ್ಯೂಸ್​ಗಳನ್ನು ಸೇವನೆ ಮಾಡಿದರೆ ಸಾಕು ಮಲಬದ್ಧತೆಗೆ ಗುಡ್​ ಬಾಯ್​ ಹೇಳಬಹುದು ಎಂದು ಇನ್​ಸ್ಟಾಗ್ರಾಮ್​ನಲ್ಲಿ ಹಾರ್ವರ್ಡ್ ಮತ್ತು ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದ AIIMS ನಲ್ಲಿ ತರಬೇತಿ ಪಡೆದ ಗ್ಯಾಸ್ಟ್ರೋಎಂಟರಾಲಜಿಸ್ಟ್ ಡಾ. ಸೌರಭ್ ಸೇಥಿ ಮಾಹಿತಿ ಹಂಚಿಕೊಂಡಿದ್ದಾರೆ.

ಮಲಬದ್ಧತೆ ನಿವಾರಣೆಗೆ ಈ ಜ್ಯೂಸ್ ಕುಡಿಯಿರಿ

ಬೆಚ್ಚಗಿನ ನೀರು

ಮಲವು ಮೃದುವಾಗಲು ಮತ್ತು ಸುಲಭವಾಗಿ ಹೊರಬರುವ ಸಲುವಾಗಿ ಸಾಕಷ್ಟು ದ್ರವವು ದೇಹಕ್ಕೆ ಸೇರುವುದು ಮುಖ್ಯ. ಹೀಗಾಗಿ ಬೆಳಿಗ್ಗೆ ಎದ್ದ ಕೂಡಲೇ ಬೆಚ್ಚಗಿನ ನೀರನ್ನು ಕುಡಿಯುವುದರಿಂದ ಜೀರ್ಣಾಂಗ ವ್ಯವಸ್ಥೆಯು ಹೈಡ್ರೇಟ್​ ಆಗಲು ಸಹಾಯ ಮಾಡುತ್ತದೆ.

ಪ್ಲಮ್​ ಜ್ಯೂಸ್​

ಪೌಷ್ಠಿಕಾಂಶಯುಕ್ತವಾದ ಪ್ಲಮ್​ ಹಣ್ಣನ್ನು ಜ್ಯೂಸ್​ ಮಾಡಿ ಕುಡಿಯುವುದರಿಂದ ಇದು ಕರುಳನ್ನು ಸಡಿಲಗೊಳಿಸಿ ಮಲಬದ್ಧತೆ ದೂರ ಮಾಡಲು ಸಹಾಯ ಮಾಡುತ್ತದೆ. ಕರುಳಿನ ಆಹಾರ ಕಾಪಾಡಿಕೊಳ್ಳಲು ಒಣಗಿದ ಪ್ಲಮ್​ ಹಣ್ಣನು ಸೇವಿಸೋದು ಉತ್ತಮ.

ಕಿವಿ ಹಣ್ಣಿನ ಸ್ಮೂತಿ

ಕಿವಿ ಹಣ್ಣು ದೇಹದಲ್ಲಿ ಪ್ಲೇಟ್​ಲೆಟ್ ಉತ್ಪತಿಗೆ ಸಹಾಯ ಮಾಡುತ್ತದೆ. ಜೊತೆಗೆ ಅದರಲ್ಲಿರುವ ಫೈಬರ್​ ಮತ್ತು ಆಕ್ಟಿನಿಡಿನ್​ ಪೋಷಕಾಂಶವು ಜೀರ್ಣಕ್ರಿಯೆಯನ್ನು ಸರಾಗಗೊಳಿಸುತ್ತದೆ. ಇದು ನಿಯಮಿತ ಕರುಳಿನ ಚಲನೆಯನ್ನು ಸಹಕರಿಸುತ್ತದೆ.

ಚಿಯಾ ಮತ್ತು ಸಬ್ಜಾ

ಚಿಯಾ ಬೀಜ..ನೆನಸಿಸಿದ ಚಿಯಾ ಬೀಜಗಳು ಜೆಲ್​ನಂತಾಗುವ ಕಾರಣ ಇದು ಆಹಾರಕ್ಕೆ ಫೈಬರ್​ ಮತ್ತು ದ್ರವವನ್ನು ಸೇರಿಸುತ್ತದೆ. ಇದರೊಂದಿಗೆ ಸೌತೆ ಕಾಯಿ, ಪುದೀನ ಹಾಗೂ ನಿಂಬೆ ರಸ ಹಿಂಡಿ ಕುಡಿಯುವುದರಿಂದ ಜೀರ್ಣಕ್ರಿಯೆಗೆ ಒಳ್ಳೆಯದು. ಸಬ್ಜಾ ಸೀಡ್ಸ್​ನ್ನು ಸಹ ನೆನಸಿ ಕುಡಿಬಹುದಾಗಿದೆ.

ಶುಂಠಿ ಚಹಾ

ನೀರಿಗೆ ಶುಂಠಿ ಹಾಕಿ ಕುದಿಸಿ ಕುಡಿಯುವುದು ಕರುಳಿನಲ್ಲಿರುವ ಬ್ಯಾಕ್ಟೀರಿಯಾ ನಿರ್ಮೂಲನೆಗೆ ಸಹಾಯ ಮಾಡುತ್ತದೆ. ಜೊತೆಗೆ ಇದು ಗ್ಯಾಸ್ಟ್ರಿಕ್​ನಂತಹ ಸಮಸ್ಯೆಗಳಿಂದ ದೂರವಿಡಲು ರಾಮಬಾಣವಾಗಿದೆ.

ಗಮನಿಸಿ: ಈ ಮಾಹಿತಿಯು ಜಾಗೃತಿ ಉದ್ದೇಶಕ್ಕಾಗಿ ಮಾ

ತ್ರ. ನೀವು ಯಾವುದೇ ಸಮಸ್ಯೆಗಳನ್ನು ಅನುಭವಿಸಿದರೆ ವೈದ್ಯರನ್ನು ಸಂಪರ್ಕಿಸುವುದು ಮುಖ್ಯ.

Constipation
ಮಧುಮೇಹ
ಚಿಯಾ ಬೀಜ
ಮಲಬದ್ಧತೆ ನಿವಾರಣೆ
ಮಲಬದ್ಧತೆಯಿಂದನಿವಾರಣೆಗೆ ಏನು ಮಾಡಬೇಕು
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net