ಪುರುಷರೇ ಹುಷಾರ್! ಈ ಆಹಾರ ಜಾಸ್ತಿ ತಿಂದ್ರೆ ಪ್ರಾಸ್ಟೇಟ್ ಕ್ಯಾನ್ಸರ್ ಹೆಚ್ಚಾಗಬಹುದು? | Men beware! About prostate cancer

Prostate Cancer: ಇವತ್ತಿನ ದಿನಗಳಲ್ಲಿ ತಂತ್ರಜ್ಞಾನ ಬೆಳೆದಂತೆಲ್ಲಾ ಮಷ್ಯನ ಜೀವನ ಶೈಲಿಯೂ ಬದಲಾಗಿದೆ. ಆಧುನಿಕ ಸಾಧನಗಳು ನಮ್ಮ ದೈನಂದಿನ ಜೀವನವನ್ನು ಬಲು ಸುಲಭ ಮಾಡಿವೆ. ಈ ಪ್ಯಾಕೆಟ್ ಫುಡ್, ಸಾಫ್ಟ್ ಡ್ರಿಂಕ್ಸ್​ ಪ್ರೀಯರ ಸಂಖ್ಯೆ ಜಾಸ್ತಿಯಾಗಿದೆ. ಹೀಗಾಗಿ ಅಮೆರಿಕದ ಹೊಸ ಅಧ್ಯಯನವೊಂದು ಸಂಸ್ಕರಿಸಿದ ಆಹಾರ ಹೆಚ್ಚು ತಿನ್ನುವ ಪುರುಷರಿಗೆ ಶಾಕಿಂಗ್ ನ್ಯೂಸ್ ಕೊಟ್ಟಿದೆ.

ಇತ್ತೀಚಿನ ದಿನಗಳಲ್ಲಿ, ಸಮಯ ಉಳಿಸಬೇಕು ಅಂತ ಸಂಸ್ಕರಿಸಿದ ಆಹಾರ ತಿನ್ನೋದು ಸಾಮಾನ್ಯವಾಗಿದೆ. ಆದ್ರೆ ಇಂಥ ಆಹಾರಗಳ ಅತಿಯಾದ ಸೇವನೆ ಆರೋಗ್ಯಕ್ಕೆ ದೊಡ್ಡ ಹೊಡೆತ ಕೊಡಬಹುದು ಅಂತ ಹಲವು ಅಧ್ಯಯನಗಳು ಹೇಳಿವೆ. ಇದೀಗ ಇದೇ ಆಹಾರಕ್ಕೂ ಗಂಡಸರಲ್ಲಿ ಕಾಣಿಸಿಕೊಳ್ಳುವ ಪ್ರಾಸ್ಟೇಟ್ ಕ್ಯಾನ್ಸರ್‌ಗೂ ಸಂಬಂಧವಿರಬಹುದು ಅನ್ನೋದು ಹೊಸ ಅಧ್ಯಯನದಿಂದ ಗೊತ್ತಾಗಿದೆ.

ಪ್ರಾಸ್ಟೇಟ್ ಕ್ಯಾನ್ಸರ್ ಎಂದರೆ ಪುರುಷರ ಪ್ರಾಸ್ಟೇಟ್ ಗ್ರಂಥಿಯ ಕೋಶಗಳು ನಿಯಂತ್ರಣ ತಪ್ಪಿ ಬೆಳೆಯುವ ಕಾಯಿಲೆ. ಪ್ರಾಸ್ಟೇಟ್ ಗ್ರಂಥಿ ಮೂತ್ರಕೋಶದ ಕೆಳಭಾಗದಲ್ಲಿದ್ದು, ವೀರ್ಯದ ದ್ರವದ ಒಂದು ಭಾಗವನ್ನು ಉತ್ಪಾದಿಸುತ್ತದೆ. ಇದಕ್ಕೆ ಸಂಬಂಧಿಸಿದಂತೆ ಅಮೆರಿಕದ ಫ್ಲೋರಿಡಾ ಅಟ್ಲಾಂಟಿಕ್ ಯೂನಿವರ್ಸಿಟಿ ಸಂಶೋಧಕರು ಅಧ್ಯಯನ ನಡೆಸಿದ್ದಾರೆ. 2003ರಿಂದ 2023ರವರೆಗೆ ನಡೆದ ಎನ್ಎಚ್ಎಎನ್ಇಎಸ್ (NHANES) ಸಮೀಕ್ಷೆಯ ವರದಿಯನ್ನು ಬಳಸಿಕೊಂಡು 17,024 ಪುರುಷರ ಆಹಾರ ಸೇವನೆ ಹಾಗೂ ಆರೋಗ್ಯದ ಮಾಹಿತಿಯನ್ನು ಸಂಶೋಧಕರು ಪರಿಶೀಲಿಸಿದ್ದಾರೆ.

ಸಂಸ್ಕರಿಸಿದ ಆಹಾರ ಕಡಿಮೆ ಸೇವಿಸುವ ಪುರುಷರಿಗೆ ಹೋಲಿಸಿದ್ರೆ, ಹೆಚ್ಚು ಸಂಸ್ಕರಿಸಿದ ಆಹಾರ(UPF) ತಿನ್ನುವವರಲ್ಲಿ ಪ್ರಾಸ್ಟೇಟ್ ಕ್ಯಾನ್ಸರ್ ಅಪಾಯ ಶೇ.29ರಷ್ಟು ಹೆಚ್ಚಿರುವುದು ಅಧ್ಯಯನದಲ್ಲಿ ತಿಳಿದುಬಂದಿದೆ. ಪುರುಕ್ಷರ ವಯಸ್ಸು, ಧೂಮಪಾನ, ಜನಾಂಗ ಮತ್ತು ಆರ್ಥಿಕ ಸ್ಥಿತಿಗತಿಗಳು ಸೇರಿದಂತೆ ಹಲವು ಅಂಶಗಳನ್ನು ಪರಿಗಣಿಸಿಗಣಿಸಲಾಗುತ್ತೆ. ಇನ್ನು ಅತಿ ಹೆಚ್ಚು ಪ್ರಮಾಣದಲ್ಲಿ ಯುಪಿಎಫ್ ಸೇವಿಸುವ ಪುರುಷರಲ್ಲಿ ಪ್ರಾಸ್ಟೇಟ್ ಕ್ಯಾನ್ಸರ್ ಅಪಾಯ ಶೇ.34ರಷ್ಟು ಹೆಚ್ಚಾಗಿರಬಹುದು ಎಂದು ಹೇಳಲಾಗುತ್ತೆ.

ಪ್ಯಾಕೆಟ್ ಫುಡ್ ತಿಂದ ತಕ್ಷಣ ಕ್ಯಾನ್ಸರ್ ಬರುತ್ತೆ ಎಂದು ಹೇಳಲು ಸಾಧ್ಯವಿಲ್ಲ. ಸಂಸ್ಕರಿಸಿದ ಆಹಾರ ತಿನ್ನೋದ್ರಿಂದಲೇ ಕ್ಯಾನ್ಸರ್ ಬರುತ್ತೆ ಅಂತ ಸಾಬೀತಾಗಿಲ್ಲ. ಬದಲಿಗೆ, ಇಂಥ ಆಹಾರಗಳ ಹೆಚ್ಚಿನ ಸೇವನೆ ಮತ್ತು ಪ್ರಾಸ್ಟೇಟ್ ಕ್ಯಾನ್ಸರ್ ಅಪಾಯದ ನಡುವೆ ಸಂಬಂಧ ಇರಬಹುದು ಎನ್ನುವುದನ್ನು ತೋರಿಸಿದೆ. ಹೆಚ್ಚು ಸಕ್ಕರೆ, ಉಪ್ಪು, ಕೊಬ್ಬು, ಕೃತಕ ರುಚಿ ಇರುವ ತಿಂಡಿಗಳ ಅತಿಯಾದ ಸೇವನೆಯಿಂದ ದೇಹದಲ್ಲಿ ಉರಿಯೂತ, ಚಯಾಪಚಯದಲ್ಲಿ ಬದಲಾವಣೆ ಮತ್ತು ಕರುಳಿನಲ್ಲಿರುವ ಉತ್ತಮ ಬ್ಯಾಕ್ಟೀರಿಯಾಗಳ ಅಸಮತೋಲನದಲ್ಲಿ ಆಗಬಹುದು ಎಂದು ಹಿಂದಿನ ಸಂಶೋಧನೆಗಳು ಕೂಡ ಹೇಳಿವೆ.

ಹೀಗಾಗಿ, ಪ್ಯಾಕೆಟ್ ಫುಡ್, ಸಾಫ್ಟ್ ಡ್ರಿಂಕ್ಸ್ ಮತ್ತು ಸಂಸ್ಕರಿಸಿದ ಆಹಾರಗಳನ್ನು ದಿನನಿತ್ಯ ಜಾಸ್ತಿ ತಿನ್ನುವ ಬದಲು, ಸಾಧ್ಯವಾದಷ್ಟು ತಾಜಾ ತರಕಾರಿ, ಹಣ್ಣು, ಬೇಳೆಕಾಳು, ಧಾನ್ಯಗಳನ್ನು ಸೇವಿಸುವುದು ಉತ್ತಮ. ಆರೋಗ್ಯವಾಗಿದ್ದರೆ ಅದಕ್ಕಿಂತ ಭಾಗ್ಯ ಮತ್ತೊಂದಿಲ್ಲ. ಜೀವನ ಶೈಲಿ ಬದಲಾದಂತೆ ಮನುಷ್ಯನ ಬದುಕು ಬದಲಾಗುತ್ತದೆ,(ಏಜೇನ್ಸೀಸ್​).