ಲಾಕ್​ಡೌನ್​​ ನಡುವೆಯೇ ಬಿಗ್​ಬಾಸ್​ ವಿಜೇತ ಅಕುಲ್ ಬಾಲಾಜಿ ವಿರುದ್ಧ ಎಫ್​ಐಆರ್ ದಾಖಲು

ಬೆಂಗಳೂರು: ಲಾಕ್​ಡೌನ್ ನಿಯಮ ಉಲ್ಲಂಘಿಸಿ ಮದುವೆ ಕಾರ್ಯಕ್ರಮಕ್ಕೆ ರೆಸಾರ್ಟ್ ಬಾಡಿಗೆ ನೀಡಿದ ಆರೋಪದ ಮೇಲೆ ನಟ ಅಕುಲ್ ಬಾಲಾಜಿ ವಿರುದ್ಧ ದೊಡ್ಡಬಳ್ಳಾಪುರ ಪೊಲೀಸ್ ಠಾಣೆಯಲ್ಲಿ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ. ಏ.18ರಂದು ತಾಲೂಕಿನ ಲಘುಮೇನಹಳ್ಳಿಯಲ್ಲಿನ ಅಕುಲ್ ಬಾಲಾಜಿ ಒಡೆತನದ ಸನ್​ಶೈನ್ ರೆಸಾರ್ಟ್​ನಲ್ಲಿ ಮದುವೆ ಕಾರ್ಯಕ್ರಮದ ಸಿದ್ಧತೆ ನಡೆದಿತ್ತು.

ಬೆಂಗಳೂರಿನ ಥಣಿಸಂದ್ರದ 20ಕ್ಕೂ ಹೆಚ್ಚು ಮಂದಿ ರೆಸಾರ್ಟ್​ಗೆ ಬಂದಿದ್ದರು. ಅಪರಿಚಿತರ ತಂಡ ಗ್ರಾಮಕ್ಕೆ ಬಂದಿರುವ ವಿಷಯ ತಿಳಿದ ಸ್ಥಳೀಯರು ಆತಂಕಗೊಂಡು ರೆಸಾರ್ಟ್​ನಲ್ಲಿ ವಿಚಾರಿಸಿದಾಗ ಮದುವೆ ನಡೆಯುತ್ತಿರುವುದು ತಿಳಿದುಬಂದಿದೆ.

ಕರೊನಾ ಹಿನ್ನೆಲೆಯಲ್ಲಿ ಲಾಕ್​ಡೌನ್ ಘೋಷಿಸಿದ್ದರೂ ನಿಯಮ ಉಲ್ಲಂಘಿಸಿ ಮದುವೆ ಕಾರ್ಯಕ್ರಮಕ್ಕೆ ಅನುಮತಿ ನೀಡಲಾಗಿದೆ ಎಂದು ಆರೋಪಿಸಿ ಗ್ರಾಮಸ್ಥರು ಅಕುಲ್​ಬಾಲಾಜಿ ಹಾಗೂ ವ್ಯವಹಾರ ಪಾಲುದಾರ ಶ್ರೀನಿವಾಸ ಸುಬ್ರಹ್ಮಣ್ಯಂ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ.

https://www.vijayavani.net/man-cheats-thru-online-grabs-whooping-amount-in-bank-account/