ಸುಶಾಂತ್ ಸಿಂಗ್ ಸಾವಿನ ನಂತರ ಪ್ರೇಯಸಿ ರಿಯಾ ಚಕ್ರವರ್ತಿ ವಿರುದ್ಧ ನೆಟ್ಟಿಗರು ಸಿಕ್ಕಾಪಟ್ಟೆ ಟ್ರೋಲ್ ಮಾಡಿದ್ದರು. ಬರೀ ಟ್ರೋಲ್ ಮಾಡುವುದಷ್ಟೇ ಅಲ್ಲ, ಅವರಿಗೆ ಅತ್ಯಾಚಾರ ಮತ್ತು ಕೊಲೆ ಬೆದರಿಕೆಯನ್ನೂ ಹಾಕಿದ್ದರು. ದಿನೇದಿನೆ ಟ್ರೋಲಿಗರ ಕಾಟ ಹೆಚ್ಚಾಗಿತ್ತು. ಇದೆಲ್ಲದರಿಂದ ಬೇಸತ್ತ ರಿಯಾ ಇತ್ತೀಚೆಗಷ್ಟೇ ಸೈಬರ್ ಪೊಲೀಸರಿಗೆ ದೂರು ಸಹ ನೀಡಿದ್ದರು. ದೂರಿನನ್ವಯ ಇಬ್ಬರ ವಿರುದ್ಧ ಎಫ್ಐಆರ್ ದಾಖಲಾಗಿದೆ.
ಇದನ್ನೂ ಓದಿ: ಸೌತ್ನತ್ತ ದೀಪಿಕಾ ಪಡುಕೋಣೆ ಒಲವು; ತೆಲುಗು ಸ್ಟಾರ್ ನಟನ ಜತೆ ಕನ್ನಡತಿಯ ಸ್ಕ್ರೀನ್ಶೇರ್
‘ನನ್ನನ್ನ ಗೋಲ್ಡ್ ಡಿಗ್ಗರ್ ಎಂದು ಕರೆದರು ನಾನು ಸುಮ್ಮನಿದ್ದೆ. ನನ್ನನ್ನು ಕೊಲೆಗಾರ್ತಿ ಎಂದರು ಆಗಲೂ ಸುಮ್ಮನಿದ್ದೆ. ನನಗೆ ಇನ್ನೂ ಏನೇನೋ ಅಂದರು. ಆಗಲೂ ನಾನು ಮಾತನಾಡಲಿಲ್ಲ. ಆತ್ಮಹತ್ಯೆ ಮಾಡಿಕೊಳ್ಳಲಿಲ್ಲ ಎಂದರೆ ಕೊಲೆ ಮಾಡಿಸ್ತೀನಿ, ರೇಪ್ ಮಾಡಿಸ್ತೀನಿ ಅಂತೆಲ್ಲಾ ಹೇಳುವುದಿದೆಯಲ್ಲಾ ಅದು ದೊಡ್ಡ ಕ್ರೈಮ್’ ಎಂದು ರಿಯಾ ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲಿಗರ ವಿರುದ್ಧ ಪ್ರಶ್ನೆ ಮಾಡಿದ್ದರು.
https://www.instagram.com/p/CCsVR4vH2TV/
‘ನನಗೆ ಯಾರು ಈ ರೀತಿ ಹೇಳಿದರೋ, ಅವರಿಗೆ ಈ ಮಾತಿನ ಗಂಭಿರತೆ ಗೊತ್ತಿದೆಯಾ? ಇದು ದೊಡ್ಡ ಕ್ರೈಮ್. ಈ ತರಹ ಯಾರನ್ನೂ ನಿಂದಿಸಬಾರದು. ದಯವಿಟ್ಟು ಸೈಬರ್ ಕ್ರೈಮ್ನವರು ಈ ವಿಷಯವಾಗಿ ಸೂಕ್ತ ಆಕ್ಷನ್ ತೆಗೆದುಕೊಳ್ಳಬೇಕು. ತಾಳ್ಮೆಗೂ ಒಂದು ಮಿತಿ ಇದೆ’ ಎಂದು ಸೈಬರ್ ಕ್ರೈಮ್ ಪೊಲೀಸರಿಗೆ ಟ್ವಿಟರ್ ಮೂಲಕವೇ ಟ್ಯಾಗ್ ಮಾಡಿ ಮನವಿ ಮಾಡಿದ್ದರು.
ಇದನ್ನೂ ಓದಿ: ಕಾಲಿವುಡ್ ಖ್ಯಾತ ನಟನನ್ನು ವರಿಸಲಿದ್ದಾರೆ ಬ್ಯಾಡ್ಮಿಂಟನ್ ತಾರೆ ಜ್ವಾಲಾ ಗುಟ್ಟಾ!
ಅದರಂತೆ ಇದೀಗ ಇಬ್ಬರ ವಿರುದ್ಧ ಐಪಿಸಿ ಸೆಕ್ಷನ್ 507 ಮತ್ತು 509 ಪ್ರಕಾರ ಸಾಂತಾಕ್ರೂಜ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಈವರೆಗೂ ಯಾರನ್ನೂ ಬಂಧಿಸಲಾಗಿಲ್ಲ. ಶೀಘ್ರದಲ್ಲಿ ಆ ಕೆಲಸವನ್ನೂ ಮಾಡಲಿದ್ದೇವೆ ಎಂದು ಪೊಲೀಸ್ ಇಲಾಖೆ ತಿಳಿಸಿದೆ. (ಏಜೆನ್ಸೀಸ್)