ಯಾವ ಸಿನಿಮಾ ಸ್ಟೋರಿಗೂ ಕಮ್ಮಿಯಿಲ್ಲ ಈ ಕೊಲಂಬಿಯನ್ ಪ್ಲೇಯರ್​ ಕಥೆ! ತಂದೆಯ ಜೀವ ಉಳಿಸಿದ ರಿಯಲ್​ ಹೀರೋ

Luis Diaz Soccer: ಫಿಫಾ ವಿಶ್ವಕಪ್‌ ಟೂರ್ನಿಯಲ್ಲಿ ಕೊಲಂಬಿಯಾ ಪಡೆ ಸ್ಮರಣೀಯ ಗೆಲುವು ಸಾಧಿಸಿದೆ. ಉಜ್ಬೇಕಿಸ್ತಾನ್ ವಿರುದ್ಧ 3-1 ಅಂತರದಿಂದ ಗೆದ್ದು ಬೀಗಿದ ತಂಡಕ್ಕೆ ಸ್ಟಾರ್ ಆಟಗಾರ ಲೂಯಿಸ್ ಡಯಾಜ್ ಸಾಕರ್​ ಅವರ ಕೊಡುಗೆ ಹೆಚ್ಚಿತ್ತು. ಅಭಿಮಾನಿಗಳ ಮೆಚ್ಚುಗೆ, ಪ್ರಶಂಸೆಗೆ ಪಾತ್ರರಾದ ಲೂಯಿಸ್​ ಅವರ ಬದುಕಿನ ಕಥೆ ಕೇಳಿದ್ರೆ, ಯಾವ ಸಿನಿಮಾ ಕಥೆಗೂ ಇದು ಕಡಿಮೆ ಇಲ್ಲ ಅನಿಸುತ್ತೆ. 

ಪಂದ್ಯದ ಗೆಲುವಿನ ಬಳಿಕ ಮಾತನಾಡಿದ ಲೂಯಿಸ್​, ತಮ್ಮ ತಂದೆ ಸ್ಟ್ಯಾಂಡ್ಸ್​ನಲ್ಲಿ ಕುಳಿತಿರುವುದನ್ನು ನೋಡಿ ಭಾವುಕರಾದರು. ಅಸಲಿಗೆ, ಫಿಫಾ ವಿಶ್ವಕಪ್​ ಮಗನ ತಂಡವನ್ನು ಪ್ರೋತ್ಸಾಹಿಸಲು ಮೈದಾನಕ್ಕೆ ಬಂದಿರುವ ಲೂಯಿಸ್​ ತಂದೆ, ಸ್ಟೇಡಿಯಂಗೆ ಬರಲು ಸಾಕಷ್ಟು ಕಷ್ಟಗಳನ್ನು ಎದುರಿಸಿದ್ದಾರೆ ಎನ್ನಲಾಗಿದೆ. 2022ರ ವಿಶ್ವಕಪ್‌ಗೆ ಕೊಲಂಬಿಯಾ ಅರ್ಹತೆ ಪಡೆಯಲು ವಿಫಲವಾದಾಗಿನಿಂದ ಅವರ ಕುಟುಂಬ ಎದುರಿಸಿದ ದುರಂತ ಘಟನೆಗಳು ಇಂದಿಗೂ ಮನಸ್ಸಿನಲ್ಲಿ ಹಾಗೆಯೇ ಉಳಿದಿದೆ ಎಂದು ಡಯಾಜ್ ಹೇಳಿದ್ದಾರೆ.

2023ರಲ್ಲಿ, ಲೂಯಿಸ್​ ಕುಟುಂಬವು ದೊಡ್ಡ ತೊಂದರೆಗೆ ಸಿಲುಕಿತು. ಕೊಲಂಬಿಯಾ-ವೆನೆಜುವೆಲಾ ಗಡಿ ಪ್ರದೇಶದಲ್ಲಿ ಕಿಡಿಗೇಡಿಗಳ ಗುಂಪೊಂದು ಅವರ ತಂದೆಯನ್ನು ಕಿಡ್ನ್ಯಾಪ್​ ಮಾಡಿದರು. ಈ ಸಂದರ್ಭದಲ್ಲಿ, ಫುಟ್ಬಾಲರ್​ ತಾಯಿ ಸಿಲೆನಿಸ್ ಮರುಲಾಂಡಾ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರೆ, ತಂದೆ ಅಪಾಯದಲ್ಲಿದ್ದರು. 

ಆ ಸಮಯದಲ್ಲಿ, ಡಿಯೋಗೊ ಲಿವರ್‌ಪೂಲ್‌ಗಾಗಿ ಆಡುತ್ತಿದ್ದರು. ವಿಷಯ ತಿಳಿದ ಕೂಡಲೇ, ತವರಿಗೆ ಹಿಂತಿರುಗಿದ ಅವರು, ತನ್ನ ತಂದೆಯನ್ನು ಬಿಡಿಸಲು ಸಾಕಷ್ಟು ಕಾನೂನು ಪ್ರಯತ್ನಗಳನ್ನು ಮಾಡಿದರು. ಆದರೆ, ಯಾವುದೂ ಫಲಸಲಿಲ್ಲ. ಈ ಮಧ್ಯೆ, ಅದಾಗಲೇ ಎರಡು ಪಂದ್ಯಗಳಿಂದ ಹೊರಗುಳಿದಿದ್ದ ಲೂಯಿಸ್​, ಮತ್ತೆ ಕ್ಲಬ್​ಗಾಗಿ ಆಡಲು ಪ್ರಾರಂಭಿಸಿದ್ದೇ ತಂದೆಯ ಸುರಕ್ಷಿತ ಕಮ್​ಬ್ಯಾಕ್​ಗೆ ದೊಡ್ಡ ತಿರುವು ನೀಡಿತು. ​   

ನೋವಿನ ನಡುವೆಯೂ ಕ್ಲಬ್​ಗೆ ಆಡಲು ಪ್ರಾರಂಭಿಸಿದ ಲೂಯಿಸ್​, ತನ್ನ ತಂದೆಯನ್ನು ಬಿಡುಗಡೆಗೊಳಿಸಿ ಎಂಬ ಸಂದೇಶವಿರುವ ಟಿ-ಶರ್ಟ್‌ಗಳನ್ನು ಧರಿಸಿ, ಪಂದ್ಯದಲ್ಲಿ ಎಲ್ಲರ ಗಮನ ಸೆಳೆದರು. ಈ ವಿಷಯವು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಯಿತು. ತಕ್ಷಣವೇ ಕೊಲಂಬಿಯಾ ಸರ್ಕಾರ ಮಧ್ಯಪ್ರವೇಶಿಸಿ, ಲೂಯಿಸ್​ ತಂದೆಯನ್ನು ಶೋಧಕ್ಕೆ ತಂಡವನ್ನು ಕಳುಹಿಸಿ, ಕಡೆಗೂ ಕಿಡಿಗೇಡಿಗಳ ಸೆರೆಯಿಂದ ಅವರನ್ನು ಸುರಕ್ಷಿತವಾಗಿ ಕರೆದುಕೊಂಡು ಬಂದಿತು. ಸುಮಾರು 12 ದಿನಗಳ ಕಾಲ ಕಿಡ್ನ್ಯಾಪ್​ರ್​ಗಳ ಸೆರೆಯಲ್ಲಿದ್ದ ಅವರ ತಂದೆ ಕಡೆಗೂ ಸುರಕ್ಷಿತವಾಗಿ ಮನೆ ಸೇರಿದ್ದೇ ರೋಚಕ. 

ಜರ್ಮನ್ ದೈತ್ಯ ತಂಡವಾದ ಬೇಯರ್ನ್ ಮ್ಯೂನಿಚ್ ಪರ ಆಡುವ ಲೂಯಿಸ್​ ಡಯಾಜ್​, 2018ರ ನಂತರ ಕೊಲಂಬಿಯಾಕ್ಕೆ ಮೊದಲ ವಿಶ್ವಕಪ್ ಗೆಲುವು ತಂದುಕೊಟ್ಟ ಉಜ್ಬೇಕಿಸ್ತಾನ್ ವಿರುದ್ಧ ನಿರ್ಣಾಯಕ ಗೋಲು ಹೊಡೆದರು. ತಂದೆ ಸ್ಟೇಡಿಯಂನಲ್ಲಿ ಕುಳಿತು ಪಂದ್ಯ ನೋಡುತ್ತಿರುವಾಗಲೇ ಈ ಗೆಲುವು ಸಿಕ್ಕಿದ್ದು, ನನ್ನ ಜೀವನದಲ್ಲಿ ಬಹಳ ವಿಶೇಷ ಕ್ಷಣ ಎಂದು ಪಂದ್ಯ ಮುಗಿದ ಬಳಿಕ ಭಾವುಕರಾಗಿ ಲೂಯಿಸ್​ ಮಾತನಾಡಿದ್ದಾರೆ,(ಏಜೆನ್ಸೀಸ್).