ಅನೈತಿಕ ಸಂಬಂಧಕ್ಕೆ ಲೇಡಿ ಪೊಲೀಸ್ ಬಲಿ​: ತಾಯಿಯ ತಪ್ಪಿಗೆ ಏನೂ ಅರಿಯದ ಇಬ್ಬರು ಕಂದಮ್ಮಗಳೂ ಸಾವು

ಚೆನ್ನೈ: ಅಕ್ರಮ ಸಂಬಂಧ ಕಾರಣದಿಂದಾಗಿ ಮಹಿಳಾ ಪೊಲೀಸ್​ ಸಿಬ್ಬಂದಿ ಒಬ್ಬರು ತನ್ನಿಬ್ಬರು ಮಕ್ಕಳೊಂದಿಗೆ ರೈಲಿಗೆ ಸಿಲುಕಿ ಆತ್ಮಹತ್ಯೆ ಮಾಡಿಕೊಂಡಿರುವ ಆಘಾತಕಾರಿ ಘಟನೆ ತಮಿಳುನಾಡಿನ ಸಮಯನಲ್ಲೂರಿನಲ್ಲಿ ನಡೆದಿದೆ.

ಜಯಲಕ್ಷ್ಮೀ (30) ಮೃತ ಮಹಿಳಾ ಪೊಲೀಸ್​. ಮದುರೈನಲ್ಲಿ ಕಳೆದ ಆರು ವರ್ಷಗಳಿಂದ ರೈಲ್ವೆ ಪೊಲೀಸ್​ ಅಧಿಕಾರಿ ಸೇವೆ ಸಲ್ಲಿಸುತ್ತಿದ್ದರು. ಮದುರೈನ ತಿರುಪಲೈ ಏರಿಯಾದಲ್ಲಿ ವಾಸವಿದ್ದರು. ಮದುವೆಯಾಗಿ, ಇಬ್ಬರು ಮಕ್ಕಳಿದ್ದರು. ನಿನ್ನೆ ಸಂಜೆ 6 ಗಂಟೆ ಸುಮಾರಿಗೆ ಮಧುರೈ ಜಿಲ್ಲೆಯ ಸಮಯನಲ್ಲೂರು ಬಳಿಯ ಮಧುರೈ-ದಿಂಡಿಗಲ್ ರೈಲ್ವೆ ಹಳಿಯಲ್ಲಿ ಪೊಲೀಸ್ ಸಮವಸ್ತ್ರದಲ್ಲಿ ಇಬ್ಬರು ಮಕ್ಕಳು ಸಮೇತ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಮಕ್ಕಳನ್ನು ಮಗ ಕಾಳಿಮುತ್ತು ರಾಜ (9) ಮತ್ತು ಮಗಳು ಪವಿತ್ರಾ (11) ಎಂದು ಗುರುತಿಸಲಾಗಿದೆ. ಜಯಲಕ್ಷ್ಮಿ ಮಧುರೈ ರೈಲ್ವೇ ಪೊಲೀಸ್ ವಿಭಾಗದಲ್ಲಿ ಗ್ರೇಡ್-1 ಕಾನ್ ಸ್ಟೇಬಲ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಸೆಂಗೊಟ್ಟೈ ಮೂಲದ ಸೊಕ್ಕಲಿಂಗ ಪಾಂಡಿಯನ್​ ಜತೆ ಅನೈತಿಕ ಸಂಬಂಧ ಹೊಂದಿದ್ದಳು ಎನ್ನಲಾಗಿದೆ. ಪಾಂಡಿಯನ್​ ಸಹ ರೈಲ್ವೆ ಪೊಲೀಸ್​ ಅಧಿಕಾರಿಯಾಗಿದ್ದು, ಈಗಾಗಲೇ ಮದುವೆಯಾಗಿ ಇಬ್ಬರು ಮಕ್ಕಳಿದ್ದಾರೆ. ಅಲ್ಲದೆ, ಹಲವು ಮಹಿಳೆಯರ ಜತೆ ಪಾಂಡಿಯನ್​ಗೆ ಸಂಪರ್ಕ ಇತ್ತು. ಈ ವಿಚಾರ ಜಯಲಕ್ಷ್ಮಿಗೆ ತಿಳಿದು ಆಘಾತಕ್ಕೆ ಒಳಗಾಗಿದ್ದರು. ಇದೇ ವಿಚಾರವಾಗಿ ಪಾಂಡಿಯನ್ ಜೊತೆ ಸಂಪರ್ಕದಲ್ಲಿದ್ದ ರೈಲ್ವೆ ಉದ್ಯೋಗಿ ಶಿವಕಾಮಿ ಎಂಬಾಕೆಗೆ ಕರೆ ಮಾಡಿ ಜಯಲಕ್ಷ್ಮೀ ಜಗಳವಾಡಿದ್ದಳು.

ಇದನ್ನೂ ಓದಿ: ಹಸಿರು ಪಟಾಕಿ ನಿಷೇಧ: ದೆಹಲಿ ಆದೇಶದಂತೆ ಉತ್ಪಾದನೆ, ಮಾರಾಟಕ್ಕಿಲ್ಲ ಅನುಮತಿ ಎಂದ ಸುಪ್ರೀಂ: ಏನಿದು ಹಸಿರು ಪಟಾಕಿ..?

ಜಯಲಕ್ಷ್ಮೀ ಮಾತುಗಳನ್ನು ರೆಕಾರ್ಡ್ ಮಾಡಿಕೊಂಡಿದ್ದ ಶಿವಗಾಮಿ ಮಾಧ್ಯಮಗಳಿಗೆ ಬಿಡುಗಡೆ ಮಾಡುವುದಾಗಿ ಬೆದರಿಕೆ ಹಾಕಿದಳು. ಇದರಿಂದ ಹೆದರಿದ ಜಯಲಕ್ಷ್ಮಿ ತನ್ನ ಇಬ್ಬರು ಮಕ್ಕಳೊಂದಿಗೆ ರೈಲಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಈ ವಿಷಯ ತಿಳಿದ ಸೊಕ್ಕಲಿಂಗ ಪಾಂಡಿಯನ್ ತನ್ನ ಸಹೋದರನಿಗೆ ವಾಟ್ಸಾಪ್ ಮೂಲಕ ‘ತಪ್ಪು ಮಾಡಿದ್ದೇನೆ’ ಎಂದು ಸಂದೇಶ ರವಾನಿಸಿ ರಾತ್ರಿ 11:30ಕ್ಕೆ ಕೋವಿಲಪಟ್ಟಿ ಬಳಿ ರೈಲಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/knife-found-in-abdomen-of-man-suffering-from-pain-he-had-been-stabbed-a-day-before

https://www.vijayavani.net/supreme-court-backs-delhi-govt-says-no-to-production-sale-of-green-firecrackers