ಹಾನಗಲ್ಲನಲ್ಲಿ ಹೆಚ್ಚು ಖರೀದಿ: ಜಿಲ್ಲೆಯ ಹಿರೇಕೆರೂರ, ಶಿಗ್ಗಾಂವಿ ಹಾಗೂ ಹಾನಗಲ್ಲ ಎಪಿಎಂಸಿಯಲ್ಲಿ ಭತ್ತ ಖರೀದಿ ಕೇಂದ್ರ ಆರಂಭಿಸಲಾಗಿತ್ತು. ಆದರೆ, ಹಿರೇಕೆರೂರ, ಶಿಗ್ಗಾಂವಿಯಲ್ಲಿ ಹೇಳಿಕೊಳ್ಳುವಷ್ಟು ಭತ್ತ ಮಾರಾಟವಾಗಿಲ್ಲ. ಹಾನಗಲ್ಲ ಎಪಿಎಂಸಿ ಭತ್ತ ಖರೀದಿ ಕೇಂದ್ರದಲ್ಲಿ 783 ರೈತರು ಭತ್ತ ಮಾರಾಟಕ್ಕೆ ನೋಂದಣಿ ಮಾಡಿಕೊಂಡಿದ್ದು, ಈಗಾಗಲೇ 639 ರೈತರು ಮಾರಾಟ ಮಾಡಿದ್ದಾರೆ. 20 ಸಾವಿರಕ್ಕೂ ಅಧಿಕ ಕ್ವಿಂಟಾಲ್ನಷ್ಟು ಖರೀದಿ ಮಾಡಲಾಗಿದೆ ಎಂದು ಹಾವೇರಿ ಎಪಿಎಂಸಿ ಸಹಾಯಕ ನಿರ್ದೇಶಕ ಬಿ.ಸಿ. ಪರಮಶೆಟ್ಟಿ ಅವರು ‘ವಿಜಯವಾಣಿ’ಗೆ ತಿಳಿಸಿದ್ದಾರೆ. ರಾಣೆಬೆನ್ನೂರಿನ ಭತ್ತ ಬೆಳೆಗಾರರು ತುಮಕೂರು, ದಾವಣಗೆರೆ ಕಡೆಯಿಂದ ವ್ಯಾಪಾರಸ್ಥರನ್ನು ಕರೆಯಿಸಿ ನೇರವಾಗಿ ಮಾರಾಟ ಮಾಡುತ್ತಿದ್ದಾರೆ.
