ಕಾರಿನ ನಂಬರ್ ಪ್ಲೇಟ್​​ ಮೇಲೆ 'ಪಪ್ಪಾ' ಎಂದು ಬರೆಸಿದವನಿಗೆ ಬಿತ್ತು ದಂಡ

ಡೆಹ್ರಾಡೂನ್​​: ಹಣ ಖರ್ಚು ಮಾಡಿ ಬೈಕ್​, ಕಾರುಗಳಿಗೆ ಫ್ಯಾನ್ಸಿ ನಂಬರ್ ಪ್ಲೇಟ್​ ಬರೆಸುವುದು ಇತ್ತೀಚಿನ ದಿನಗಳಲ್ಲಿ ಸರ್ವೆ ಸಾಮಾನ್ಯ. ಆದರೆ, ಉತ್ತರಾಖಂಡದಲ್ಲಿ ವ್ಯಕ್ತಿಯೋರ್ವ ತನ್ನ ಕಾರಿನ ಮೇಲೆ ಹಿಂದಿಯಲ್ಲಿ 'ಪಪ್ಪಾ' ಎಂದು ಬರೆಸಿ ಮಾಡಿದ ತಪ್ಪಿಗೆ ಈಗ ದಂಡ ಕಟ್ಟಿದ್ದಾನೆ.

ಪ್ರಕರಣದ ಹಿನ್ನೆಲೆ:

ವ್ಯಕ್ತಿಯೊಬ್ಬನ ಕಾರಿನ ನಂಬರ್​​​ 4141 ಆಗಿದ್ದು, ಅದನ್ನ ಫ್ಯಾನ್ಸಿ ಸ್ಟೈಲ್​ನಲ್ಲಿ ಪಪ್ಪಾ(पापा) ಎಂದು ಹಿಂದಿಯಲ್ಲಿ ಬರೆಸಲಾಗಿದೆ. ಇದು ಉತ್ತರಾಖಂಡ ಪೊಲೀಸರ ಕಣ್ಣಿಗೆ ಬಿದ್ದಿದ್ದು, ಸಂಚಾರಿ ನಿಯಮದ ಉಲ್ಲಂಘನೆಯಾಗಿದೆ. ಹೀಗಾಗಿ, ನಂಬರ್ ಪ್ಲೇಟ್ ಹಾಕಿಸಿರುವ ವ್ಯಕ್ತಿಯನ್ನ ಟ್ರಾಫಿಕ್ ಕಚೇರಿಗೆ ಕರೆಯಿಸಿ, ದಂಡ ಕಟ್ಟಿಸಿಕೊಳ್ಳಲಾಗಿದೆ. ನಂಬರ್ ಪ್ಲೇಟ್​ ಬದಲಾವಣೆ ಮಾಡುವಂತೆ ತಿಳಿಸಿದ್ದು, ಇದರ ಬೆನ್ನಲ್ಲೇ ಚೇಂಜ್ ಮಾಡಲಾಗಿದೆ.

ಈ ನಂಬರ್ ಪ್ಲೇಟ್​ ತಮ್ಮ ಟ್ವಿಟರ್ ಅಕೌಂಟ್​ನಲ್ಲಿ ಶೇರ್ ಮಾಡಿಕೊಂಡಿರುವ ಉತ್ತರಾಖಂಡ ಪೊಲೀಸರು, 'ಮಕ್ಕಳು ದೊಡ್ಡ ಹೆಸರು ಮಾಡುವಂತೆ ತಂದೆ ಹೇಳುತ್ತಾರೆ, ಆದರೆ, ಮಗ ತಂದೆಯ ಹೆಸರು ಕಾರಿನ ಪ್ಲೇಟ್​ ಮೇಲೆ ಬರೆಯುತ್ತಾನೆ ಎಂದು ಬರೆದುಕೊಂಡಿದ್ದಾರೆ. ಇಂತಹ ನಂಬರ್ ಪ್ಲೇಟ್ ಕಂಡು ಬಂದರೆ ದಂಡ ವಿಧಿಸಲಾಗುವುದು ಎಂದು ತಿಳಿಸಿದ್ದಾರೆ.

https://www.vijayavani.net/male-mahadeshwar-temple-hundi-theft-arrest/