ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿ ನಡೆಯುತ್ತಿರುವ ರೈತ ಪ್ರತಿಭಟನೆಯ ಕಾವು ಹೆಚ್ಚುತ್ತಿರುವಾಗಲೇ ಸೋಷಿಯಲ್ ಮೀಡಿಯಾಗಳಲ್ಲಿ ನಾನಾ ರೀತಿಯ ಪ್ರಚೋದನಕಾರಿ ಸುದ್ದಿಗಳು ಹರಿದಾಡತೊಡಗಿವೆ. ಅವುಗಳ ಪೈಕಿ ಎರಡು ಚಿತ್ರಗಳನ್ನು ಒಳಗೊಂಡ ಈ ಸುದ್ದಿಯೂ ಒಂದು. ಒಂದು ಚಿತ್ರದಲ್ಲಿ ಸಿಖ್ ವಯೋವೃದ್ಧನೊಬ್ಬ ಎಡಗಣ್ಣಿಗೆ ಬ್ಯಾಂಡೇಜ್ ಹಾಕಿಕೊಂಡು ಅಸಹಾಯಕ ಸ್ಥಿತಿಯಲ್ಲಿದ್ದರೆ, ಇನ್ನೊಂದು ಚಿತ್ರದಲ್ಲಿ ಸೇನಾ ಸಮವಸ್ತ್ರದಲ್ಲಿರುವ ನಿವೃತ್ತ ಯೋಧ ಕೇಕ್ ಎದುರು ಕುಳಿತಿರುವ ದೃಶ್ಯವಿದೆ. ರೈತ ಪ್ರತಿಭಟನೆಯಲ್ಲಿ ಗಾಯಗೊಂಡ ಯೋಧ ಎಂಬ ಶೀರ್ಷಿಕೆಯೊಂದಿಗೆ ಇದು ಹರಿದಾಡುತ್ತಿದೆ. ಆದರೆ ನಿಜವಾಗಿಯೂ ಯೋಧ ಗಾಯಗೊಂಡಿದ್ದಾರೆಯೇ? ಫ್ಯಾಕ್ಟ್ಚೆಕ್ ಹೇಳುವುದೇನು?
