ಆದರೆ, ಇದು ಸತ್ಯವೇ ಎಂಬುದು ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್ಡಬ್ಲ್ಯುಎ) ನಡೆಸಿದ ಫ್ಯಾಕ್ಟ್ಚೆಕ್ನಲ್ಲಿ ಬಯಲಾಗಿದೆ. ವೈರಲ್ ಫೋಟೋದಲ್ಲಿರುವ ಮಹಿಳೆಗೂ ಪ್ರಸ್ತುತ ಹರಿದಾಡುತ್ತಿರುವ ಕೂಮು ಸೌಹಾರ್ದ ಕೆಡಿಸುವ ಸಂದೇಶಕ್ಕೂ ಒಂದಕ್ಕೊಂದು ಸಂಬಂಧವಿಲ್ಲ. ತಪ್ಪು ಪ್ರಚಾರ ಮಾಡುವ ಉದ್ದೇಶದಿಂದ ಫೋಟೋವನ್ನು ಹರಿಬಿಡಲಾಗಿದೆ. ಫೋಟೋದಲ್ಲಿರುವ ಮಹಿಳೆ ಪ್ರಾಣಿ ಹಕ್ಕುಗಳ ಕಾರ್ಯಕರ್ತೆ. 2017ರ ಆಗಸ್ಟ್ನಲ್ಲಿ ಪ್ರಾಣಿಗಳ ಹಕ್ಕಿಗಾಗಿ ದೆಹಲಿಯಲ್ಲಿ ನಡೆದ ಎನ್ಜಿಒ ಅಭಿಯಾನದ ವೇಳೆ ತೆಗೆಯಲಾದ ಫೋಟೋ ಆಗಿದೆ. ಗಾಳಿಪಟ ಹಾರಿಸುವುದರಿಂದ ಅದರ ದಾರ ಪಕ್ಷಿಗಳಿಗೆ ಸಿಲುಕಿ ಸಾವಿಗೀಡಾಗುವುದರ ವಿರುದ್ಧ ಅಭಿಯಾನ ನಡೆಸಲಾಗಿತ್ತು. ಆದರೆ, ವೈರಲ್ ಆಗಿರುವಂತೆ ಮಕರ ಸಂಕ್ರಾಂತಿ ಅಥವಾ ಇತರೆ ಹಬ್ಬಳಿಗೂ ಈ ಫೋಟೋ ಸಂಬಂಧಿಸಿಲ್ಲ.
