ಅಬಕಾರಿ ಪೇದೆ ಮತ್ತು ಹಿರಿಯ ಪೇದೆ ಸಿಬ್ಬಂದಿಗೆ ವೇತನ ಹೆಚ್ಚಿಸುವಂತೆ ಒತ್ತಾಯ ಕೇಳಿಬಂದಿದೆ. ಪೋಲಿಸ್ ಇಲಾಖೆಯಲ್ಲಿ ಕಾನ್ಸ್ಟೇಬಲ್, ಮುಖ್ಯ ಪೇದೆಗಳು, ಅರಣ್ಯ ಇಲಾಖೆಯಲ್ಲಿ ಅರಣ್ಯ ರಕ್ಷಕರು,ಉಪ ವಲಯ ಅರಣ್ಯಾಧಿಕಾರಿ, ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳ ಇಲಾಖೆಯಲ್ಲಿ ಅಗ್ನಿ ಶಾಮಕರು, ಮುಖ್ಯ ಅಗ್ನಿ ಶಾಮಕರು,ಸಹಾಯಕ ಅಗ್ನಿಶಾಮಕ ಠಾಣಾಧಿಕಾರಿಗಳು, ವಿಭಾಗೀಯ ಅಗ್ನಿಶಾಮಕ ಅಧಿಕಾರಿಗಳು, ಕಾರಾಗೃಹ ಇಲಾಖೆಯಲ್ಲಿ ವಾಡರ್ಸ್, ಮುಖ್ಯ ವಾಡರ್ಸ್, ಜೈಲರ್ಗಳು, ಕಾರಾಗೃಹ ಸಹಾಯಕ ಅಧೀಕ್ಷಕರು ಸಮವಸ್ತ್ರ ಧರಿಸಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಆಯಾ ಇಲಾಖೆಗಳು ಮೇಲಿನ ಸಿಬ್ಬಂದಿ ವೇತನ ಹೆಚ್ಚಿಸಲಾಗಿದೆ. ಆದರೆ, ಸಮವಸ್ತ್ರ ಹೊಂದಿರುವ ಬೇರೆ ಇಲಾಖೆಗಳಂತೆ ಅಬಕಾರಿ ಇಲಾಖೆಯಲ್ಲಿ ಶೇ.65 ಹುದ್ದೆಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಿಬ್ಬಂದಿಗೆ ವೇತನ ಹೆಚ್ಚಿಸುವಂತೆ ಅಬಕಾರಿ ಪೇದೆಯವರು ಅಳಲು ತೋಡಿಕೊಂಡಿದ್ದಾರೆ.
