ವಿಶ್ವಕಪ್​ ಗೆದ್ದ ಭಾರತ, ನಿವೃತ್ತಿ ಘೋಷಿಸಿದ ಕೊಹ್ಲಿ-ರೋಹಿತ್​ಗೆ ಅಭಿನಂದನೆ; ಟ್ರೋಲ್​ ಆಗುತ್ತಿದೆ ಪಾಕ್​ ಮಾಜಿ ನಾಯಕಿಯ ಟ್ವೀಟ್​

ನವದೆಹಲಿ: ಪ್ರವಾಸಿ ಬಾಂಗ್ಲಾದೇಶ ವಿರುದ್ಧದ ಸರಣಿ ಸೋಲಿನಿಂದ ತೀವ್ರ ಟೀಕೆಗೆ ಗುರಿಯಾಗಿರುವ ಪಾಕಿಸ್ತಾನ ಕ್ರಿಕೆಟ್​ ತಂಡವು ಜಾಗತಿಕ ಮಟ್ಟದಲ್ಲಿ ಒಂದಿಲ್ಲೊಂದು ಕಾರಣಕ್ಕೆ ಟ್ರೋಲ್​ ಆಗುತ್ತಿರುತ್ತದೆ. ಇಲ್ಲಿನ ಮಾಜಿ ಹಾಗೂ ಹಾಲಿ ಆಟಗಾರರು ತಾವು ಟ್ರೋಲ್​ ಆಗಿದ್ದಲ್ಲದೆ ತಮ್ಮ ದೇಶವನ್ನು ತೀವ್ರ ಅಪಹಾಸ್ಯಕ್ಕೀಡು ಮಾಡುತ್ತಿದ್ದು, ಜಾಗತಿಕ ಮಟ್ಟದಲ್ಲಿ ಪಾಕ್​ ಒಂದಿಲ್ಲೊಂದು ಕಾರಣಕ್ಕೆ ಟೀಕೆಗೆ ಗುರಿಯಾಗುತ್ತಿರುತ್ತದೆ. ಇದೀಗ ಅದೇ ರೀತಿಯ ಘಟನೆಯೊಂದು ನಡೆದಿದ್ದು, ಭಾರತೀಯರು ಪಾಕ್​ಅನ್ನು ಸಖತ್​ ಟ್ರೋಲ್​ ಮಾಡಿದ್ದಾರೆ.

ಯುಎಸ್​ಎ-ವೆಸ್ಟ್​ ಇಂಡೀಸ್​ ಆತಿಥ್ಯದಲ್ಲಿ ನಡೆದ ಟಿ20 ವಿಶ್ವಕಪ್​ನಲ್ಲಿ ಭಾರತ ಚಾಂಪಿಯನ್​ ಆಗಿದ್ದು, ಇದು ಹಳೆಯ ವಿಚಾರ. ಆದರೆ, ಪಾಕಿಸ್ತಾನ ಮಹಿಳಾ ಕ್ರಿಕೆಟ್​ ತಂಡದ ಮಾಜಿ ನಾಯಕಿ ನಿದಾ ದಾರ್ ಅವರಿಗೆ ಇದು ಹೊಸ ವಿಷಯವಾಗಿದ್ದು, ಎರಡನೇ ಬಾರಿ ಕಪ್​ ಗೆದ್ದ ಟೀಮ್​ ಇಂಡಿಯಾಗೆ ಶುಭಾಶಯ ಕೋರಿರುವ ನಿದಾ ದಾರ್​ ವಿರಾಟ್​ ಹಾಗೂ ರೋಹಿತ್​ಗೂ ಅಭಿನಂದನೆಗಳನ್ನು ತಿಳಿಸಿದ್ದಾರೆ.

ಈ ಟ್ವೀಟ್​ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್​ ಆಗಿದ್ದು, ನೆಟ್ಟಿಗರು ನಿದಾ ದಾರ್​ ಅವರನ್ನು ತೀವ್ರವಾಗಿ ಟ್ರೋಲ್​ ಮಾಡಿದ್ದಾರೆ. ನಮ್ಮ ಪ್ರಕಾರ ಪಾಕಿಸ್ತಾನದಲ್ಲಿ ಇಂಟರ್​ನೆಟ್​ ಸ್ಲೋ ಇರಬೇಕು ಅದಕ್ಕಾಗಿ ಇಷ್ಟು ದಿನ ತೆಗೆದುಕೊಂಡಿದೆ. ನಿದಾ ಅವರು ಮಾರ್ಸ್​​ಗೆ ಹೋಗಿದ್ದರು ಅನಿಸುತ್ತದೆ. ಭೂಮಿಗೆ ಬಂದ ಬಳಿಕ ವಿಚಾರ ತಿಳಿದು ಪೋಸ್ಟ್​ ಮಾಡಿದ್ದಾರೆ ಎಂದು ನೆಟ್ಟಿಗರು ಕಮೆಂಟ್​ ಮಾಡಿ ಟೀಕಿಸಿದ್ದಾರೆ.

https://www.vijayavani.net/bengaluru-auto-driver-slaps-woman-passenger-abuses-her-for-cancelling-ride-shocking-video-surfaces

https://www.vijayavani.net/2-killed-and-17-injured-in-ksrtc-and-school-bus-collision

https://www.vijayavani.net/bjp-pslams-congress-over-upsc-and-psi-exams-date