ಕಳೆದ ಮೂರ್ನಾಲ್ಕು ದಿನಗಳಿಂದ ನಗರದಲ್ಲಿ ಪರಿಸ್ಥಿತಿ ಹದಗೆಟ್ಟಿದ್ದು, ಬೆಡ್-ಐಸಿಯು ವ್ಯವಸ್ಥೆ ಮಾಡುವುದೇ ಕಷ್ಟವಾಗಿದೆ. ಹಲವಾರು ಸಲ ಕರೆ ಮಾಡಿದರೂ ಹಾಸಿಗೆ ಸಿಗುತ್ತಿಲ್ಲ. ಕೆಲವೆಡೆ ಬೆಡ್ ಸಿಕ್ಕರೂ ಐಸಿಯು ಸಿಗುತ್ತಿಲ್ಲ. ಕೆಲವರು ಅಮ್ಮ ಸಾಯ್ತಿದಾರೆ, ಮಗ ಸಾಯ್ತಿದಾನೆ, ಒಂದೇ ಒಂದು ಬೆಡ್ ಕೊಡ್ಸಿ ಎಂದು ಬೇಡಿಕೊಂಡರೂ ಅದನ್ನು ಅರೇಂಜ್ ಮಾಡಲು ಆಗುತ್ತಿಲ್ಲ ಎಂದು ಪರಿಸ್ಥಿತಿಯ ಭೀಕರತೆಯನ್ನು ಅವರು ವಿವರಿಸಿದ್ದಾರೆ. ಎಲ್ಲರೂ ದಯವಿಟ್ಟು ನಿಮ್ಮ ನಿಮ್ಮ ಜಾಗ್ರತೆ ವಹಿಸಿ, ಮನೆಯಲ್ಲೇ ಇರಿ. ಹೊರಗೆ ಬರಲೇ ಬೇಕೆನಿಸಿದರೆ ನೂರು ಸಲ ಯೋಚಿಸಿ ಎಂದು ಅವರು ಕಿವಿಮಾತು ಹೇಳಿದ್ದಾರೆ. ಮಾತ್ರವಲ್ಲ, ಸರ್ಕಾರ ಪರಿಸ್ಥಿತಿಯನ್ನು ಮತ್ತಷ್ಟು ಗಂಭೀರವಾಗಿ ಪರಿಗಣಿಸಿ, ಸೂಕ್ತ ವ್ಯವಸ್ಥೆ ಮಾಡಬೇಕು ಎಂದೂ ಅವರು ಬೇಡಿಕೊಂಡಿದ್ದಾರೆ.
