ಅಪಾರ ಸಂಪತ್ತಿದ್ದರೂ ಇವರು ಶ್ರೀಮಂತ ನಟ ಅಲ್ಲ, ಅವರಾರೆಂದು ತಿಳಿದರೆ ಆಶ್ಚರ್ಯಪಡುತ್ತೀರಿ..!

ಬೆಂಗಳೂರು: ಬಾಲಿವುಡ್‌ನ ದೊಡ್ಡ ದೊಡ್ಡ ಚಲನಚಿತ್ರ ನಿರ್ಮಾಪಕರಾದ ಕರಣ್ ಜೋಹರ್ ಮತ್ತು ಏಕ್ತಾ ಕಪೂರ್‌ಗಿಂತಲೂ ನಟನೊಬ್ಬನ ಬಳಿ ಅಪಾರ ಸಂಪತ್ತಿದೆ. ಅವರು ಸೌತ್ ಇಂಡಸ್ಟ್ರಿಗೆ ಸೇರಿದವರಾಗಿದ್ದು, ಪ್ರತಿ ವರ್ಷ ಎಸ್‌ಎಸ್ ರಾಜಮೌಳಿಗಿಂತ ಅವರು ಹೆಚ್ಚು ಹಣವನ್ನು ಗಳಿಸುತ್ತಾರೆ. ಅಷ್ಟೇ ಏಕೆ ಶಾರುಖ್ ಖಾನ್‌ಗಿಂತ ಹೆಚ್ಚು ಕ್ರೀಡಾ ತಂಡಗಳನ್ನು ಹೊಂದಿದ್ದಾರೆ.

ಅವರು ಖಾಸಗಿ ಜೆಟ್, ಸ್ಟುಡಿಯೋ ಮತ್ತು ಇತರ ಅನೇಕ ಅಮೂಲ್ಯ ವಸ್ತುಗಳನ್ನು ಹೊಂದಿದ್ದಾರೆ. ಇಷ್ಟು ಸಂಪತ್ತು ಇದ್ದರೂ ಅವರು ಭಾರತದ ಅತ್ಯಂತ ಶ್ರೀಮಂತ ನಟ ಅಲ್ಲ. ಇದನ್ನು ಕೇಳಿ ನೀವೂ ಶಾಕ್ ಆಗಿರಬೇಕು. ಅಪಾರ ಸಂಪತ್ತು ಇದ್ದರೂ ದೇಶದ ಶ್ರೀಮಂತ ನಟನಾಗಲು ಸಾಧ್ಯವಾಗದ ಆ ಸ್ಟಾರ್ ಯಾರು ಎಂದು ತಿಳಿಯೋಣ ಬನ್ನಿ…

ತೆಲುಗು ಸೂಪರ್ ಸ್ಟಾರ್ ನಾಗಾರ್ಜುನ ಅಕ್ಕಿನೇನಿ ನಾಲ್ಕು ದಶಕಗಳಿಂದ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಅವರು ತಮ್ಮ ವೃತ್ತಿ ಜೀವನದಲ್ಲಿ ಅನೇಕ ಸೂಪರ್-ಡ್ಯೂಪರ್ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಈ ಅವಧಿಯಲ್ಲಿ ಅಪಾರ ಸಂಪತ್ತು ಗಳಿಸಿದ್ದರೂ ದೇಶದ ಶ್ರೀಮಂತ ನಟನಾಗಲು ಸಾಧ್ಯವಾಗಿಲ್ಲ. ವರದಿಗಳ ಪ್ರಕಾರ, ತೆಲುಗು ಚಿತ್ರರಂಗದ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ನಟರಲ್ಲಿ ಒಬ್ಬರಾದ ನಾಗಾರ್ಜುನ ಅವರ ನಿವ್ವಳ ಮೌಲ್ಯವು $364 ಮಿಲಿಯನ್‌ಗಿಂತಲೂ ಹೆಚ್ಚು (ಅಂದಾಜು ರೂ. 3100 ಕೋಟಿ).

ಎಲ್ಲಿಂದ ಸಂಪಾದಿಸುತ್ತಾರೆ? 
64 ವರ್ಷದ ನಾಗಾರ್ಜುನ ಕೇವಲ ನಟನೆಯಿಂದಲೇ ಇಷ್ಟೊಂದು ಸಂಪತ್ತು ಗಳಿಸಿಲ್ಲ. ನಾಗಾರ್ಜುನ ಅವರ ಗಳಿಕೆಯ ಹೆಚ್ಚಿನ ಭಾಗವು ಚಲನಚಿತ್ರ ನಿರ್ಮಾಣ ಸೇರಿದಂತೆ ಅವರ ಆಫ್-ಸ್ಕ್ರೀನ್ ಕೆಲಸದಿಂದ ಬಂದಿದೆ. ಅವರ ನಟನೆಯ ಸಂಭಾವನೆ ಮತ್ತು ಬಿಗ್ ಬಾಸ್ ತೆಲುಗು ಹೋಸ್ಟ್ ಮಾಡುವ ಗಳಿಕೆಯ ಹೊರತಾಗಿ, ನಾಗಾರ್ಜುನ ಅವರು ಸ್ಟುಡಿಯೋ ಮಾಲೀಕ ಮತ್ತು ಚಲನಚಿತ್ರ ನಿರ್ಮಾಪಕ. ಇದಲ್ಲದೆ, ಅವರು ರಿಯಲ್ ಎಸ್ಟೇಟ್ ಮತ್ತು ನಿರ್ಮಾಣ ಸಂಸ್ಥೆಯಾದ N3 ರಿಯಾಲ್ಟಿ ಎಂಟರ್‌ಪ್ರೈಸಸ್‌ನ ಮುಖ್ಯಸ್ಥರಾಗಿದ್ದಾರೆ. ವರದಿಗಳ ಪ್ರಕಾರ ನಾಗಾರ್ಜುನ ಒಡೆತನದ ಎಲ್ಲಾ ಸ್ಥಿರಾಸ್ತಿಗಳ ಮೌಲ್ಯ ಸುಮಾರು 800 ಕೋಟಿ ರೂ.

ಹಲವು ಕ್ರೀಡಾ ತಂಡಗಳ ಒಡೆಯ 
ನಾಗಾರ್ಜುನ ಅವರು ಕ್ರೀಡಾ ಅಭಿಮಾನಿಯೂ ಹೌದು. ಅವರು ಅನೇಕ ಕ್ರೀಡಾ ತಂಡಗಳ ಮಾಲೀಕರೂ ಆಗಿದ್ದಾರೆ. ಇದರಲ್ಲಿ ಇಂಡಿಯನ್ ಬ್ಯಾಡ್ಮಿಂಟನ್ ಲೀಗ್‌ನ ಮುಂಬೈ ಮಾಸ್ಟರ್ಸ್, ಎಫ್‌ಐಎಂ ಸೂಪರ್‌ಸ್ಪೋರ್ಟ್ ವರ್ಲ್ಡ್ ಚಾಂಪಿಯನ್‌ಶಿಪ್‌ನಲ್ಲಿ ಮಹಿ ರೇಸಿಂಗ್ ಟೀಮ್ ಇಂಡಿಯಾ ಮತ್ತು ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಕೇರಳ ಬ್ಲಾಸ್ಟರ್ಸ್ ಎಫ್‌ಸಿ ಸೇರಿವೆ. ನಟ ಅನೇಕ ಬ್ರಾಂಡ್ ಜಾಹೀರಾತುಗಳನ್ನು ಸಹ ಹೊಂದಿದ್ದಾರೆ.

ಹಾಗಾದ್ರೆ ದೇಶದ ಅತ್ಯಂತ ಶ್ರೀಮಂತ ನಟ ಯಾರು?
ಒಟ್ಟು 3100 ಕೋಟಿ ರೂ.ಗಳಿದ್ದರೂ, ನಾಗಾರ್ಜುನ ಭಾರತದ ಶ್ರೀಮಂತ ನಟ ಅಲ್ಲ. ಬಾಲಿವುಡ್ ನಟ ಶಾರುಖ್ ಖಾನ್ ದೇಶದ ಅತ್ಯಂತ ಶ್ರೀಮಂತ ನಟ ಎಂಬ ಕಿರೀಟವನ್ನು ಧರಿಸಿದ್ದಾರೆ. ಕಿಂಗ್ ಖಾನ್ ಒಟ್ಟು ನಿವ್ವಳ ಮೌಲ್ಯವು ಸುಮಾರು 6000 ಕೋಟಿ ರೂ.ಗಳು, ಹಾಗಾಗಿ ವಿಶ್ವದ ಶ್ರೀಮಂತ ನಟರ ಪಟ್ಟಿಯಲ್ಲಿಯೂ ಇವರೂ ಇದ್ದಾರೆ. ನಾಗಾರ್ಜುನ ಅವರಿಗಿಂತ ಇನ್ನೋರ್ವ ಶ್ರೀಮಂತ ಭಾರತೀಯ ನಟರಿದ್ದಾರೆ. ಅವರೇ ಹೃತಿಕ್ ರೋಷನ್, ಅವರ ಒಟ್ಟು ನಿವ್ವಳ ಮೌಲ್ಯ ಸುಮಾರು 3200 ಕೋಟಿ ರೂ. ಎಂದು ಹೇಳಲಾಗುತ್ತದೆ.

‘ಈಕೆ ದರಿದ್ರ…’ ಹೀಗೆ ಹೇಳುತ್ತಾ 12 ಚಿತ್ರಗಳಿಂದ ಕಿಕ್ ಔಟ್ ಆಗಿದ್ದ ಈ ಸುರಸುಂದರಿ ಈಗ ಸ್ಟಾರ್ ನಟಿ