ಪೊಲೀಸ್ ನಾಯಿಯನ್ನೇ ಕಚ್ಚಿದ ಮದ್ಯ ವ್ಯಸನಿ ಅರೆಸ್ಟ್​​!

ಅಮೆರಿಕಾ: ವ್ಯಕ್ತಿಯೊಬ್ಬ ಪೊಲೀಸ್​ ನಾಯಿಯನ್ನು ಕಚ್ಚಿದ್ದಲ್ಲದೆ ಪೊಲೀಸರಿಬ್ಬರ ಮೇಲೆ ದಾಳಿ ಮಾಡಿ ಈಗ ಜೈಲಿನಲ್ಲಿದ್ದಾನೆ. ಈ ಘಟನೆ ಅಮೆರಿಕಾದ ಡೆಲಾವೆರ್​ನಲ್ಲಿ ನಡೆದಿದೆ.

47 ವರ್ಷದ ಈ ಅಪರಾಧಿ ಜಮಲ್ ವಿಂಗ್​ ವಿಲ್ಮಿಂಗ್ಟನ್​ನ ನಿವಾಸಿ. ಮಧ್ಯಪಾನ ಮಾಡಿ ವೇಗವಾಗಿ ಗಾಡಿ ಚಲಾಯಿಸಿದ್ದು, ಮಾತ್ರವಲ್ಲದೇ ಪೊಲೀಸರ ಮೇಲೆ ದಾಳಿ ಮಾಡಿ ಸಿಕ್ಕಿ ಬಿದ್ದಿದ್ದಾನೆ.

ಇದನ್ನೂ ಓದಿ:  ನಾವು ಮಳೆ ನೀರನ್ನು ಕುಡಿಯಬಹುದೇ? ಎನ್ನುವ ಪ್ರಶ್ನೆಗೆ ಇಲ್ಲಿದೆ ಉತ್ತರ…

ಪೊಲೀಸ್ ಇಲಾಖೆಯ ಪ್ರಕಾರ, ಜು.8ರಂದು ರಾತ್ರಿ 1.41 ನಿಮಿಷಕ್ಕೆ ಇವನು ವಾಹನವನ್ನು ವೇಗದಲ್ಲಿ ಚಲಾಯಿಸಿಕೊಂಡು ಬಂದಿದ್ದಾನೆ. ಗಸ್ತು ತಿರುಗುತ್ತಿದ್ದ ಪೊಲೀಸರು ಈ ವಾಹವನ್ನು ತಡೆದರು. ಆ ಸಂದರ್ಭದಲ್ಲಿ ಅಲ್ಲಿಂದ ತಪ್ಪಿಸಿಕೊಳ್ಳಲು ಮಾಕೋ ಎಂಬ ಪೊಲೀಸ್​ ನಾಯಿಯನ್ನು ಹಲವಾರು ಇವನು ಬಾರಿ ಕಚ್ಚಿದ. ಪೊಲೀಸರು ಅವನನ್ನು ಬಂಧಿಸಿದರು.

ಪ್ರಾಣಿ, ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಕ್ಕೆ ಮತ್ತು ಇನ್ನಿತರೇ ಅಪರಾಧಗಳಡಿ ಇವನನ್ನು ಬಂಧಿಸಿ ಕೋರ್ಟ್​ಗೆ ಹಾಜರುಪಡಿಸಲಾಯಿತು. ಈ ವಿಷಯವನ್ನು ಡೆಲಾವೇರ್ ಸ್ಟೇಟ್​ ಪೊಲೀಸರು ತಮ್ಮ ಫೇಸ್​ಬುಕ್​ ಪುಟದಲ್ಲಿ ಈ ವಿಷಯವನ್ನು ಹಂಚಿಕೊಂಡಿದ್ದಾರೆ.

ಪೊಲೀಸ್​​ ಅಧಿಕಾರಿಯೊಬ್ಬರು ಮಾತನಾಡಿ, ಅವನು ಮದ್ಯಪಾನ ಮಾಡಿದ್ದನು. ಗಾಯಗಳಿಗೆ ಚಿಕಿತ್ಸೆ ನೀಡಲು ಇವನನ್ನು ತುರ್ತು ಚಿಕಿತ್ಸಾ ವಿಭಾಗಕ್ಕೆ ಕರೆದೊಯ್ಯಲಾಯಿತು. ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಾನೆ. ಒಬ್ಬ ಅಧಿಕಾರಿ ಮತ್ತು ಇಬ್ಬರು ಪೊಲೀಸರು ಗಾಯಗೊಂಡಿದ್ದು ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸೇರಿಸಲಾಗಿದೆ.

https://www.vijayavani.net/cm-siddaramaiah-to-start-its-3rd-guarantee-scheme-annabhagya