ಬೆಂಗಳೂರು: ಇಂದು ವರನಟ ಡಾ.ರಾಜಕುಮಾರ್ ಅವರ 94ನೇ ಜನ್ಮದಿನ. ಅವರ ಜನ್ಮದಿನಕ್ಕೆ ಚಿತ್ರರಂಗ ಸೇರಿದಂತೆ ವಿವಿಧ ಕ್ಷೇತ್ರಗಳ ಗಣ್ಯರು ಮಾತ್ರವಲ್ಲದೆ ಅಸಂಖ್ಯಾತ ಅಭಿಮಾನಿಗಳು ಶುಭಾಶಯಗಳನ್ನು ಕೋರಿದ್ದಾರೆ.
ಡಾ.ರಾಜಕುಮಾರ್ ಅವರು ಅಗಲಿ 16 ವರ್ಷಗಳು ಕಳೆದರೂ ಅಭಿಮಾನದ ತೀವ್ರತೆ ಒಂಚೂರು ಕಡಿಮೆ ಆಗಿಲ್ಲ ಎಂಬುದಕ್ಕೆ ಇಂದಿನ ಶುಭಾಶಯಗಳ ಪ್ರಮಾಣವೇ ಸಾಕ್ಷಿ. ಏಕೆಂದರೆ ಇಂದು ಅವರಿಗೆ ಜನ್ಮದಿನದ ಶುಭಾಶಯ ಕೋರಿ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಪ್ರಮಾಣದ ಮೆಸೇಜ್ಗಳು ಪೋಸ್ಟ್ ಆಗಿದ್ದು, ಟ್ರೆಂಡಿಂಗ್ ಕೂಡ ಆಗಿದೆ.
ಡಾ.ರಾಜಕುಮಾರ್ ಅವರಿಗೆ ಟ್ವಿಟರ್, ಫೇಸ್ಬುಕ್, ಇನ್ಸ್ಟಾಗ್ರಾಂ ಸೇರಿ ಹಲವಾರು ಸೋಷಿಯಲ್ ಮೀಡಿಯಾಗಳಲ್ಲಿ ಶುಭಾಶಯಗಳನ್ನು ಕೋರಲಾಗಿದೆ. ಅದರಲ್ಲೂ ಟ್ವಿಟರ್ನಲ್ಲಿ ಬಹಳಷ್ಟು ಮಂದಿ ಶುಭಾಶಯದೊಂದಿಗೆ #DrRajkumar ಎಂಬ ಹ್ಯಾಷ್ಟ್ಯಾಗ್ ಸೇರಿಸಿ ಪೋಸ್ಟ್ ಮಾಡಿದ್ದು, ಅದು ಇಂಡಿಯಾ ಟ್ರೆಂಡಿಂಗ್ ಆಗಿದೆ.
