ದೋವಲ್​, ವಾಂಗ್​ ಯಿ ಮಾತುಕತೆ: ಗಡಿಯಲ್ಲಿ ಶಾಂತಿ ಮತ್ತು ನೆಮ್ಮದಿ ನೆಲೆಸಿದೆ ಎಂದ ಅಜಿತ್​ ದೋವಲ್| Ajit Doval

Ajit Doval: 2024ರ ಕಳೆದ ಅಕ್ಟೋಬರ್‌ನಲ್ಲಿ ಮಿಲಿಟರಿ ಬಿಕ್ಕಟ್ಟು ಕೊನೆಗೊಂಡ ನಂತರ ಭಾರತ ಮತ್ತು ಚೀನಾ ತಮ್ಮ ಗಡಿಯಲ್ಲಿ ಶಾಂತಿ ನೆಲಸಿದೆ ಎಂದು ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ದೋವಲ್, ಚೀನಾದ ವಿದೇಶಾಂಗ ಸಚಿವ ವಾಂಗ್ ಯಿ ನಡೆದ ಗಡಿ ವಿಷಯದ ಕುರಿತು ಮಾತುಕತೆ ನಡೆಸುವಾಗ ಸಂದರ್ಭದಲ್ಲಿ ತಿಳಿಸಿದರು.

ಭಾರತ ಮತ್ತು ಚೀನಾ ಗಡಿಯ ಬಗ್ಗೆ ಮಾತನಾಡಿದ ದೋವಲ್​, ಕಳೆದ ಒಂಬತ್ತು ತಿಂಗಳುಗಳಲ್ಲಿ ಚೀನಾ ಜತೆಗಿನ ಸಂಬಂಧಗಳಲ್ಲಿ ಉತ್ತಮ ಸ್ಥಿತಿ ಕಂಡುಬಂದಿದೆ ಎಂದು ದೋವಲ್ ಹೇಳಿದರು. ಅಲ್ಲದೆ, ಭಾರತ ಮತ್ತು ಚೀನಾ ಗಡಿ ಶಾಂತಿ ಮತ್ತು ನೆಮ್ಮದಿಯಿಂದ ಕುಡಿದೆ ಎಂದಿದ್ದಾರೆ.

ಮುಂದುವರೆದು ಮಾತನಾಡಿದ ದೋವಲ್​, ಆಗಸ್ಟ್ 31 ಮತ್ತು ಸೆಪ್ಟೆಂಬರ್ 1 ರಂದು ಟಿಯಾಂಜಿನ್‌ನಲ್ಲಿ ನಡೆಯಲಿರುವ SCO ಶೃಂಗಸಭೆಗಾಗಿ ಮೋದಿ ಚೀನಾಕ್ಕೆ ಭೇಟಿ ನೀಡಲಿದ್ದಾರೆ ಎಂದು ದೋವಲ್ ಘೋಷಿಸಿದರು. ಅಲ್ಲದೆ, ವಿಶೇಷ ಪ್ರತಿನಿಧಿಗಳ ಮಾತುಕತೆಗಳು ಬಹಳ ವಿಶೇಷ ಪ್ರಾಮುಖ್ಯತೆಯನ್ನು ಪಡೆದುಕೊಳ್ಳುತ್ತವೆ ಎಂದು ಹೇಳಿದರು. ಕಳೆದ ಅಕ್ಟೋಬರ್‌ನಲ್ಲಿ ರಷ್ಯಾದ ಕಜನ್ ನಗರದಲ್ಲಿ ನಡೆದ ಸಭೆಯಲ್ಲಿ ದ್ವಿಪಕ್ಷೀಯ ಸಂಬಂಧಗಳಲ್ಲಿ ಹೊಸ ಪ್ರವೃತ್ತಿಯನ್ನು ಸ್ಥಾಪಿಸಿದ್ದಕ್ಕಾಗಿ ಮೋದಿ ಮತ್ತು ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರನ್ನು ಅವರು ಶ್ಲಾಘಿಸಿದ್ದಾರು. ಉಭಯ ದೇಶಗಳು ಅಂದಿನಿಂದ ಬಹಳಷ್ಟು ಲಾಭ ಆಗಿದೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಏಷ್ಯಾ ಕಪ್​ 2025ರ ಟೂರ್ನಿಗೆ ಟೀಮ್ ಇಂಡಿಯಾ ಪ್ರಕಟ! ಸೂರ್ಯಕುಮಾರ್​ ಯಾದವ್​, ಗಿಲ್​…. | Team India Squad

ನಾವು ಕೆಲಸ ಮಾಡುತ್ತಿದ್ದ ವಿವಿಧ ಕ್ಷೇತ್ರಗಳಲ್ಲಿ ಮುಂದುವರಿಯಲು ಹೊಸ ವಾತಾವರಣವು ನಮಗೆ ಸಹಾಯ ಮಾಡಿದೆ ಎಂದು ದೋವಲ್​ ಸ್ಪಷ್ಟಪಡಿಸಿದ್ದಾರೆ.

2020ರ ಏಪ್ರಿಲ್-ಮೇ ತಿಂಗಳಲ್ಲಿ LAC ಲಡಾಖ್ ಸೆಕ್ಟರ್‌ನಲ್ಲಿ ಪ್ರಾರಂಭವಾದ ಸಂಘರ್ಷ ಕೊನೆಗೊಳಿಸುವ ಕುರಿತು ಭಾರತ ಮತ್ತು ಚೀನಾ ಅಕ್ಟೋಬರ್ 21, 2024 ರಂದು ಒಪ್ಪಂದಕ್ಕೆ ಬಂದ ಎರಡು ದಿನಗಳ ನಂತರ ಕಜಾನ್‌ನಲ್ಲಿ ನಡೆದ ಬಹುಪಕ್ಷೀಯ ಕಾರ್ಯಕ್ರಮದ ಅಂಚಿನಲ್ಲಿ ಮೋದಿ ಮತ್ತು ಕ್ಸಿ ಭೇಟಿಯಾದರು . LAC ಯಲ್ಲಿ ಎರಡೂ ಕಡೆಯವರು ತಲಾ 50,000 ಸೈನಿಕರನ್ನು ಒಟ್ಟುಗೂಡಿಸಿದ ಬಿಕ್ಕಟ್ಟು ಮತ್ತು ಜೂನ್ 2020 ರಲ್ಲಿ ಗಾಲ್ವಾನ್ ಕಣಿವೆಯಲ್ಲಿ ನಡೆದ ಘರ್ಷಣೆಯು ನಡೆದಿತ್ತು.

ಮೋದಿ ಬಗ್ಗೆ ವಾಂಗ್​ ಹೇಳಿದ್ದೇನು..?

LAC ಯಲ್ಲಿನ ಮುಖಾಮುಖಿ ಅಂತ್ಯದ ನಂತರ ಭಾರತಕ್ಕೆ ಭೇಟಿ ನೀಡಿದ ಮೊದಲ ಚೀನಾದ ಸಚಿವರಾದ ವಾಂಗ್, ಕಳೆದ ಕೆಲವು ವರ್ಷಗಳಲ್ಲಿ ಭಾರತ ಮತ್ತು ಚೀನಾ ಅನುಭವಿಸಿದ ಹಿನ್ನಡೆಗಳು ಎರಡೂ ದೇಶಗಳ ಜನರ ಹಿತಾಸಕ್ತಿಗಳಲ್ಲಿಲ್ಲ ಎಂದು ಹೇಳಿದರು. ಕಳೆದ ವರ್ಷ ಮೋದಿ ಮತ್ತು ಕ್ಸಿ ನಡುವಿನ ಸಭೆಯು "ನಮ್ಮ ದ್ವಿಪಕ್ಷೀಯ ಸಂಬಂಧಗಳ ಅಭಿವೃದ್ಧಿಗೆ ದಿಕ್ಕನ್ನು ತೋರಿಸಿತು ಮತ್ತು ಗಡಿ ಪ್ರಶ್ನೆಯ ಸರಿಯಾದ ಇತ್ಯರ್ಥಕ್ಕೆ ಪ್ರಚೋದನೆಯನ್ನು ನೀಡಿತು" ಎಂದು ವಾಂಗ್​ ಹೇಳಿದರು.

ಗಡಿಗಳಲ್ಲಿ ಈಗ ಪುನಃಸ್ಥಾಪಿಸಲಾದ ಸ್ಥಿರತೆಯನ್ನು ನೋಡಿ ನಾವು ಹರ್ಷಿತರಾಗಿದ್ದೇವೆ ಎಂದು ವಾಂಗ್ ಹೇಳಿದರು. ಈಗ ದ್ವಿಪಕ್ಷೀಯ ಸಂಬಂಧವು ಸುಧಾರಣೆ ಮತ್ತು ಬೆಳವಣಿಗೆಯ ಪ್ರಮುಖ ಅವಕಾಶವನ್ನು ಎದುರಿಸುತ್ತಿದೆ. ನಮ್ಮ ಆಹ್ವಾನದ ಮೇರೆಗೆ ಪ್ರಧಾನಮಂತ್ರಿಯವರು SCO ಶೃಂಗಸಭೆಯಲ್ಲಿ ಭಾಗವಹಿಸಲು ಚೀನಾಕ್ಕೆ ಭೇಟಿ ನೀಡುವುದಕ್ಕೆ ಚೀನಾದ ಕಡೆಯವರು ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುತ್ತಾರೆ.(ಏಜೆನ್ಸೀಸ್​)

https://www.vijayavani.net/vice-presidential-election-former-supreme-court-judge-b-sudarshan-reddy-selected-as-opposition-candidate