ಮತ್ತೆಂದೂ ಆ ರೀತಿ ಹೇಳ್ಬೇಡಿ... ಪಾಕಿಸ್ತಾನದ ಮುಖಕ್ಕೆ ಹೊಡೆದಂತೆ ಖಡಕ್​ ಹೇಳಿಕೆ ನೀಡಿದ ಎಸ್​ಕೆವೈ! Suryakumar Yadav

Suryakumar Yadav : ಟೀಮ್ ಇಂಡಿಯಾ ಮತ್ತೊಮ್ಮೆ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ಮೇಲೆ ತನ್ನ ಪ್ರಾಬಲ್ಯವನ್ನು ಪ್ರದರ್ಶಿಸಿದೆ. ಏಷ್ಯಾ ಕಪ್-2025 ರ ಲೀಗ್ ಹಂತದಲ್ಲಿ ಪಾಕಿಸ್ತಾನವನ್ನು ಏಳು ವಿಕೆಟ್‌ಗಳಿಂದ ಸೋಲಿಸಿದ ಸೂರ್ಯಕುಮಾರ್ ಯಾದವ್​ ನೇತೃತ್ವದ ಟೀಮ್​ ಇಂಡಿಯಾ, ಸೂಪರ್-4 ಭಾಗವಾಗಿ ಮತ್ತೊಮ್ಮೆ ಅದೇ ಫಲಿತಾಂಶವನ್ನು ಪುನರಾವರ್ತಿಸಿದೆ. ಅಂದರೆ, ಭರ್ಜರಿ ಜಯ ದಾಖಲಿಸಿದೆ.

ಭಾನುವಾರ (ಸೆ.21) ದುಬೈನಲ್ಲಿ ನಡೆದ ಪಂದ್ಯದಲ್ಲಿ ಭಾರತ ತಂಡ ಪಾಕಿಸ್ತಾನವನ್ನು ಆರು ವಿಕೆಟ್‌ಗಳಿಂದ ಸೋಲಿಸಿತು. ಇದು T20 ಸ್ವರೂಪದಲ್ಲಿ ಪಾಕಿಸ್ತಾನ ವಿರುದ್ಧ ಟೀಮ್ ಇಂಡಿಯಾದ ಹನ್ನೆರಡನೇ ಗೆಲುವು. ಇಲ್ಲಿಯವರೆಗೆ ಉಭಯ ದೇಶಗಳು ಹದಿನೈದು ಬಾರಿ ಮುಖಾಮುಖಿಯಾಗಿದ್ದು, ಭಾರತ ತನ್ನ ಪ್ರಾಬಲ್ಯವನ್ನು ಮುಂದುವರಿಸಿದೆ.

ಪಾಕ್​ ವಿರುದ್ಧದ ಗೆಲುವಿನ ಬೆನ್ನಲ್ಲೇ ಟೀಮ್ ಇಂಡಿಯಾ ನಾಯಕ ಸೂರ್ಯಕುಮಾರ್ ಯಾದವ್ ಮಾಡಿದ ಕಾಮೆಂಟ್‌ಗಳು ವೈರಲ್ ಆಗುತ್ತಿವೆ. ಸುದ್ದಿಗೋಷ್ಠಿಯ ಭಾಗವಾಗಿ, ವರದಿಗಾರರೊಬ್ಬರು ಇದು ದೀರ್ಘಕಾಲದ ಸಾಂಪ್ರದಾಯಿಕ ಎದುರಾಳಿಗಳ ನಡುವಿನ ಹೋರಾಟ ಎಂದು ಉಲ್ಲೇಖಿಸಿದರು. ಈ ವೇಳೆ ಮಧ್ಯಪ್ರವೇಶಿಸಿದ ಸೂರ್ಯಕುಮಾರ್​, ಸರ್.. ಇಂದಿನಿಂದ, ನಾವು ಭಾರತ-ಪಾಕಿಸ್ತಾನ ಪಂದ್ಯವನ್ನು ಪ್ರತಿಸ್ಪರ್ಧಿಗಳ ನಡುವಿನ ಹೋರಾಟ ಎಂದು ಕರೆಯುವುದನ್ನು ನಿಲ್ಲಿಸಬೇಕು ಎಂದರು.

ಪೈಪೋಟಿ ಎಂದರೇನು? ಎರಡು ತಂಡಗಳು 15 ಪಂದ್ಯಗಳಲ್ಲಿ ಪರಸ್ಪರ ಮುಖಾಮುಖಿಯಾಗಿ ಒಂದು ತಂಡ 8 ಮತ್ತು ಇನ್ನೊಂದು ತಂಡ 7 ಪಂದ್ಯಗಳನ್ನು ಗೆದ್ದಿದ್ದರೆ, ಅದನ್ನು ಪೈಪೋಟಿ ಎಂದು ವಿವರಿಸಬಹುದು. ಆದರೆ 13-1, 12-3 ಆಗಿದ್ದರೂ ನಾವು ಇದನ್ನು ಹೇಗೆ ಹೇಳಬಹುದು? ಇಲ್ಲಿ ಎರಡೂ ತಂಡಗಳ ನಡುವೆ ಯಾವುದೇ ಸ್ಪರ್ಧೆ ಇಲ್ಲ. ಇದೊಂದು ಒಂದು ಬದಿಯ ಪಂದ್ಯ ಎಂಬುದು ನಿಮಗೆ ಗೊತ್ತಿದೆ ಅಲ್ಲವೇ ಎನ್ನುವ ಮೂಲಕ ಸೂರ್ಯಕುಮಾರ್ ಯಾದವ್, ಪಾಕ್​ ತಂಡ ನಮಗೆ ಯಾವುದೇ ರೀತಿಯಲ್ಲಿ ಸಾಟಿಯಿಲ್ಲ ಎಂದರು.

ಇದನ್ನೂ ಓದಿ: ಈ ಮೂರು ರಾಶಿಯವರಿಂದ ಕಣ್ಣೀರಾಕಿಸುವುದು ಯಾರಿಂದಲೂ ಅಸಾಧ್ಯ! ನಿಮ್ಮದೂ ಇದೇ ರಾಶಿನಾ? Zodiac Signs

ಅಂದಹಾಗೆ, ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ನಂತರ ಭಾರತ ಮತ್ತು ಪಾಕಿಸ್ತಾನ ಏಷ್ಯಾ ಕಪ್ ಲೀಗ್ ಹಂತದಲ್ಲಿ ಮೊದಲ ಬಾರಿಗೆ ಮುಖಾಮುಖಿಯಾದವು. ಈ ಪಂದ್ಯದಲ್ಲಿ ಭಾರತ ತಂಡ, ಪಾಕಿಸ್ತಾನಿ ಆಟಗಾರರೊಂದಿಗೆ ಕೈಕುಲುಕಲು ನಿರಾಕರಿಸಿತು. ಇದರಿಂದ ಅಸಮಾಧಾನಗೊಂಡ ಪಾಕಿಸ್ತಾನ ಮಂಡಳಿ, ಪಂದ್ಯಾವಳಿಯಿಂದ ಹಿಂದೆ ಸರಿಯುವುದಾಗಿ ಬೆದರಿಕೆ ಹಾಕಿತು. ಆದರೆ, ಐಸಿಸಿ ಬೆದರಿಕೆಗೆ ಹೆದರಲಿಲ್ಲ. ಅಂತಿಮವಾಗಿ ಯೂಟರ್ನ್​ ಒಡೆದ ಪಾಕ್​, ಪಂದ್ಯಾವಳಿ ಮುಂದುವರೆಯಿತು.

ಭಾನುವಾರದ ಪಂದ್ಯದಲ್ಲಿ ಪಾಕಿಸ್ತಾನ ಕೂಡ ಪ್ರಚೋದನಾತ್ಮಕವಾಗಿ ವರ್ತಿಸಿತು. 34 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ ನಂತರ, ಪಾಕಿಸ್ತಾನದ ಬ್ಯಾಟ್ಸ್‌ಮನ್ ಸಾಹಿಬ್‌ಜಾದಾ ಫರ್ಹಾನ್ ಎಕೆ-47 ಸ್ಫೋಟಗೊಳ್ಳುವಂತೆ ತನ್ನ ಬ್ಯಾಟ್ ಅನ್ನು ಬೀಸುವ ಮೂಲಕ ಆಚರಿಸಿದರು. ಪಂದ್ಯದ ಸಮಯದಲ್ಲಿ ಅವರು ಆಟಗಾರರ ಕಡೆಗೆ ಪ್ರಚೋದನಕಾರಿ ರೀತಿಯಲ್ಲಿ ವರ್ತಿಸಿದರು. ಇದು ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶಕ್ಕೆ ಗುರಿಯಾಗಿದೆ. (ಏಜೆನ್ಸೀಸ್)

https://www.vijayavani.net/impossible-for-anyone-to-make-these-zodiac-signs-cry-do-you-know-why

https://www.vijayavani.net/actress-childhood-photo-can-you-guess-this-bollywood-actress-from-her-childhood-pic

https://www.vijayavani.net/brutal-incident-father-threw-the-child-to-the-ground-and-beat-him-because-he-was-crying