ಬೆಂಗಳೂರು: ಅದು ರಾಷ್ಟ್ರೀಯ ತಂಡದಲ್ಲಿ ಅರ್ಧ ಡಜನ್ಗಟ್ಟಲೇ ಕನ್ನಡಿಗರು ಆಡುತ್ತಿದ್ದ ಕಾಲ. ಅದರಲ್ಲೂ ಸಂಪೂರ್ಣ ಬೌಲಿಂಗ್ ವಿಭಾಗವನ್ನು ನಿಭಾಯಿಸುವ ಮೂಲಕ ಇಡೀ ತಂಡಕ್ಕೆ ಕನ್ನಡಿಗರು ಆಸರೆಯಾಗಿದ್ದರು. ಆ ವೇಳೆಗೆ ಜಾವಗಲ್ ಶ್ರೀನಾಥ್, ಅನಿಲ್ ಕುಂಬ್ಳೆ, ವೆಂಕಟೇಶ್ ಪ್ರಸಾದ್ರಂಥ ಬೌಲರ್ಗಳು ರಾಷ್ಟ್ರೀಯ ತಂಡದಲ್ಲಿ ಕಾಯಂ ಸ್ಥಾನ ಮಾಡಿಕೊಂಡಿದ್ದರೆ, ಅದೇ ವೇಳೆ 1996ರಲ್ಲಿ ವಾಲ್ ಖ್ಯಾತಿಯ ರಾಹುಲ್ ದ್ರಾವಿಡ್, ಸುನೀಲ್ ಜೋಶಿ, ಡೇವಿಡ್ ಜಾನ್ಸನ್ ಹಾಗೂ ದೊಡ್ಡ ಗಣೇಶ್ ರಾಷ್ಟ್ರೀಯ ತಂಡಕ್ಕೆ ಎಂಟ್ರಿ ಕೊಟ್ಟರು. ಹೀಗೆ ಸಾಲು ಸಾಲಾಗಿ ಕನ್ನಡಿಗರು ರಾಷ್ಟ್ರೀಯ ತಂಡದ ಕದ ತಟ್ಟಿದ್ದು ಇತಿಹಾಸ. ಆ ಸಮಯದಲ್ಲಿ ಗಣೇಶ್ ಎಂಬ ಹೆಸರಿನ ಪರಿಚಯದೊಂದಿಗೆ ರಾಷ್ಟ್ರೀಯ ತಂಡಕ್ಕೆ ಪ್ರವೇಶ ಪಡೆದಿದ್ದ ಪೀಣ್ಯದ ವೇಗದ ಬೌಲರ್, ದಕ್ಷಿಣ ಆಫ್ರಿಕಾ ಪ್ರವಾಸದಿಂದ ಮರಳುವ ವೇಳೆ ದೊಡ್ಡ ಗಣೇಶ್ ಆಗಿದ್ದರು! ಇದರ ಗುಟ್ಟನ್ನು ಈಗ 46 ವರ್ಷದ ದೊಡ್ಡ ಗಣೇಶ್ ಅವರೇ ಬಿಚ್ಚಿಟ್ಟಿದ್ದಾರೆ.
