ಸಣ್ಣಮಕ್ಕಳಲ್ಲಿ ಪುಟ್ಟ ಮೂಗಿನ ಹೊಳ್ಳೆಗಳು, ಇನ್ನೂ ಸರಿಯಾಗಿ ಬೆಳೆಯದ ಮೂಳೆಗಳು ಮತ್ತು ರಕ್ತನಾಳಗಳ ಹತ್ತಿರದ ಜೋಡಣೆಯು ಈ ರೀತಿಯ ಎಂಡೋಸ್ಕೋಪಿಕ್ ಚಿಕಿತ್ಸೆಗೆ ದೊಡ್ಡ ಸವಾಲಾಗಿರುತ್ತದೆ. ತೆಳುವಾದ ಹೈಡೆಫಿನಿಷನ್ ಎಂಡೋಸ್ಕೋಪ್ ಮತ್ತು ಅತಿಸಣ್ಣ ಯಂತ್ರಗಳ ಉಪಯೋಗದೊಂದಿಗೆ ಈ ಶಸ್ತ್ರಚಿಕಿತ್ಸೆ ನಡೆದಿದೆ. ಈ ಥರದ ಕ್ಯಾನ್ಸರ್ ಗೆಡ್ಡೆಗಳನ್ನು ಸಾಮಾನ್ಯವಾಗಿ ತೆರೆದ ಶಸ್ತ್ರಚಿಕಿತ್ಸೆಯ ಮೂಲಕ ಹೊರತೆಗೆದು ನಂತರ ರೇಡಿಯೇಷನ್ ಥೆರಪಿ ನೀಡಲಾಗುತ್ತದೆ. ಆದರೆ ಇತ್ತೀಚಿನ ವರ್ಷಗಳಲ್ಲಿ ಮೂಗಿನ ಮೂಲಕ ಎಂಡೋಸ್ಕೋಪಿ ಮಾಡಿ ತೆಗೆಯುವುದು ಆರು ವರ್ಷದ ಮೇಲಿನ ರೋಗಿಗಳಲ್ಲಿ ಆರಂಭವಾಗಿದೆ. ಈ ರೀತಿಯ ಎಂಡೊಸ್ಕೊಪಿ ಚಿಕಿತ್ಸೆಯನ್ನು ಅಮೆರಿಕದ ಸ್ಟಾಂಡ್ಫರ್ಡ್ನಲ್ಲಿ ಎರಡು ವರ್ಷದ ಮಗುವಿನ ಮೇಲೆ 2019ರಲ್ಲಿ ನಡೆಸಲಾಗಿತ್ತು. (ಏಜೆನ್ಸೀಸ್)
