ಮಾಂಸಾಹಾರ ತಿಂದ ಬಳಿಕ ಜೀರ್ಣವಾಗಲು ಎಷ್ಟು ಟೈಂ ಬೇಕು? ಬೇಗ ಜೀರ್ಣಕ್ಕೆ ಈ ಟಿಪ್ಸ್​ ಫಾಲೋ ಮಾಡಿ...Meat

Meat : ಮಾಂಸಾಹಾರ ಬಹುತೇಕರ ಪ್ರಿಯವಾದ ಆಹಾರ. ಬೇರೆ ಯಾವುದನ್ನು ಬೇಕಾದರೂ ಬಿಡುತ್ತೇನೆ ಆದರೆ, ಒಂದು ತುಂಡು ಮಾಂಸವಿಲ್ಲದೆ ಇರಲಾಗದು ಎಂದು ಅನೇಕರು ಹೇಳಿರುವುದನ್ನು ಕೇಳಿದ್ದೇವೆ. ಅದರಲ್ಲೂ ಭಾನುವಾರ ಬಂತೆಂದರೆ ಮಾಂಸಾಹಾರ ತಿನ್ನಲೇಬೇಕು. ಒಂದು ಕಾಲದಲ್ಲಿ ಜನರು ಭಾನುವಾರ ಮಾತ್ರ ತಿನ್ನುತ್ತಿದ್ದರು. ಆದರೀಗ ದಿನ ಯಾವುದೇ ಇರಲಿ, ಕೋಳಿ, ಮಟನ್, ಮೀನು ಮತ್ತು ಸೀಗಡಿಯಂತಹ ಮಾಂಸಾಹಾರಿ ಆಹಾರವನ್ನು ಸೇವಿಸುತ್ತಿದ್ದಾರೆ. ಕೆಲವರಿಗಂತೂ ಒಂದು ಪೀಸ್​ ಮಾಂಸ ತಿನ್ನದೇ ಇದ್ದರೆ ಆ ದಿನ ಪೂರ್ಣ ಅನಿಸುವುದೇ ಇಲ್ಲ.

ಅಂದಹಾಗೆ, ಮಾಂಸಾಹಾರವು ಸಾಮಾನ್ಯ ಆಹಾರಕ್ಕಿಂತ ಜೀರ್ಣವಾಗಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ನಾವು ಎಷ್ಟೇ ತೃಪ್ತಿಯಾಗಿ ತಿಂದರೂ ಅದು ಬೇಗನೆ ಜೀರ್ಣವಾಗುವುದಿಲ್ಲ ಮತ್ತು ನಮಗೆ ಹೊಟ್ಟೆ ಉಬ್ಬರ ಹಾಗೂ ಗ್ಯಾಸ್ ಉಂಟು ಮಾಡಬಹುದು. ಅಲ್ಲದೆ, ಅನೇಕ ಜನರಿಗೆ ಈ ಸಮಸ್ಯೆ ಕಾಡುತ್ತದೆ. ಅದಕ್ಕಾಗಿಯೇ ಮಾಂಸಾಹಾರವನ್ನು ಸೇವಿಸಿದ ತಕ್ಷಣ ತಂಪು ಪಾನೀಯಗಳನ್ನು ಕುಡಿಯುತ್ತಾರೆ. ಹಾಗಾದರೆ, ಮಾಂಸಾಹಾರ ಜೀರ್ಣವಾಗಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ? ಅದನ್ನು ಬೇಗನೆ ಜೀರ್ಣಿಸಿಕೊಳ್ಳಲು ಏನು ಮಾಡಬೇಕೆಂದು ನಾವೀಗ ತಿಳಿದುಕೊಳ್ಳೋಣ.

ಆರೋಗ್ಯವಂತ ಜನರು ತಾವು ಸೇವಿಸುವ ಯಾವುದೇ ಆಹಾರವನ್ನು ಬೇಗನೆ ಜೀರ್ಣಿಸಿಕೊಳ್ಳಬಹುದು. ಹೀಗಾಗಿ, ಆಹಾರವನ್ನು ಜೀರ್ಣಿಸಿಕೊಳ್ಳಲು ತೆಗೆದುಕೊಳ್ಳುವ ಸಮಯ ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗುತ್ತದೆ. ಆದರೆ, ವೈದ್ಯಕೀಯ ತಜ್ಞರ ಪ್ರಕಾರ, ನಾವು ಸೇವಿಸುವ ಮಾಂಸವು ಜೀರ್ಣಿಸಿಕೊಳ್ಳಲು ಬಹಳ ಸಮಯ ತೆಗೆದುಕೊಳ್ಳುತ್ತದೆ. ಇದು ಪ್ರೋಟೀನ್ ಮತ್ತು ಕೊಬ್ಬು ಎರಡನ್ನೂ ಹೊಂದಿರುತ್ತದೆ. ಅವುಗಳನ್ನು ಜೀರ್ಣಿಸಿಕೊಳ್ಳಲು ಸುಮಾರು 2 ರಿಂದ 4 ದಿನಗಳು ಬೇಕಾಗುತ್ತದೆ.

ಇದನ್ನು ಕೇಳಿ ನೀವು ಆಘಾತಕ್ಕೊಳಗಾಗಬಹುದು ಆದರೆ, ಇದೇ ನಿಜ. ಅದಕ್ಕಾಗಿಯೇ ನೀವು ಬಹಳಷ್ಟು ಮಾಂಸವನ್ನು ಸೇವಿಸಿದಾಗ, ಎರಡು ಮೂರು ದಿನಗಳವರೆಗೆ ಅಸ್ವಸ್ಥತೆಯನ್ನು ಅನುಭವಿಸುತ್ತೀರಿ. ಹೀಗಾಗಿ, ಕೆಲವು ಜನರು, ಮಾಂಸಾಹಾರ ತಿಂದ ನಂತರ ಮರುದಿನ ಮೊಸರನ್ನವನ್ನು ತಿನ್ನುತ್ತಾರೆ. ಇನ್ನು ಜೀರ್ಣಕ್ರಿಯೆ ಶಕ್ತಿ ಉತ್ತಮವಾಗಿದ್ದರೆ ಮಾಂಸವು 24 ಗಂಟೆಗಳ ಒಳಗೆ ಜೀರ್ಣವಾಗುತ್ತದೆ.

ಮಾಂಸ ಬೇಗ ಜೀರ್ಣವಾಗಲು ಏನು ಮಾಡಬೇಕು?

ಕೆಲವರು ಮಾರುಕಟ್ಟೆಯಿಂದ ಮಾಂಸ ತಂದ ತಕ್ಷಣ ಮಾಂಸವನ್ನು ಸ್ವಚ್ಛಗೊಳಿಸಿ ಬೇಯಿಸುತ್ತಾರೆ. ಅದರ ಬದಲು, ಸುಮಾರು 6 ರಿಂದ 8 ಗಂಟೆಗಳ ಕಾಲ ಮ್ಯಾರಿನೇಟ್ ಮಾಡಬೇಕು. ಇದು ಮಾಂಸವನ್ನು ಮೃದುಗೊಳಿಸುತ್ತದೆ. ಇದರಿಂದ ಮಾಂಸ ಬೇಗನೆ ಬೇಯುತ್ತದೆ. ಹೀಗಾಗಿ, ಕನಿಷ್ಠ ಎರಡರಿಂದ ಮೂರು ಗಂಟೆಗಳ ಕಾಲ ಅದನ್ನು ಮ್ಯಾರಿನೇಟ್ ಮಾಡಲು ಪ್ರಯತ್ನಿಸಿ. ನೀವು ಹೆಚ್ಚು ಸಮಯ ಮ್ಯಾರಿನೇಟ್ ಮಾಡಿದಷ್ಟೂ, ಮಾಂಸಾಹಾರ ವೇಗವಾಗಿ ಜೀರ್ಣವಾಗುತ್ತದೆ.

ಕೆಲವರು ತಮ್ಮ ಆಹಾರವನ್ನು ಬೇಗನೆ ಅಗಿದುಯ ನುಂಗುತ್ತಾರೆ. ಆದರೆ, ಆ ರೀತಿ ಮಾಡಬಾರದು. ನಮ್ಮ ಆಹಾರವನ್ನು ನಿಧಾನವಾಗಿ ತಿನ್ನಬೇಕು. ದೀರ್ಘಕಾಲದವರೆಗೆ ಆಹಾರವನ್ನು ಅಗಿಯುವುದರಿಂದ ಹೊಟ್ಟೆಯಲ್ಲಿ ಹೆಚ್ಚು ಜೀರ್ಣಕಾರಿ ರಸ ಉತ್ಪತ್ತಿಯಾಗುತ್ತದೆ. ಇದು ಆಹಾರವನ್ನು ವೇಗವಾಗಿ ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಭಾರಿ ಚರ್ಚೆ ಹುಟ್ಟು ಹಾಕಿದೆ ದೇವರ ಬಗ್ಗೆ ಕವಚ ಖ್ಯಾತಿಯ ಬಾಲನಟಿ ಮೀನಾಕ್ಷಿ ಮಾಡಿದ ಕಾಮೆಂಟ್​​! Meenakshi Anoop

ಇನ್ನು ಮಾಂಸ ತಿಂದ ನಂತರ ಅನಾನಸ್ ತಿನ್ನುವುದು ಮಾಂಸವನ್ನು ವೇಗವಾಗಿ ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಅನಾನಸ್‌ನಲ್ಲಿರುವ ಬ್ರೋಮೆಲೈನ್ ಎಂಬ ಕಿಣ್ವವು ಮಾಂಸವನ್ನು ವೇಗವಾಗಿ ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಜೀರ್ಣಕ್ರಿಯೆ ಸುಧಾರಿಸುತ್ತದೆ. ಮಾಂಸ ತಿಂದ ನಂತರ ನೀವು ಪಪ್ಪಾಯಿ ಕೂಡ ತಿನ್ನಬಹುದು. ಅದರಲ್ಲಿರುವ ಪಪೈನ್ ಕಿಣ್ವ, ಪ್ರೋಟೀನ್‌ಗಳನ್ನು ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಇದು ಅನಿಲ ಮತ್ತು ಅಜೀರ್ಣ ಸಮಸ್ಯೆಗಳನ್ನು ತಡೆಯುತ್ತದೆ.

ಕೆಲವರು ಮಾಂಸ ತಿಂದ ನಂತರ ಮೊಸರು ತಿನ್ನುವುದಿಲ್ಲ. ಆದರೆ ಮಾಂಸಾಹಾರ ತಿಂದ ನಂತರ ಮೊಸರು ಅಥವಾ ಮಜ್ಜಿಗೆ ಸೇವಿಸುವುದು ನಿಜಕ್ಕೂ ಉತ್ತಮ. ಇವು ಪ್ರೋಬಯಾಟಿಕ್ ಆಹಾರಗಳು. ಅವು ನಮ್ಮ ಜೀರ್ಣಾಂಗ ವ್ಯವಸ್ಥೆಯಲ್ಲಿ ಉತ್ತಮ ಬ್ಯಾಕ್ಟೀರಿಯಾವನ್ನು ಹೆಚ್ಚಿಸುತ್ತವೆ. ಇದರಿಂದಾಗಿ, ತಿಂದ ಆಹಾರ ಬೇಗನೆ ಜೀರ್ಣವಾಗುತ್ತದೆ. (ಏಜೆನ್ಸೀಸ್​)

https://www.vijayavani.net/virat-kohli-first-odi-against-aussies-kohli-gets-a-duck-should-he-pack-his-bags-for-london

https://www.vijayavani.net/25000-americans-wouldve-died-donald-trump-as-us-strikes-drug-carrying-submarine