ವಾರಕ್ಕೆ ಮೂರು ಬಾರಿ 49 ನಿಮಿಷಗಳ ನಡಿಗೆ ನಿಮ್ಮ ಮೆದುಳಿನ ಆರೋಗ್ಯಕ್ಕೆ ಎಷ್ಟು ಪ್ರಯೋಜನಕಾರಿ ಗೊತ್ತಾ? boost-brain

lifestyle| ಇತ್ತೀಚಿನ ವೇಗದ ಜೀವನದಲ್ಲಿ, ನಾವೆಲ್ಲರೂ ನಮ್ಮ ಬುದ್ದಿಶಕ್ತಿ ಹೆಚ್ಚಾಗಬೇಕು ಮತ್ತು ನಮ್ಮ ಮನಸ್ಸು ಯಾವಾಗಲೂ ಚುರುಕಾಗಿರಬೇಕು ಎಂದು ಬಯಸುತ್ತೇವೆ. ಆದರೆ ಇದಕ್ಕಾಗಿ, ಗಂಟೆ ಗಟ್ಟಲೆ ಕಷ್ಟಪಟ್ಟು ಕೆಲಸ ಮಾಡುವ ಅಥವಾ ಭಾರೀ ವ್ಯಾಯಾಮ ಮಾಡುವ ಅಗತ್ಯವಿಲ್ಲ. ಇತ್ತೀಚಿನ ಅಧ್ಯಯನವು ಎಲ್ಲರಿಗೂ ತಲುಪಬಹುದಾದ ಅತ್ಯಂತ ಸರಳವಾದ ಪರಿಹಾರವನ್ನು ಬಹಿರಂಗಪಡಿಸಿದೆ.

ಇದನ್ನೂ ಓದಿ: ಮಳೆಗಾಲದಲ್ಲಿ ವಿದ್ಯುತ್ ಅಪಘಾತಗಳನ್ನು ತಪ್ಪಿಸುವುದು ಹೇಗೆ? Electrical safety precautions ವಿಷಯಗಳನ್ನು ನೆನಪಿನಲ್ಲಿಡಿ..

ಸಮಯದ ಅಭಾವ ಅಥವಾ ಆಯಾಸದಿಂದಾಗಿ ದೈಹಿಕ ಚಟುವಟಿಕೆಯಿಂದ ದೂರ ಉಳಿದಿದ್ದವರಿಗೆ ಇದು ಆಶಾಕಿರಣವಾಗಿದೆ. ಸ್ವಲ್ಪ ಸಮಯವನ್ನು ಹೂಡಿಕೆ ಮಾಡುವ ಮೂಲಕ, ನೀವು ನಿಮ್ಮ ದೈಹಿಕ ಸಾಮರ್ಥ್ಯವನ್ನು ಸುಧಾರಿಸುವುದಲ್ಲದೆ, ನಿಮ್ಮ ಮಾನಸಿಕ ಆರೋಗ್ಯವನ್ನು ಹೊಸ ಮಟ್ಟಕ್ಕೆ ಕೊಂಡೊಯ್ಯಬಹುದು.

ಒಂದು ಅಧ್ಯಯನದ ಪ್ರಕಾರ ನೀವು ಪ್ರತಿ ಬಾರಿ 49 ನಿಮಿಷಗಳ ಕಾಲ, ವಾರಕ್ಕೆ ಕೇವಲ ಮೂರು ಬಾರಿ ನಡೆದರೆ, ನಿಮ್ಮ ಮೆದುಳಿನ ಗಾತ್ರ ಹೆಚ್ಚಾಗತ್ತದೆ ಎಂದು ಹೇಳಲಾಗಿದೆ. ಹಾಗೂ ನಿಮ್ಮ ಆಲೋಚನಾ ಸಾಮರ್ಥ್ಯವೂ ಸುಧಾರಣೆಗೊಳ್ಳುತ್ತದೆಯಂತೆ. ಇದರರ್ಥ ಈಗ ನಿಮ್ಮ ಮೆದುಳನ್ನು ಚುರುಕುಗೊಳಿಸಲು ದೀರ್ಘ ಜಿಮ್ ಅಥವಾ ಭಾರೀ ವ್ಯಾಯಾಮದ ಅಗತ್ಯವಿಲ್ಲ ಎಂಬುದಾಗಿದೆ.

ಯಾವಾಗ ಎಷ್ಟು ನಡೆಯಬೇಕು.?

ಸಂಶೋಧನೆಯ ಪ್ರಕಾರ, ನೀವು ಪ್ರತಿದಿನ ಗಂಟೆಗಟ್ಟಲೆ ನಡೆಯಬೇಕಾಗಿಲ್ಲ. ವಾರಕ್ಕೆ ಕೇವಲ ಮೂರು ದಿನಗಳು ಅಥವಾ ಪ್ರತಿದಿನ ಸುಮಾರು 49 ನಿಮಿಷಗಳ ನಡಿಗೆ ಸಾಕು. ನೀವು ಇದನ್ನು ಬೆಳಿಗ್ಗೆ, ಸಂಜೆ ಅಥವಾ ಯಾವುದೇ ಬಿಡುವಿನ ವೇಳೆಯಲ್ಲಿ ಮಾಡಬಹುದು. ನಡಿಗೆ ತುಂಬಾ ವೇಗವಾಗಿರಬೇಕೆಂದು ಅಗತ್ಯವಿಲ್ಲ, ಸಾಮಾನ್ಯ ವೇಗದಲ್ಲಿ ನಡೆಯುವುದು ಸಹ ಸಾಕು. ನೀವು ಈ ಅಭ್ಯಾಸವನ್ನು ನಿರಂತರವಾಗಿ ನಿರ್ವಹಿಸಿದರೆ, ಅದರ ಆಳವಾದ ಪರಿಣಾಮವು ಮಾನಸಿಕ ಆರೋಗ್ಯದ ಮೇಲೆ ಕಂಡುಬರುತ್ತದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಮೊದಲ ಬಾರಿಗೆ IRONKIDS ಬೆಂಗ್ಳೂರಲ್ಲಿ ಆಯೋಜನೆ: 600ಕ್ಕೂ ಅಧಿಕ ಮಕ್ಕಳು ಭಾಗಿ

ಇದು ಕೇವಲ ವಯಸ್ಕರಿಗೆ ಮಾತ್ರವಲ್ಲ, ಮಕ್ಕಳು ಮತ್ತು ವೃದ್ಧರಿಗೂ ನಡಿಗೆ ತುಂಬಾ ಪ್ರಯೋಜನಕಾರಿ. ಮಕ್ಕಳಿಗೆ, ನಡಿಗೆ ಮೆದುಳಿನ ಬೆಳವಣಿಗೆಗೆ ಸಹಾಯಕವಾಗಲಿದೆ, ಇದು ಅವರ ಕಲಿಯುವ ಮತ್ತು ಕೇಂದ್ರೀಕರಿಸುವ ಸಾಮರ್ಥ್ಯವನ್ನು ಸುಧಾರಿಸುತ್ತದೆ. ವಯಸ್ಸಾದವರಲ್ಲಿ ಇದು ಆಲ್ಝೈಮರ್ ಮತ್ತು ಬುದ್ಧಿಮಾಂದ್ಯತೆಯಂತಹ ಸಮಸ್ಯೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ಹಗುರವಾದ ನಡಿಗೆಯು ದೇಹದಲ್ಲಿ ರಕ್ತದ ಹರಿವನ್ನು ಸುಧಾರಿಸುತ್ತದೆ, ಇದು ಮೆದುಳಿಗೆ ಅಗತ್ಯವಾದ ಆಮ್ಲಜನಕ ಮತ್ತು ಪೋಷಣೆಯನ್ನು ಒದಗಿಸುತ್ತದೆ. ಅಂದರೆ ಎಲ್ಲಾ ವಯಸ್ಸಿನ ಜನರಿಗೆ ನಡಿಗೆ ಒಂದು ವರದಾನದಂತೆ ಕೆಲಸ ಮಾಡುತ್ತದೆ.

(ಏಜೆನ್ಸೀಸ್)

https://www.vijayavani.net/4-girls-from-same-family-dies-by-drowning-in-water