ದೇಶದಲ್ಲಿ ಎಲ್ಲೇ ವಿಶ್ವಕಪ್ ನಡೆದ್ರೂ ಗಾನ ಕೋಗಿಲೆಗೆ ಸಿಗ್ತಿತ್ತು ಉಚಿತ ಟಿಕೆಟ್! BCCI ಈ ನಿರ್ಧಾರದ ಹಿಂದೆ ಇದೆ ಕಾರಣ...

ಬೆಂಗಳೂರು: ಭಾರತ ಕಂಡ ಅದ್ಭುತ ಗಾಯಕಿಯರ ಪೈಕಿ ಲತಾ ಮಂಗೇಶ್ಕರ್​  ಅವರಿಗೆ ಅಗ್ರಸ್ಥಾನವಿದೆ. ಅವರ ಕಂಠದಲ್ಲಿ ಸಾವಿರಾರು ಹಾಡುಗಳು ಮೂಡಿಬಂದಿವೆ. ಈ ಗಾಯಕಿಗಾಗಿ ವಿಶ್ವಕಪ್​​ ಟೂರ್ನಿ ಎಲ್ಲೆ ನಡೆದರು ಉಚಿತ ಟಿಕೆಟ್​​ ನೀಡುವ ಮೂಲಕವಾಗಿ ಬಿಸಿಸಿಐ ವಿಶೇಷ ಗೌರವ ಸಲ್ಲಿಸಿತ್ತು. ಇದಕ್ಕೆ ಕಾರಣವೂ ಕೂಡಾ ಇದೆ.

ಭಾರತದ ನೈಟಿಂಗೇಲ್‌ ಎಂದೇ ಪ್ರಸಿದ್ಧವಾಗಿರುವ ಲತಾ ಮಂಗೇಶ್ಕರ್‌ 2022 ಫೆಬ್ರುವರಿ 6ರಂದು  ಕೊನೆಯುಸಿರೆಳೆದಿದ್ದಾರೆ. ಕಳೆದ ಕೆಲ ದಿನಗಳಿಂದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಗಾನಕೋಗಿಲೆ ಇಂದು ನಮ್ಮನ್ನೆಲ್ಲ ಬಿಟ್ಟು ಬಾರದ ಲೋಕಕ್ಕೆ ಹೊರಟು ಹೋಗಿದ್ದಾರೆ. ಲತಾ ಮಂಗೇಶ್ಕರ್‌ ಅವರು ನಮ್ಮನೆಲ್ಲ ಅಗಲಿ ದೂರವಾಗಿದ್ದಾರೆ. ಆದರೆ ಬಿಸಿಸಿಐ ಮಾತ್ರ ಈ ಖ್ಯಾತ ಗಾಯಕಿಗಾಗಿ ಈ ಹಿಂದೆ  ಸಲ್ಲಿಸುತ್ತಿದ್ದ ಗೌರವವನ್ನು ಮುಂದುವರೆಸಿಕೊಂಡು ಬಂದಿದೆ ಇನ್ನೂ ಮುಂದುವರಿಸಿಕೊಂಡು ಬಂದಿದೆ.

1983 ಭಾರತೀಯ ಕ್ರಿಕೆಟ್‌ಗೆ ಅತ್ಯಂತ ಮಹತ್ವದ ವರ್ಷ. ಇದು ಕ್ರಿಕೆಟ್ ಇತಿಹಾಸದಲ್ಲಿ ಶಾಶ್ವತವಾಗಿ ಉಳಿಯುವ ವರ್ಷ. ಏಕೆಂದರೆ 1983ರ ಆ ದಿನ ಟೀಂ ಇಂಡಿಯಾ ಮೊದಲ ಬಾರಿಗೆ ವಿಶ್ವಕಪ್ ಗೆದ್ದಿತ್ತು. ವಿಶ್ವ ಚಾಂಪಿಯನ್ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿ ಮೊದಲ ವಿಶ್ವಕಪ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.

ಭಾರತ ತಂಡ ಚೊಚ್ಚಲ ಬಾರಿಗೆ ವಿಶ್ವಕಪ್ ಗೆದ್ದು ತವರಿಗೆ ಮರಳಲಿದೆ. ಆ ವೇಳೆ ಬಿಸಿಸಿಐ ಅವರಿಗೆ ಸನ್ಮಾನ ಕಾರ್ಯಕ್ರಮ ಆಯೋಜಿಸಲು ನಿರ್ಧರಿಸಿತ್ತು. ಆದರೆ ಆಗ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಆಯೋಜಿಸಲು ಬಿಸಿಸಿಐ ಬಳಿ ಸಾಕಷ್ಟು ಹಣವಿರಲಿಲ್ಲ. ಹೀಗಾಗಿ ದೆಹಲಿಯಲ್ಲಿ ಖ್ಯಾತ ಗಾಯಕಿ ಲತಾ ಮಂಗೇಶ್ಕರ್ ಅವರ ಸಂಗೀತ ಕಾರ್ಯಕ್ರಮ ಆಯೋಜಿಸಿ ನಿಧಿ ಸಂಗ್ರಹಿಸಲು ಎಲ್ಲರೂ ನಿರ್ಧರಿಸಿದ್ದರು. ಇದೇ ವಿಷಯವನ್ನು ಲತಾ ಮಂಗೇಶ್ಕರ್ ಅವರಿಗೆ ಹೇಳಿದಾಗ ಅವರು ಒಂದು ರೂಪಾಯಿ ತೆಗೆದುಕೊಳ್ಳದೆ ಅವರ ಸಂಗೀತ ಕಚೇರಿಯಲ್ಲಿ ಭಾಗವಹಿಸಿದ್ದರು.

 ಲತಾ ಅವರ ಸಂಗೀತ ಕಾರ್ಯಕ್ರಮದಿಂದ ಅಂದು ಸುಮಾರು ರೂ. 20 ಲಕ್ಷ ಹಣವನ್ನು ಬಿಸಿಸಿಐ ಸಂಗ್ರಹಿಸಿತ್ತು. ಆ ಮೊತ್ತದಲ್ಲಿ 14 ಆಟಗಾರರಿಗೆ ರೂ. ತಲಾ 1 ಲಕ್ಷ ರೂ. ಸಂಗೀತ ಕಾರ್ಯಕ್ರಮಕ್ಕೆ ಲತಾ ಮಂಗೇಶ್ಕರ್ ಒಂದು ರೂಪಾಯಿಯನ್ನೂ ತೆಗೆದುಕೊಂಡಿಲ್ಲ. ಆ ಸಮಯದಲ್ಲಿ ತಮಗೆ ಸಹಾಯ ಮಾಡಿದ ಲತಾ ಮಂಗೇಶ್ಕರ್ ಅವರಿಗೆ ಬಿಸಿಸಿಐ ಭರ್ಜರಿ ಗಿಫ್ಟ್ ನೀಡಿತ್ತು.

ಲತಾ ಮಂಗೇಶ್ಕರ್ ಅವರು ಭಾರತ ಕ್ರಿಕೆಟ್ ತಂಡವನ್ನು ವಿಶ್ವದ ಯಾವುದೇ ಸ್ಥಳದಲ್ಲಿ ವೀಕ್ಷಿಸಲು ಉಚಿತ ಪಾಸ್ ನೀಡಿದ್ದರು. ಅಂದರೆ ಜೀವಮಾನ ಪಾಸ್. ಆಕೆ ತನ್ನ ಜೀವಿತಾವಧಿಯಲ್ಲಿ ಜಗತ್ತಿನ ಎಲ್ಲಿ ಬೇಕಾದರೂ ಪಂದ್ಯವನ್ನು ಉಚಿತವಾಗಿ ವೀಕ್ಷಿಸಬಹುದಾಗಿತ್ತು. ಆದರೆ ಆಕೆ ಆ ಪಾಸ್ ಅನ್ನು ಬಳಸಲೇ ಇಲ್ಲ. ಆದರೆ ಅವರ ಕೊಡುಗೆಯನ್ನು ಬಿಸಿಸಿಐ ಮರೆಯಲಿಲ್ಲ. ಲತಾ ಮಂಗೇಶ್ಕರ್ ಅವರ ಗೌರವಾರ್ಥವಾಗಿ, ಮಂಡಳಿಯು ಲತಾ ಮಂಗೇಶ್ಕರ್‌ಗಾಗಿ ಭಾರತದಲ್ಲಿ ಆಡುವ ಪ್ರತಿ ಅಂತರರಾಷ್ಟ್ರೀಯ ಪಂದ್ಯಕ್ಕೆ ಯಾವಾಗಲೂ ಎರಡು ಟಿಕೆಟ್‌ಗಳನ್ನು ಕಾಯ್ದಿರಿಸಿದೆ.