ನಿತ್ಯ ಬೆಳಗ್ಗೆ 6ರಿಂದ ಬೆಳಗ್ಗೆ 10ರವರೆಗೆ ಜನತಾ ಕರ್ಫ್ಯೂ ಸಡಿಲಿಕೆ ಮಾಡಲಾಗಿದೆ. ನಂತರವೂ ಹೋಟೆಲ್ಗಳು ಪಾರ್ಸೆಲ್ ಕೊಡಬಹುದು. ಆದರೆ, ಮಧ್ಯಾಹ್ನದ ನಂತರ ಜನರ ಸಂಚಾರಕ್ಕೆ ನಿರ್ಬಂಧ ವಿಧಿಸಿದ್ದರಿಂದ ಯಾರೂ ಪಾರ್ಸೆಲ್ ತೆಗೆದುಕೊಂಡು ಹೋಗಲು ಬರುವುದಿಲ್ಲ. ಇದರಿಂದ ತೀವ್ರ ನಷ್ಟವುಂಟಾಗುತ್ತದೆ. ಜನತಾ ಕರ್ಫ್ಯೂ ಹೇರಿಕೆಯ ಮೊದಲು ಆಗುತ್ತಿದ್ದ ಗಳಿಕೆಯ ಶೇ.20ರಷ್ಟು ವ್ಯಾಪಾರವೂ ಈಗ ಆಗುತ್ತಿಲ್ಲ. ಇದರಿಂದ ಹೋಟೆಲ್ ಮಾಲೀಕರು ಸಾಕಷ್ಟು ನಷ್ಟ ಅನುಭವಿಸುವಂತಾಗಿದೆ. ಅದರಲ್ಲೂ ಬಾಡಿಗೆ ಆಧಾರದಲ್ಲಿ ಕಟ್ಟಡ ಪಡೆದು ಹೋಟೆಲ್ ನಡೆಸುತ್ತಿರುವ ಮಾಲೀಕರು ಇದೀಗ ತೀವ್ರ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಹೋಟೆಲ್ ಕಟ್ಟಡದ ಬಾಡಿಗೆ, ಹಾಲು, ವಿದ್ಯುತ್ ಬಿಲ್, ಗ್ಯಾಸ್, ಕಿರಾಣಿ ಖರ್ಚು ವೆಚ್ಚದ ಜತೆಗೆ ಹೋಟೆಲ್ನಲ್ಲಿ ಕೆಲಸ ಮಾಡುವ ಕಾರ್ವಿುಕರಿಗೆ ಸಂಬಳವನ್ನೂ ಸಹ ನೀಡಬೇಕು. ಇದೆಲ್ಲವನ್ನೂ ಲೆಕ್ಕ ಹಾಕಿದರೆ ಲಾಭ ಆಗುವುದಿರಲಿ, ಹಾಕಿದ ಬಂಡವಾಳವೂ ವಾಪಸ್ ಬರುವ ಗ್ಯಾರಂಟೀಯಿಲ್ಲ ಎನ್ನುತ್ತಾರೆ ಹೋಟೆಲ್ ಮಾಲೀಕರು. ವಿವರಿಸುತ್ತಾರೆ.
