ಜಿಲ್ಲೆಯಲ್ಲಿರುವ ಪರಿಶಿಷ್ಟಜಾತಿ ಮಾದಿಗ ಸಮುದಾಯದ್ದೂ ಇದೇ ಸಮಸ್ಯೆಯಾಗಿದ್ದು, ಸಮುದಾಯದವರು ವಾಸಿಸುತ್ತಿರುವ ಹೆಚ್ಚಿನ ಗ್ರಾಮಗಳಲ್ಲಿ ಸ್ಮಶಾನವಿಲ್ಲದೇ ಜನರು ಪರದಾಡುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಗುಂಡ್ಲುಪೇಟೆ ತಾಲೂಕಿನ ಕಗ್ಗಳ, ಕಗ್ಗಳಹುಂಡಿ, ಮಾಡ್ರಹಳ್ಳಿ, ಮಡಹಳ್ಳಿ, ಸಿಂಡನಪುರ, ಶೆಟ್ಟರಹುಂಡಿ, ತೆರಕಣಾಂಬಿಹುಂಡಿ, ಹಂಗಳ, ಹೊನ್ನೇಗೌಡನಹಳ್ಳಿ, ಭೀಮನಬೀಡು ಮತ್ತು ಬಾಚಹಳ್ಳಿಯಲ್ಲಿ ಮಾದಿಗ ಸಮುದಾಯಕ್ಕೆ ಸ್ಮಸಾನ ಭೂಮಿ ಇಲ್ಲದೇ ಸಂಕಷ್ಟ ಅನುಭವಿಸುತ್ತಿದ್ದಾರೆ. ಚಾಮರಾಜನಗರ ತಾಲೂಕಿನ ಗಣಗನೂರುಪುರ, ಮೂಡಹಳ್ಳಿ, ನಂಜಾಪುರ, ಸಿಂಗನಪುರ, ಉಗನದಹುಂಡಿ, ಕಾಗಲವಾಡಿ, ಅಮಚವಾಡಿ, ಬಿಸಲವಾಡಿ, ಹೆಣಗುಂಬ, ಬಡಗಲಪುರ, ನವಿಲೂರು ಮತ್ತು ಉಮ್ಮತ್ತೂರು. ಹನೂರು ತಾಲೂಕಿನ ಮಲ್ಲಯ್ಯನಪುರ, ಸತ್ತಿಗಾಲ, ಕಾಮಗೆರೆ, ವಡಕೆಹಳ್ಳ, ಅಂಬಿಕಪುರ, ಅಜ್ಜಿಪುರದೊಡ್ಡಿ, ಕೆಂಪಯ್ಯನಹಟ್ಟಿ, ವಡ್ಡರದೊಡ್ಡಿ, ಕೂಡ್ಲೂರು, ಸಂದನಪಾಳ್ಯ. ಯಳಂದೂರು ತಾಲೂಕಿನ ಗಂಗವಾಡಿ, ಬೂದಿತಿಟ್ಟು, ಇರಸವಾಡಿ ಹಾಗೂ ಕೊಳ್ಳೇಗಾಲ ತಾಲೂಕಿನ ಆಲಹಳ್ಳಿ, ಟಗರಪುರ, ಬಾಳಗುಣಸೆ, ಸರಗೂರು ಹಾಗೂ ಇನ್ನಿತರೆ ಗ್ರಾಮಗಳಲ್ಲಿ ಮಾದಿಗ ಸಮುದಾಯಕ್ಕೆ ಸ್ಮಶಾನವಿಲ್ಲದೆ ತೊಂದರೆ ಅನುಭವಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಜಿಲ್ಲಾಡಳಿತ ಗಮನಹರಿಸಿ ಸ್ಮಶಾನ ಕಲ್ಪಿಸಿಕೊಡಬೇಕು ಎಂದು ದಸಂಸ ಮುಖಂಡ ಬೆಳ್ಳಿಯಪ್ಪ ವಿಜಯವಾಣಿ ಜತೆಗೆ ಅಭಿಪ್ರಾಯ ಹಂಚಿಕೊಂಡರು.
