ಫೆಲಿಕ್ಸ್ ಲೋಪಿಸ್ ಅವರ ಮಾಲೀಕತ್ವದ ಸೇಂಟ್ ಅಂಥೋನಿ ಎಂಬ ಹೆಸರಿನ ಬೋಟ್ ಮುಳುಗಡೆಯಾಗಿದೆ. ಬೆಳಗ್ಗೆ 6.30ಕ್ಕೆ ಕಡಲಿನ ಅಲೆಯ ರಭಸಕ್ಕೆ ಬೋಟ್ ಸಿಲುಕಿ ಹೂಳಿನ ದಿಬ್ಬಕ್ಕೆ ಬಡಿದ ಪರಿಣಾಮ ಬೋಟ್ ಕೆಳಭಾಗದಲ್ಲಿ ಬಿರುಕು ಬಿಟ್ಟು ನೀರು ತುಂಬಿ ಮುಳುಗಡೆಯಾಯಿತು. ಇದರಿಂದಾಗಿ ಬೋಟ್ನಲ್ಲಿದ್ದ 500 ಮಾರು ಉದ್ದದ ಬಲೆ, ಮೀನುಗಾರಿಕೆಗೆ ಉಪಯೋಗಿಸುವ ಜಿಪಿಎಸ್, ವೈಯರಲೆಸ್, ಫಿಶ್ ಫೈಂಡರ್, ಇಲೆಕ್ಟ್ರಿಕಲ್ ಉಪಕರಣಗಳು, ದೊಡ್ಡ ಗಾತ್ರದ ಬ್ಯಾಟರಿಗಳು, 500 ಮೀಟರ್ ಉದ್ದದ ಹಗ್ಗ, 1500 ಲೀಟರ್ ಡೀಸೆಲ್ ಹಾಗೂ ಇತರೆ ಸಲಕರಣೆಗಳು ಬೋಟ್ನೊಂದಿಗೆ ಮುಳುಗಡೆಯಾಗಿವೆ. ಮುಳುಗಡೆಯಾದ ಬೋಟ್ ಹಾಗೂ ಸಲಕರಣೆಗಳ ಮೌಲ್ಯ 70 ಲಕ್ಷ ರೂ. ಗಳಷ್ಟು ಎಂದು ಘಟನೆಯ ಕುರಿತು ಬೋಟ್ ಮಾಲೀಕರು ಹೊನ್ನಾವರ ಸಿಪಿಐ ಅವರಿಗೆ ನೀಡಿದ ಲಿಖಿತ ದೂರಿನಲ್ಲಿ ತಿಳಿಸಿದ್ದಾರೆ.
