ಹುಲಿಯೊಂದಿಗೆ ಸಹಬಾಳ್ವೆ:20211ರಲ್ಲಿ ಬಿಆರ್ಟಿ ಹುಲಿ ಸಂರಕ್ಷಿತಾರಣ್ಯ ಪ್ರದೇಶವಾಗಿ ೋಷಣೆಯಾಯಿತು. ಸುಮಾರು 574 ಚದರ ಕಿ.ಮೀ 55 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿರುವ ಕಾಡಿನಲ್ಲಿ ಆಗ 25 ಇದ್ದ ಹುಲಿಗಳ ಸಂಖ್ಯೆ ಈಗ 40ಕ್ಕೂ ಹೆಚ್ಚಿವೆ. ಅರಣ್ಯದ ಒಳಗೆ 22 ಸೋಲಿಗರ ಪೋಡುಗಳು, ಅರಣ್ಯದ ಅಂಚಿನಲ್ಲಿ 39 ಪೋಡುಗಳಿವೆ. ಸುಮಾರು 12 ಸಾವಿರ ಸೋಲಿಗರು ವಾಸ ಮಾಡುತ್ತಿದ್ದಾರೆ.
ಹುಲಿ ಮತ್ತು ಮಾನವನ ಸಹಬಾಳ್ವೆ ಇಲ್ಲಿ ದೈವಸ್ವರೂಪದಿಂದ ಕೂಡಿದೆ. ಸೋಲಿಗರು ಹುಲಿಯನ್ನು ಆರಾಧನೆ ಮಾಡುತ್ತಾರೆ. ಕಾಡಿನಲ್ಲಿ ಸೋಲಿಗರು ಕಟ್ಟಿಕೊಂಡಿರುವ ಒಟ್ಟು 480 ಸಣ್ಣ ಸಣ್ಣ ದೇಗುಲಗಳವೆ. ಇವುಗಳಲ್ಲಿ ಹುಲಿ ವಾಹನಗಳ ಉತ್ಸವ ನಡೆಯುತ್ತವೆ. ದೊಡ್ಡಸಂಪಿಗೆ, ಗುಂಡ್ಲು ಜಲಾಶಯದ ಅರಣ್ಯಗಳಲ್ಲಿ ‘ಹುಲಿ ವೀರಪ್ಪ’ನ ಕೆತ್ತನೆಯ ವಿಗ್ರಹಗಳಿವೆ. ಇಲ್ಲಿ ವ್ಯಾಘ್ರದ ಕುರಿತು ಪದಗಳನ್ನು ಕಟ್ಟಿ ಪೂಜೆ ಸಲ್ಲಿಸುತ್ತಾರೆ. ಮಂಗಳೂರು ಕಡೆ ಹುಲಿ ವೇಷ ಧರಿಸುತ್ತಾರೆ. ಆದರೆ ಇಲ್ಲಿ ಸೊಪ್ಪುಗಳನ್ನು ಮೈಗೆ ಕಟ್ಟಿಕೊಂಡು ಕುಣಿಯುವ ವಿಭಿನ್ನ ಶೈಲಿಯ ಗೊರುಕನ ನೃತ್ಯ ಬಹಳ ಪ್ರಸಿದ್ಧಿ ಪಡೆದುಕೊಂಡಿದೆ. ಸೋಲಿಗರು ಹುಲಿಗಳ ಬಗ್ಗೆ ಅಪಾರವಾದ ಜ್ಞಾನ ಹೊಂದಿದ್ದಾರೆ. ಹುಲಿಗಳ ಚಲನವಲನ, ದಾಳಿಯ ಅಪಾಯಗಳನ್ನೆಲ್ಲಾ ಅರಿತಿದ್ದಾರೆ. ಬೇರೆ ಕಡೆ ಹುಲಿ ಕಾಣಿಸಿಕೊಂಡರೆ ಸೆರೆ ಹಿಡಿಯುವ ಕಾರ್ಯಾಚರಣೆಗಾಗಿ ಇಲ್ಲಿನ ಸೋಲಿಗರನ್ನು ಬಳಕೆ ಮಾಡಿಕೊಳ್ಳಲಾಗುತ್ತದೆ. ಹೀಗಾಗಿ ಬಿಆರ್ಟಿ ಕಾಡಿನಲ್ಲಿ ಹುಲಿ ದಾಳಿಗೆ ಸೋಲಿಗ ಬಲಿ ಎಂಬ ಸುದ್ದಿಗಳು ವರದಿಯಾಗುವುದು ಕಡಿಮೆ. ಇಬ್ಬರ ನಡುವೆ ಸಂಘರ್ಷವಿಲ್ಲದೆ ಇರುವುದು ಸಹಬಾಳ್ವೆಯ ಸಂಕೇತವಾಗಿದೆ. ಹುಲಿಗಳ ಸಂಖ್ಯೆ ಹೆಚ್ಚಳಕ್ಕೂ ಕಾರಣವಾಗಿದೆ.
