ಹುಬ್ಬಳ್ಳಿ : ಹುಬ್ಬಳ್ಳಿ ವಿಭಾಗೀಯ ನೂತನ ರೈಲ್ವೆ ವ್ಯವಸ್ಥಾಪಕರಾಗಿ ಹರ್ಷ ಖರೆ ಅವರು ಬುಧವಾರ ಅಧಿಕಾರ ಸ್ವೀಕರಿಸಿದರು.
ಈ ಮೊದಲು ವಿಭಾಗೀಯ ರೈಲ್ವೆ ವ್ಯವಸ್ಥಾಪಕರಾಗಿದ್ದ ಅರವಿಂದ ಮಾಲಖೇಡೆ ಅವರು ವರ್ಗಗೊಂಡ ಹಿನ್ನೆಲೆಯಲ್ಲಿ ಹರ್ಷ ಖರೆ ಅಧಿಕಾರ ವಹಿಸಿಕೊಂಡರು. ಅರವಿಂದ ಮಾಲಖೇಡೆ ಅವರು ಹರ್ಷ ಖರೆ ಅವರಿಗೆ ಅಧಿಕಾರ ಹಸ್ತಾಂತರಿಸಿ, ಶುಭ ಕೋರಿದರು.
ಹರ್ಷ ಖರೆ ಅವರು ಭಾರತೀಯ ರೈಲ್ವೆಯ ಇಲೆಕ್ಟ್ರಿಕಲ್ ಇಂಜಿನಿಯರ್ಸ್ ಸೇವೆಯ 1991ನೇ ಬ್ಯಾಚ್ನ ಅಧಿಕಾರಿಯಾಗಿದ್ದಾರೆ. ಹುಬ್ಬಳ್ಳಿಯ ವಿಭಾಗೀಯ ರೈಲ್ವೆ ವ್ಯವಸ್ಥಾಪಕ ಹುದ್ದೆಯನ್ನು ವಹಿಸಿಕೊಳ್ಳುವುದಕ್ಕೆ ಮೊದಲು ಅವರು ಪ್ರಯಾಗರಾಜ್ ನ ಕೇಂದ್ರೀಯ ರೈಲ್ವೆ ವಿದ್ಯುದಿಕರಣ ಸಂಘಟನೆಯಲ್ಲಿ ಮುಖ್ಯ ವಿದ್ಯುತ್ ಇಂಜಿನಿಯರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು.
