ಸರಕು ಸಾಗಣೆಯ ಕಡಿಮೆ ಬೋಗಿ ಇರುವ ರೈಲುಗಳ ಸಂಚಾರಕ್ಕೆ 600ರಿಂದ 1,500 ಕಿಮೀವರೆಗೆ ಪರವಾನಗಿ ನೀಡಲಾಯಿತು. ಇದೀಗ ಈ ಸಂಚಾರದ ಪರವಾನಗಿಯನ್ನು 2 ಸಾವಿರ ಕಿಮೀವರೆಗೆ ವಿಸ್ತರಿಸಲಾಗಿದೆ. 50 ಕಿಮೀ, 75 ಕಿಮೀ ಹಾಗೂ 90 ಕಿಮೀ ಒಳಗೆ ಸಾಗಣೆ ಮಾಡುವ ಕಲ್ಲಿದ್ದಿ್ದು, ಕಬ್ಬಿಣದ ಅದಿರಿಗೆ ಶೇ. 50, 25 ಹಾಗೂ 10ರಷ್ಟು ರಿಯಾಯಿತಿ ನೀಡಲಾಗಿದೆ. 1,400 ಕಿಮೀಗೂ ಹೆಚ್ಚು ದೂರ ಸಾಗಿಸುವ ಕಲ್ಲಿದ್ದಿಲಿಗೆ ಶೇ. 20ರಷ್ಟು, 1,600 ಕಿಮೀಗಿಂತ ಹೆಚ್ಚು ದೂರ ಸಾಗಿಸುವ ಸ್ಟೀಲ್ ಹಾಗೂ ಕಬ್ಬಿಣದ ಅದಿರಿಗೆ ಶೇ. 20ರಷ್ಟು, ಕಬ್ಬಿಣದ ಅದಿರನ್ನು 700 ಕಿಮೀಗಿಂತ ಹೆಚ್ಚು ಸಾಗಿಸಿದರೆ ಶೇ. 15ರಷ್ಟು ಹಾಗೂ 1,500 ಕಿಮೀಗಿಂತ ಹೆಚ್ಚು ದೂರ ಸಾಗಿಸಿದರೆ ಶೇ. 20ರಷ್ಟು ರಿಯಾಯಿತಿ ನೀಡಲಾಗಿದೆ ಎಂದು ವಿವರಿಸಿದರು. ಕಡಿಮೆ ಬೋಗಿಗಳಲ್ಲಿ ಸರಕು ಸಾಗಿಸಲು ವ್ಯಾಪಾರ ಮಾಲಾ ಎಂಬ ಯೋಜನೆಯನ್ನು, ಕೃಷಿ ಬೆಳೆ, ಪರಿಕರಗಳ ಸಾಗಣೆಗೆ ಕಿಷನ್ ರೈಲ್ ಎಂಬ ರೈಲನ್ನು ಪ್ರಾರಂಭಿಸಲಾಗಿದೆ ಎಂದು ತಿಳಿಸಿದರು.
