ಹುಬ್ಬಳ್ಳಿ: ಹುಬ್ಬಳ್ಳಿ-ಧಾರವಾಡ ನಗರಾಭಿವೃದ್ಧಿ ಪ್ರಾಧಿಕಾರ (ಹುಡಾ)ದ ಅಧ್ಯಕ್ಷರಾಗಿ ಇತ್ತೀಚೆಗೆ ಅಧಿಕಾರ ವಹಿಸಿಕೊಂಡಿರುವ ನಾಗೇಶ ಕಲಬುರ್ಗಿ ಅವರು ಅವಳಿ ನಗರದ ವ್ಯವಸ್ಥಿತ ಅಭಿವೃದ್ಧಿ ವಿಷಯದಲ್ಲಿ ತಮ್ಮದೇ ಆದ ಕಲ್ಪನೆಗಳನ್ನು ಹೊಂದಿದ್ದಾರೆ. ಈ ನಿಟ್ಟಿನಲ್ಲಿ, ಇತ್ತೀಚೆಗೆ ಅವರು ಅಕ್ರಮ ಲೇಔಟ್ಗಳ ವಿರುದ್ಧ ಸಮರ ಸಾರಿದ್ದಾರೆ. ಸಿಡಿಪಿ, ಒಡಿಪಿಗಳು ಅಂಗೀಕಾರವಾಗಿರುವುದರಿಂದ ಹು-ಧಾ ನಗರಗಳು ಅಭಿವೃದ್ಧಿಯಲ್ಲಿ ಸ್ಥಿರತೆ ಸಾಧಿಸಲು ಅನುವಾಗುತ್ತದೆ ಎಂದು ಭಾವಿಸಲಾಗಿದೆ. ನಗರದ ವ್ಯವಸ್ಥಿತ ಅಭಿವೃದ್ಧಿ, ಸೌಂದಯೀಕರಣ, ಹುಡಾ ಕಾರ್ಯ ಚಟುವಟಿಕೆಗಳು, ಕೈಗೊಂಡಿರುವ ಕಾರ್ಯಕ್ರಮ, ಹೊಸ ಯೋಜನೆಗಳು, ಅಕ್ರಮ ಲೇಔಟ್ಗಳ ವಿರುದ್ಧದ ಕ್ರಮ, ಹೊಸ ವಸತಿ ಬಡಾವಣೆಗಳ ನಿರ್ವಣ, ಸರ್ಕಾರದ ಅಕ್ರಮ-ಸಕ್ರಮ ಯೋಜನೆ ಜಾರಿ ಮೂಲಕ ಹಲವಾರು ವರ್ಷದಿಂದ ಬಾಕಿ ಇರುವ ಸಮಸ್ಯೆಗಳನ್ನು ಇತ್ಯರ್ಥಪಡಿಸುವುದು ಸೇರಿ ವಿವಿಧ ವಿಷಯಗಳ ಬಗ್ಗೆ ಹುಡಾ ಅಧ್ಯಕ್ಷ ನಾಗೇಶ ಕಲಬುರ್ಗಿ ಅವರೊಂದಿಗೆ ನಾಗರಿಕರು ನೇರವಾಗಿ ಮಾತನಾಡಲು ಕನ್ನಡದ ನಂ. ದಿನಪತ್ರಿಕೆ ವಿಜಯವಾಣಿ ಒಂದು ಉತ್ತಮ ಅವಕಾಶ ಕಲ್ಪಿಸಿಕೊಡುತ್ತಿದೆ.
