ಪ್ರವಾಸಿತಾಣಗಳು ಭಣಭಣ
ಕರೊನಾ ರೋಗದ ಭೀತಿ ವ್ಯಾಪಕವಾಗುತ್ತಿರುವುದರಿಂದ ಜಿಲ್ಲೆಯಲ್ಲಿರುವ ಪ್ರವಾಸಿ ತಾಣಗಳ ಮೇಲೆಯೂ ಪರಿಣಾಮ ಬೀರಿದ್ದು, ಪ್ರವಾಸಿಗರ ಕೊರತೆ ಎದುರಿಸುತ್ತಿವೆ. ಶಿಗ್ಗಾಂವಿ ತಾಲೂಕು ಗೋಟಗೋಡಿಯಲ್ಲಿರುವ ಉತ್ಸವ ರಾಕ್ಗಾರ್ಡ್ನ್, ಬಾಡದಲ್ಲಿರುವ ಕನಕದಾಸರ ಅರಮನೆ, ಬ್ಯಾಡಗಿ ತಾಲೂಕು ಕಾಗಿನೆಲೆಯ ಕನಕ ಉದ್ಯಾನಕ್ಕೆ ಈ ತಿಂಗಳ ಆರಂಭದಿಂದ ಪ್ರವಾಸಿಗರ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿದೆ. ಪ್ರತಿಯೊಂದು ತಾಣಕ್ಕೂ ಮಾರ್ಚ್ ಆರಂಭದಲ್ಲಿ ಪ್ರತಿದಿನ ಸರಾಸರಿ 200ರಿಂದ 250 ಪ್ರವಾಸಿಗರು ಬರುತ್ತಿದ್ದರು. ಈಗ ಆ ಸಂಖ್ಯೆ 100ರಿಂದ 50ಕ್ಕೆ ಕುಸಿದಿದೆ. ಹೀಗಾಗಿ ವ್ಯಾಪಾರವಿಲ್ಲದೇ ಪ್ರವಾಸಿ ತಾಣಗಳ ಬಳಿ ತಾತ್ಕಾಲಿಕವಾಗಿ ಶೆಡ್ನಲ್ಲಿ ಆರಂಭಿಸಿದ್ದ ಟೀ, ಐಸ್ಕ್ರೀಮ್ ಚೂಡಾ, ಗೋಬಿಮಂಚೂರಿ ಅಂಗಡಿಗಳ ವ್ಯಾಪಾರಸ್ಥರು ಅಂಗಡಿಗಳನ್ನು ಬಂದ್ ಮಾಡಿದ್ದಾರೆ.
