ಗುಡಿಸಲು ವಾಸಿಗಳಿಗೆ ಅನ್ನ: ನವಲಗುಂದ ಪೊಲೀಸರು ಸಂಕಷ್ಟದಲ್ಲಿ ಬುದ್ದಿಮಾಂದ್ಯ ಹಾಗೂ ಗುಡಿಸಲು ವಾಸಿಗಳಿಗೆ ಸೋಮವಾರ ಮಾಸ್ಕ್, ಊಟ, ಉಪಾಹಾರ ನೀಡಿ ಮಾನವೀಯತೆ ಮೆರೆದರು. ಪಿಎಸ್ಐ ಜಯಪಾಲ ಪಾಟೀಲ, ತಹಸೀಲ್ದಾರ್ ನವೀನ ಹುಲ್ಲೂರ, ಪುರಸಭೆ ಮುಖ್ಯಾಧಿಕಾರಿ ಎನ್.ಎಚ್. ಖುದಾವಂದ್ ತಮ್ಮ ಸಿಬ್ಬಂದಿ ಲಾಕ್ಡೌನ್ ವೇಳೆ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಮá-ನ್ನೆಚ್ಚರಿಕೆ ವಹಿಸಿದ್ದಾರೆ. ಈವರೆಗೆ ಯಾರಲ್ಲಿಯೂ ಕರೊನಾ ಸೋಂಕು ದೃಢಪಟ್ಟಿಲ್ಲ. ಆದರೆ, ಈ ಹಿಂದೆ ವಿದೇಶದಿಂದ ಬಂದಿದ್ದ ಏಳು ಜನರನ್ನು ವೈದ್ಯಾಧಿಕಾರಿಗಳು ತಪಾಸಣೆಗೆ ಒಳಪಡಿಸಿದ್ದು, 14 ದಿನಗಳವರೆಗೆ ಗೃಹ ಬಂಧನದಲ್ಲಿರುವಂತೆ ತಾಲೂಕು ಆರೋಗ್ಯಾಧಿಕಾರಿ ತಿಳಿಸಿದ್ದಾರೆ.
