ಹಳೇ ವಿದ್ಯಾರ್ಥಿಗಳಿಂದ ಸ್ನೇಹ ಸಮ್ಮೀಲನ ಕಾರ್ಯಕ್ರಮ

ಚಿಕ್ಕಮಗಳೂರು: ಆದಿಚುಂಚನಗಿರಿ ತಾಂತ್ರಿಕ ಮಹಾವಿದ್ಯಾಲಯದ ೧೯೯೫-೯೯ ಸಾಲಿನ ಹಳೇ ವಿದ್ಯಾರ್ಥಿಗಳಿಗೆ ನಗರದಲ್ಲಿ ಎಐಟಿ ಕಾಲೇಜು ವತಿಯಿಂದ ಸ್ನೇಹ ಸಮ್ಮೇಲನ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.

ಕಾರ್ಯಕ್ರಮದಲ್ಲಿ ಸುಮಾರು ೨೦೦ಕ್ಕೂ ಹೆಚ್ಚು ಹಿರಿಯ ವಿದ್ಯಾರ್ಥಿಗಳು ಕುಟುಂಬ ಸಮೇತ ಪಾಲ್ಗೊಂಡಿದ್ದರು. ಈ ನಡುವೆ ಹಳೆಯ ನೆನಪುಗಳು, ಕಾಲೇಜಿನಲ್ಲಿ ನಡೆಸಿದ ತುಂಟಾಟ ಹಾಗೂ ಕ್ರೀಡೆ ಮತ್ತು ಸಾಂ ಸ್ಕೃತಿಕ ಸ್ಪರ್ಧೆಗಳಲ್ಲಿ ಭಾಗವಹಿಸಿದ ಸಿಹಿಕ್ಷಣಗಳನ್ನು ಹಂಚಿಕೊAಡರು.

ಅನೇಕರು ಕಾಲೇಜಿನಲ್ಲಿ ಕಳೆದಂಥ ಸವಿನೆನಪಿನ ಅನಿಸಿಕೆಗಳನ್ನು ವ್ಯಕ್ತಪಡಿಸಿದರು. ತದನಂತರ ಎಐಟಿ ಕಾಲೇಜು ಕುರಿತು ಹಳೇ ವಿದ್ಯಾರ್ಥಿಗಳು ಕಿರುಚಿತ್ರವನ್ನು ವೇದಿಕೆಯಲ್ಲಿ ಪ್ರದರ್ಶಿಸಿದರು. ಬಳಿಕ ಕಾಲೇಜಿನ ನಿವೃತ್ತ ಹಾಗೂ ಹಾಲಿ ಉಪನ್ಯಾಸಕರಿಗೆ ಹಳೇ ವಿದ್ಯಾರ್ಥಿಗಳು ಗೌರವಿಸುವ ಮೂಲಕ ಖುಷಿಪಟ್ಟರು.

ಈ ಸಂದರ್ಭದಲ್ಲಿ ಹಳೇ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಸಿ.ಟಿ.ಜಯದೇವ್, ಕಾರ್ಯದರ್ಶಿ ಜಿ.ಎಂ. ಸತ್ಯನಾರಾಯಣ್, ಕಾಲೇಜು ರಿಜಿಸ್ಟರ್ ಡಾ. ಸಿ.ಕೆ.ಸುಬ್ಬರಾಯ್, ಆಡಳಿತ ಮಂಡಳಿ ಸದಸ್ಯ ಕೆ.ಮೋಹನ್ ಮತ್ತಿತರರಿದ್ದರು.