ಹಗಲಿರುಳು ಸರದಿಯಲ್ಲಿ ಕಾವಲು

ಹುಬ್ಬಳ್ಳಿ: ಕರೊನಾ ಸೋಂಕಿಗೆ ತಮ್ಮೂರಿನ ಜನ ತುತ್ತಾಗಬಾರದೆಂಬ ಉದ್ದೇಶದಿಂದ ಹುಬ್ಬಳ್ಳಿ ಹೊರವಲಯದ ಹೊಸ ಗಬ್ಬೂರಿನ ಯುವಕರು ಹೊಸಬರ ಪ್ರವೇಶಕ್ಕೆ ನಿರ್ಬಂಧ ಹೇರಿದ್ದಾರೆ.

ಹೊಸ ಗಬ್ಬೂರ ಪ್ರವೇಶದ ಸುತ್ತಲಿನ ಐದಾರು ರಸ್ತೆಗಳಿಗೆ ಅಡ್ಡಲಾಗಿ ಕಟ್ಟಿಗೆಗಳನ್ನು ಕಟ್ಟಿ, ಹೊಸಬರು ಯಾರೂ ಗ್ರಾಮದೊಳಗೆ ಪ್ರವೇಶಿಸದಂತೆ ಎಚ್ಚರಿಕೆ ವಹಿಸಿದ್ದಾರೆ.

ಅಗತ್ಯ ವಸ್ತುಗಳ ಖರೀದಿಗೆ ಯಾರಾದರೂ ಹೊರಗೆ ಹೋಗಬೇಕೆಂದರೆ ಒಂದು ಕುಟುಂಬದಿಂದ ಒಬ್ಬರು ಮಾತ್ರ ಹೋಗಬೇಕೆಂದು ಷರತ್ತು ವಿಧಿಸಿದ್ದಾರೆ.

ಹೊರಗಿನವರು ಗ್ರಾಮದ ಒಳಗೆ ಹೋಗುವುದು ಅನಿವಾರ್ಯ ಆದಲ್ಲಿ ಅವರು ಸಮೀಪದ ಪೊಲೀಸ್ ತಪಾಸಣಾ ನಾಕಾದಿಂದ ಥರ್ಮಲ್ ಸ್ಕ್ರೀನಿಂಗ್ ಮಾಡಿಸುವುದು ಅಗತ್ಯ.

ಗ್ರಾಮದ ಸುತ್ತಲೂ ಸ್ವಯಂ ಪ್ರೇರಿತವಾಗಿ ರಸ್ತೆಗಳನ್ನು ಬಂದ್ ಮಾಡಿರುವ ಇಲ್ಲಿನ ಯುವಕರು, ಹಗಲು- ರಾತ್ರಿ ಎನ್ನದೆ 24 ತಾಸೂ ಸರದಿಯಲ್ಲಿ ಕಾವಲು ಕಾಯುತ್ತಿದ್ದಾರೆ.