ಕಳೆದ 2018ರಲ್ಲಿ ಗ್ರಾಮಪಂಚಾಯಿತಿಯು ಸರ್ಕಾರದ ನಿಯಮಗಳನ್ನು ಗಾಳಿಗೆ ತೂರಿ ಫಲಾನುಭವಿಗಳ ಪಟ್ಟಿ ಸಿದ್ಧಪಡಿಸಿತ್ತು. ನಿವೇಶನ ನೀಡಲು ಅಧಿಕಾರಿಗಳು ಹಾಗೂ ಗ್ರಾಮದ ಮುಖಂಡರು ಏಜೆಂಟರ ಮೂಲಕ ಪ್ರತಿಯೊಬ್ಬ ಫಲಾನುಭವಿಯಿಂದಲೂ 5-10 ಸಾವಿರ ರೂ. ಲಂಚ ವಸೂಲು ಮಾಡಿದ್ದಾರೆ. ಆದರೆ ಕಳೆದ ತಿಂಗಳು ಸಚಿವ ವಿ.ಸೋಮಣ್ಣ 173 ಜನರಿಗೆ ಹಕ್ಕುಪತ್ರ ವಿತರಣೆ ಮಾಡಿದ ಸಂದರ್ಭದಲ್ಲಿ ತಮ್ಮ ಜನಾಂಗದ ಒಬ್ಬರಿಗೂ ನೀಡಿಲ್ಲ. ನಮಗೆ ಇದರಿಂದ ಇತ್ತ ಹಣವೂ ಇಲ್ಲ, ನಿವೇಶನವೂ ಇಲ್ಲ ಎಂಬಂತಾಗಿದೆ. ನಮ್ಮ ಜನಾಂಗದವರಿಗೆ ಮೇಲುಕಾಮನಹಳ್ಳಿ ಸಮೀಪ ಹೊಸದಾಗಿ ಭೂಮಿ ಗುರುತಿಸಿ ಅಲ್ಲಿ ನಿವೇಶನ ನೀಡುವುದಾಗಿ ಹೇಳುತ್ತಿದ್ದಾರೆ. ಈಗಾಗಲೇ ವಿತರಿಸಿರುವ ಎಲ್ಲ ಹಕ್ಕುಪತ್ರಗಳನ್ನು ರದ್ದುಗೊಳಿಸಿ ಕೂಡಲೇ ಎಲ್ಲರಿಗೂ ಒಂದೇ ಕಡೆ ನಿವೇಶನ ನೀಡಬೇಕು. ತಪ್ಪಿತಸ್ಥ ಅಧಿಕಾರಿಗಳ ವಿರುದ್ಧ ಕ್ರಮಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.
