ಉಪವಿಭಾಗದ ಸಾರ್ವಜನಿಕರು ಸಣ್ಣಪುಟ್ಟ ಔಷಧ ಮತ್ತು ದಿನಸಿ ಸಾಮಗ್ರಿ ಖರೀದಿಗೆ ದೂರದ ಹಳ್ಳಿಯಿಂದ ಪಟ್ಟಣಕ್ಕೆ ಬರುತ್ತಿದ್ದಾರೆ. ಹೀಗೆ ಸಣ್ಣಪುಟ್ಟ ವಿಷಯಕ್ಕೆ ಬರದೇ ಶಿರಸಿ ಪೊಲೀಸ್ ಲಿಂಕ್ನಲ್ಲಿ ಸ್ವಯಂ ಸೇವಕ ಸಂಘಟನೆಯವರಿಗೆ ಕರೆ ಮಾಡಿ ಸಾರ್ವಜನಿಕರು ಇದರ ಸಹಾಯ ಪಡೆದುಕೊಳ್ಳಬೇಕು. ಶಿರಸಿ, ಸಿದ್ದಾಪುರ, ಯಲ್ಲಾಪುರ, ಮುಂಡಗೋಡ ತಾಲೂಕಿನ ಮಾಹಿತಿ ಈ ಶಿರಸಿ ಪೊಲೀಸ್ ಲಿಂಕ್ ನಲ್ಲಿ ಅಳವಡಿಸಲಾಗಿದೆ. ಶಿರಸಿಯ ಪೊಲೀಸ್ ಲಿಂಕ್ನಲ್ಲಿ ನೀಡಿದ ಸಂಘಟಕರು ಲಾಕ್ಡೌನ್ ಯಶಸ್ಸು ಗೊಳಿಸಲು ಪೊಲೀಸ್ ಮತ್ತು ಜಿಲ್ಲಾಡಳಿತದೊಂದಿಗೆ ಕೈಜೋಡಿಸಿ ಸಾರ್ವಜನಿಕರು ದೂರವಾಣಿ ಕರೆಮಾಡಿ ಸಹಾಯ ಕೇಳಿದಲ್ಲಿ ಅಂತಹವರ ಮನೆಮನೆಗೆ ಯಾವುದೇ ಲಾಭದ ನಿರೀಕ್ಷೆ ಇಲ್ಲದೇ ಉಚಿತವಾಗಿ ನೀಡುತ್ತಿದ್ದಾರೆ. ಈವರೆಗೆ ಮನೆಯಿಂದ ಹೊರಬರದೇ ಉಪವಿಭಾಗದ ಸಾರ್ವಜನಿಕರು ಮನೆಯಿಂದಲೇ ದೂರವಾಣಿ ಕರೆ ಮಾಡಿ, ಅಗತ್ಯ ವಸ್ತುಗಳ ಸೇವೆಯನ್ನು ಪಡೆದುಕೊಂಡು ಲಾಕ್ಡೌನ್ ಯಶಸ್ವಿಗೊಳಿಸಲು ಇಲಾಖೆಯೊಂದಿಗೆ ಕೈಜೋಡಿಸುವಂತೆ ವಿನಂತಿಸಿದ್ದಾರೆ.
